عرض للطباعة
السلام عليكم ..
الله يوفق الكل يارب وان شاء الله تتحقق احلام الجميع
انا بعثتي لأمريكا ومتحمسه لها كثير
بس مرافقي الي هو اخوي رفض الدوام يعظيه اجازه اكثر من 6 شهور
تكفون ابي اي حل يخليهم يأجلونها اطول مده ممكنه
بليز ماحد يقول روحي وخليه يضبطك ويرجع للسعوديه لانو ابد هالشي مرفوض تماما
ابي حل يخلي الوزراة تمدد لي البعثه
موفقين ويعطيكم العافيه
ياختي الوزاره ماعندها مشكله متى ماجهزتي اوراقك بيصدرون لك القرار.. اخوك شكله بقطاع خاص.. ماله الا يقدم استقاله.. خليه يكمل دراسته افضله
يعطيك العافيه
اي فعلا اخوي قطاع خاص
وهو ناجح بدوامه وماوده يستقيل ابد
عشان كذا ابي حل ماودي تتكنسل بعثتي
يعطيكم العافيه
بعد 6 شهور ماحد يقدر يروح معك وتبدلين المرافق ؟؟
اذا اخوك ماله رغبه ب اكمال دراسته.. مالك الا انك تنتظرين محرم يروح معاك.. الوكاد بعد ماتلقين محرم .. وقتها تكملين اجراءاتك عادي من قبول وفيزه وإلخ ومو مهم متى تكملي اجراءاتك لو بعد سنه سنتين عادي.. لكن انا بنصحك نصيحه اذا مالك الا اخوك هذا ك مرافق ويمديه ياخذ اجازة ٦ شهور.. خليه يروح معاك وتسكنين عند عائله لين تستقر امورك وتعرفي الديره كويس .. المساله سهله.. عموما الله يوفقك