شرح إلي كل من سجل بدوره اللغة الإنجليــزيه ممكن شويه ..

أنا مثلك حايسة

هلا ي عسسسسسل عسسساك بخيييير
ياااارب
بحاااول اجاااوبك باللي اعرررفه
بالنسبه لكيف تجااوبي بالمايك
اذا تقصدي الدروس المباشره عااادي اضغطي ع اشارة المايك الموجوده باعلئ الصفحه من جهة اليسار

وبالنسبه للتسجيل باتشطة الدوره الخاصه فيييك
بسيط جدا
عادي اضغطي ع التسجيل حيجيك تحميل وبعدها يظهرلك زي المستطيل يوضح تذبذبات الصوت ابدئي سجلي عادي جدا وفيك حتئ تسمعي تسجيلك
ف بعض الانشطه

وبالنسبه لفصول المحادثه فعلا ماتتغير هيا لجميع المستويات
اللي تتغير فقط دورتك الخاصه مثل ماقلتي

ان شاء الله فه فهمتي عليا
بالتوفيييق

^^
اهلين وسهلين ي عسسل أنا تمام إنتي إن شاءالله أنهيت أمور المعهد على خير..
أيوووه تمام فهمت عليك تبع فصول المحادثه ويارب أتحمس وأتكـــلم معاهم


أمـا التسجيل طفشني مو راضي مره أصلا ماتطلع الذبذبات إلي تقولي عليها عندي !!
رجعت لإعدادت التسجيل والمايك بجهازي وتمام ماني عارفه الغلط فين والمشكله ماينقلني لتمارين الوحده الي بعدها إلا لما أنهي كل النشاطات !!!

أيوه أستغربت المواضيع جالسه زي قبل طيب كويس الحمدلله طمنتيني ربي يطمنك ..مره شكرا والله يسعدك ربي

دحين فاضل بس التسجيييل بليييز إلي عنده حل ينورني يسعدكم ربي ..

- - - مشاركة محدثة - - -

^^
اهلين وسهلين ي عسسل أنا تمام إنتي إن شاءالله أنهيت أمور المعهد على خير..
أيوووه تمام فهمت عليك تبع فصول المحادثه ويارب أتحمس وأتكـــلم معاهم


أمـا التسجيل طفشني مو راضي مره أصلا ماتطلع الذبذبات إلي تقولي عليها عندي !!
رجعت لإعدادت التسجيل والمايك بجهازي وتمام ماني عارفه الغلط فين والمشكله ماينقلني لتمارين الوحده الي بعدها إلا لما أنهي كل النشاطات !!!

أيوه أستغربت المواضيع جالسه زي قبل طيب كويس الحمدلله طمنتيني ربي يطمنك ..مره شكرا والله يسعدك ربي

دحين فاضل بس التسجيييل بليييز إلي عنده حل ينورني يسعدكم ربي ..

- - - مشاركة محدثة - - -

إن شاءالله يجي أحد يفيدنا بالباقي شوفي رد حلمي إن شاءالله يضبط معاك ِ...

انا مره يضبط معي وعشرين لا في الاخير زهقت ولاكملت الدوره

نفسي فيها بس مو سامحينلي أسجل فيها

مــروه ..

قبل فتره أرسلت على دا الإيميل .. KASP@seu.edu.sa
والحمدلله من خلالـه سجلوني ، أمممم بتاريخ 3 صفـر أول مسج أرسلته ورجعت مسجت مره تانيه خلال هده الفتره وتم تسجيلي بتاريخ 2 ربيع الأول >> حبيت أوضح لك الفتره عشان تكوني ع بينه وماتزهقي زي ^^

ملاحظه : من أول مسج أرسلت دي المعلومات عشان أختصر عليهم ^^ + وضحت إنه فاضل علي دراستي وقت وحابه أستفيد ^^

الإسم عربي / إنجلش
رقم الطلب
السجل المدنـي
رقم الجوال
الإيميل مهم يكون صح وتشتغلي عليه
مكان حضور الملتقى يومي و الموافق ..



بالتوفييييق يارب ..

من جـد شيء يطفش لما تبغى تستفيد ومو قادره بسبب مو عارفه إيش هرجته ...الله يسهل قريب إن شاءالله ..
بس كمل ياحيى والله خساره أقلها خش ع الفصول وفي كمان أيقونه للكلمات الي تعرفها والي ماتعرفها ويعملك مراجعه ويعطيك نسبه إجتيازك لها مره مره حلوه وماتحتاج تسجيل صوتي ..

بالتوفيييق

^
^
وأخيرا عرفت حل لمشكلتي الي فوق..

غيرت المتصفح من فايرفوكس إلي شورم والحمدلله طلعت أيقونة التسجيل والذبذبات " قبل نهائي ماكنت أشوف إشارتها وبالتالي ماكنت أقدر أسجل " ..
حبيت أشاركم بالحل يمكن حدن يسير له متل ماسارلي واختصر عليـه لأنه قهر ضاع وقت عليا بسبب هالمشكلة..
مع إنه أحيــان مايلقط تسجيلي ويعطيني تنبيه إنه خاصية التسجيل غير متاحه بالموقع الأن..

بس الحمدلله وصلنا لشيء ولاعدمـه ^^

بالتوفيق للجميـــع ..

السلام عليكم ورحمة الله وبركاته
قد يكون ردي متأخر بعض الشي

أنا واجهتني مشكلة تسجيل الصوت في الأنشطة الصوتية
المتصفح اكسبلورر 8 (يظهر زر التسجيل - يظهر شريط ذبذبات الصوت ) ولكن أجد صعوبة بالغة في اجتياز النشاط
في كل مرة اسجل صوتي ولا يفهمني الكمبيوتر ’’ فأعيد النشاط مرة أخرى
وفي بعض الأوقات من كثر المحاولات تظهر رسالة من الموقع تفيد بأنه تم تغيير طريقة الإجابة إلى اختيار من متعدد بسبب مشكلة في الصوت

وذهبت إلى مقر الجامعة السعودية الألكترونية ,, ومن مكتب إلى مكتب أشرح مشكلتي فأوصوني بعمل الآتي:
مسح الكوكيز - والملفات المؤقتة - والسجل من قائمة أداوت ثم خيارات انترنت

ولم تفلح النتيجة
وطالبتهم بتوفير سماعة خاصة لي ,, وتم توفيرها عن طريقهم (وهي من حق الطالب توزع مجانا)

****************************************
ولكن الحل الأفضل بنظري
من يملك جهاز آيباد >> يستخدمه في الأنشطة الصوتية
جداًجداًجداًجداًجداً راااااااائع
من أول نطق (تسجيل) يستجيب
ويوفر الكثير الكثير من الوقت

ووالله أصبحت أستمتع بالأنشطة الصوتية بعد استخدامي للآيباد
أما عن طريق الكمبيوتر فـ والله تعبت من التسجيل ولا يستجيب ويعتبر اجابتي خاطئة أو غير مفهومه

**************
هذه مداخلتي
وأتمنى أكون قد أفدت ولو بالقليل