أبي مساعدة بأقرب وقت ممكن ؟

بسم الله الرحمن الرحيم

السلام عليكم ورحمة الله وبركاته

أولا أشكر منتديات مبتعث اللي والله والله والله قدمت لطلاب قبل الابتعاث معلومات تفيدهم أكثر من أي جهة آخر بصراحه لو يخلون أمرنا بيد منتديات مبتعث والله أبرك وأحسن مية مرة .


أنا طالب متفوق ولله الحمد الأول على الدفعة لما جيت للوزارة سألت مستشار يا عالم مستشار وجهني خطأ سجلت وجبت القبولات وكل شي وفي النهاية التخصص اللي أنا أبيه ما هو موجود في الولاية والمدينة مع العلم أني قايل لسعادة المستشار اللي ضيعني ولكن كان عندي شي محسسني بعدم الامان ولما سألت كان الجواب التخصص لا يوجد .

بعدها سألت أعضاء ومشريفين في منتديات مبتعث الله يوفقهم دنيا وآخره نصحوني وقدموا لي النصيحة على أكمل وجه ويعجز اللسان لشكر القائمين على هذا المنتدى سواءا من ادراة ومشرفين وأعضاء وكل من ساهم بتقديم المعلومة لأي طالب يريد أن يكمل مسيرته العلمية الحق يقال مهما كان ..

لقيت التخصص في ثلاث جامعات وهي :

1- NORTHEASTERN UNIVERSITY
WIDENER UNIVERSITY - MAIN CAMPUS -2

طبعا الجامعة الثالثة نيويورك .

أبي معلومات عن الجامعتين 1 و 2 إذا ممكن لأن البعض يقول أهرب عن جهة الجنوب لانهم متشددين من ناحية ديناتهم ( واغلبهم الزنوج ) ويقولون رح لأهل الشمال لأنه متساعدين أنا أبي أسألكم هل الجامعتين ممتازات من ناحية المعهد وأهم شي تعاون الشعب لأني أنا رايح أدرس وأتعلم لمدة ..

كيف أعرف المعاهد المعتمده من قبل الوزارة ؟

شكرا لكم والله يمد في عمركم ..

الله يوفقك لما فيه الخير ويسهل أمرك ويجزي بالخير الجزيل كل من ساعدك ..

بالبدايه وش تخصصك؟؟ الشي الثانيه قائمة المعاهد تلقاها بموقع الملحقيه وبرضو موقع الوزاره نفس القائمه

- - - مشاركة محدثة - - -

http://www.sacm.org/pdf/ApprovedESL1112.pdf

شكرا لكم على الرد ..

تخصصي موجود بالجامعتين رقم 1 و 2 أخي الكريم وهو Critical Care Nursing

بس اللي أبيه المدينتين التي بها الجامعيتن أيهم أفضل من ناحية التعامل مع الطلاب وكما ذكرت لكم الاغلب يقول أهرب عن الجنوب وتوجه لشمال وأنا قلت أسأل عن هالجامعتين ولازم أختار واحده منهن ..

وشكرا ..

اسمحلي اقولك .. تارك لي الطب وجاي تدور تخصص الرعايه التمريضيه للحالات الحرجه.. الله يصلحك بس عموما راجع الخدمه المدنيه وتاكد منهم الي اتوقعه ان مهما كان تخصصك الدقيق بتتعين ع اخصائي تمريض.. انت ماقلت لنا وشن مدن هالجامعتين.. شف معاهدهن ضمن القائمه او لا؟؟

تدري ان هالجامعتين لا بالشمال ولا بالجنوب.. كلهن جهة الشرق .. الجامعه الاولى بمدينة بوسطن ومعهد الجامعه مفتوح وضمن القائمه( معهد كابلان) الجامعه الثانيه معهدها موب موجود بالقائمه وهي بولاية بنسلفينيا مدينة chester عموما انت اذا هاوي تمريض.. ادرس بكالوريوس تمريض وبالماستر عاد خذلك تخصص دقيق

شكرا لك , أخي الكريم من قالك أني أبي أدرس بكالوريس أنا رايح أدرس Master و PHD .

أنا أبي المدينتين هل هن حلوات او لا وقلت البعض يقول لي الشمال حلو انا عارف مواقعهن من خرائط قوقل ولكن الولايات الشرقية ممتازة للمعيشه او لا ابي معلومات اذا ممكن ..

تحياتي لك ..

والله بوسطن حلوه بس عيبها الغلاء خصوصا السكن.. ولاية بنسلفينيا جدا ممتازه بس مدينة شستر ماعندي معلومات عنها بس اكيد ارخص من بوسطن. عموما انت مطالب بقبول لغه من المعهد .. وحسب القائمة مالك الا معهد كابلان ببوسطن التابع للجامعه.. وبالنسبه لمعهد الجامعه الثانيه راسل منسق الولايه استفسر عنه.. وعندك خيار انت تجيب قبول لغه من اي معهد وتشد حيلك وتحقق الدرجه الي طالبتها الجامعه من توفل او ايلتس..

يعطيك العافية أخوي ما قصرت بيض الله وجهك بالتوفيق إن شاء الله ..