الأعضاء الإشتراك و التسجيل

الملتقيات
ADs

خلاصة تجربتي بعد الوصول ،دعواتكم .

خلاصة تجربتي بعد الوصول ،دعواتكم .


NOTICE

تنبيه: هذا الموضوع قديم. تم طرحه قبل 1783 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية جادة جدا
    جادة جدا

    مبتعث مميز Characteristical Member

    جادة جدا الولايات المتحدة الأمريكية

    جادة جدا , أنثى. مبتعث مميز Characteristical Member. من السعودية , مبتعث فى الولايات المتحدة الأمريكية , تخصصى إدارة مالية , بجامعة انتظر القبول .
    • انتظر القبول .
    • إدارة مالية
    • أنثى
    • ., .
    • السعودية
    • Apr 2012
    المزيدl

    January 24th, 2013, 03:52 AM

    بسم الله خلاصة تجربتي بعد الوصول كالتالي: بصراحة فكرت اكتب القصة واكتشفت ان كتابتها كاملة مارح تفيد بشي لذلك قررت اكتب الفوائد على شكل نقاط سهل تذكرها : 1/ لاتشيل معاك اغراض كثيرة بشنطة اليد او الظهر ، لان المطار هناك فيه مشي كثييير وكل شي فيه طابور طووويل قدامك ،بااختصار لاتجيب معاك الا الاشياء اللي فعلا تحتاجها بالطيارة والضرورية+ لاتاخذ اي نوع اكل لانه مع وجبات الطيران مارح تلحق تأكله حتى لو انه حلويات . 2/ شفت ناس كثير يبدلو ملابسهم بالطيارة ،ماانصح أبدا ،البس اللي يريحك من البيت ،بجد ماله داعي بدلة وكرفتة، والبنات البسي اللي تبغي تحت عباتك وفكيها اذا وصلتي ولاتفكري تبدلي بالطيارة . 3/ حاول تكون معبي النماذج حقة الرحلة مترجمة عشان بس تنقلها نقل مع التركيز في كل سطر اثناء الطيران . 4/نصيحة مهمة جداً ، نامو يوم كامل قبل الرحلة واكلو وجبة خفيفة قبل تروحو المطار . 5/ العلك مهم بعد كل وجبة في الرحلة ، لأنة مع طولها والاكل جد الوضع تو متش وفهمكم كفاية ، اخر 3ساعات انكتمت من ريحة السمك اللي حطوه ع العشا . 6/ اللي ناوي ينام بالرحلة كل الوقت ياليت يحجز مكانه جمب الشباك ، لاني عانيت معاناة كل مابغيت اطلع من مكاني الا اللي ع الطرف نايم ومرافقي نايم جمبه هههههه احس كل الناس تدري اذا قمت من مكاني . 7/ بعد الوصول بالسلامه وقبل تطلع من المطار تأكد ان جاكيتك مقفل من الامام ، البرد جداً قوي لاننا من دول حارة وماتعودنا ع الهوا القوية . 8/ حاول تنام كويس كويس كويس بالفندق قبل تروح للعائلة اللي رح تسكن معاهم ورتب هندامك وروح لهم رااايق ، لان اول انطباع رح ينحفر براسهم عنك ، اللي بيشوفوك فيه اول مره . 9/ فيه اشياء اساسية لازم تاخذها معاك قبل تروح للبيت ، مفرش سرير جديد لك (على فكرة بالسوبر ماركت يجي المفرش بدون غطا المرتبة) اسأل قبل تشتريها +كوبك الخاص حق القهوة+ ادوات النظافة حقتك +شبشب+بطانية+مخدة . 10/ لا تحاول تلبس وجه مو وجهك وتتصرف بطريقة ماتعودت عليها ، يعني خليك عادي ، عادي لو تلخبطت باللغة مارح يضحكو ولايتريقو متعودين ع الطلاب . 11/ لا تزعل لو غلطت بالعناوين او الارقام لان الشي اللي تغلط فيه بالبداية احسسن بكثير تغلط بعد فترة طويلة ، انا لي اسبوعين ولسه مافهمت الشوارع ولا التقسيم حقهم ،ومااعرف اوصف للتكسي. 12/اطلب من العيلة يعلموك ع القطار والباص وكيف تطلع مواعيدهم من النت عشان توفر قيمة التكاسي الغالية . 13/ اسأل صاحب البيت اذا كان عنده اي نظام متبع ماشي عليه ، عيلتي مثلا مشترطين اطلع الزبالة بساعة معينة مع اني ساكنة عندهم بجناح صغير ، انا بجناح وجمبي بنت مع جوزها ووحده ثالثة مع بنتها الصغيرة ، كلنا نطلع الزبالة بوقت معين ونحطها في المكان المخصص . 14/ نصيحة مهمة ، اغسل ملابسك اول ما ترجع للبيت ولاتخلي الغسيل يتراكم هذا مو بيتكم الوالدة تسكت على اكوام الملابس المعفنة. بنت الناس ماتتحمل هذا الشي في بيتها ، واذا كانت الملابس ماتحتاج غسيل على طول علقها بالدولاب . 15/نصيحة بيني وبينكم عشان ترتاحو نفسيا ، جيب لك غلاية ما وقهوة وشاي في غرفتك لاني لاحظت انهم اول مايصحو يترتبو واحنا غير نفطر ونشرب القهوة وبعدين نفكر نسوي هذا الشي ، يعني خلي لك خصوصية لوحدك ماله داعي يشوفوك بملابس النوم وبشعر منكوش . 16/ قبل تبيت عندهم اول يوم خليهم يعلموك كيف تشغل جهاز التدفئة ولا تقول مارح احتاجه ، برد قوي اكيد تحتاجه. اذا تذكرت شي رح اضيفة هنا تابعو الموضوع رجاءا، ادعو لي ارجوكم.ونتمنى من الاشراف تنسيق الموضوع لاني اكتب من جوال عذرا منكم .
  2. المشاركة الأصلية كتبت بواسطة saudi_magic
    يعطيك العافيه جاده.. موفقه خير يارب.. ونصائح من ذهب.. ونبي معلومات اكثر عن الدراسه وكذا^_^
    اهلين ، اي والله ذكرتني بالمعهد بكرا ان شا الله اعطيكم التفاصيل ، شكرًا اخوي .
    7 "
  3. امممم بصراحة كنت مفكرة اسكن بشقة لكن لقينا أسعار الشقق مره غالية. ، العائلة مؤ بيت فيه اب وأم وأطفال لا ، يعني مثلا وحده كبيرة في السن وعندها بيت كبير تسكن بغرفة وتأجر باقي غرف بيتها ، يارب تكوني فهمتي قصدي ، شوفي بالنسبة لي انا متعودة ع الاجانب من ايام ماكنت اشتغل واعرف أسلوبهم وكيذا ، اذا انتي تغطي وجهك وعندك مشكلة تتعاملي مع رجال وتتكلمي معاهم مثلا عاداتك وتقاليدك ترفض تناقشي امور مالية مع رجل ،فلا تسكني مع عائلة ،واذا العكس بصراحة انصحك توفري ايجار شقة وتسكني بغرفة مع عائلة .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.