الأعضاء الإشتراك و التسجيل

الملتقيات
ADs

تجربتي في بورتلاند.......تم التحديث

تجربتي في بورتلاند.......تم التحديث


NOTICE

تنبيه: هذا الموضوع قديم. تم طرحه قبل 4076 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Targa
    Targa

    مشرفة سابقة و عضوة شرف

    Targa الولايات المتحدة الأمريكية

    Targa , أنثى. مشرفة سابقة و عضوة شرف. من السعودية , مبتعث فى الولايات المتحدة الأمريكية , تخصصى Chemistry , بجامعة --
    • --
    • Chemistry
    • أنثى
    • --, --
    • السعودية
    • Nov 2011
    المزيدl

    January 21st, 2013, 05:48 AM


    السلام عليكم ورحمه الله وبركاته
    اكتب لكم هذا الموضوع وانا في بورتلاند مدينه ولااروع والحمدلله ربي وفقني فيهاحابه اكتب تجربتي في السفر وخصوصا للبنات المحجبات مثلي ايش واجهني


    اولا كانت رحلتي من مطار الدمام الى دبي
    تاخرت الرحله ساعه والرحله استغرقت ساعه تقريبا
    ونزلت في دبي
    اول شي سويته جلست ادور بوابه الرحله الثانيه الي على سياتل انتبهوا نزلون وتروحون تتمشون لان المطار جدا مغري للتسوق
    اول ماثبت البوابه حطيت اغراضي وتناوب على صلاه الفجر انا واخوي مهما يكن انتبهوا تتحركون عن المكان ماتضمنون الجوالات ترى (تجربه موبايلي الفاشله)واللي مخربط مكان البوابه او مو عارف رقمها فيششات كبيره مبينه رقم البوابه بس اسال او ناظر فوق اللوحات فيها توجيه للبواباتعموما مطار دبي تجربه فريده لي بيدخل فيه وحلو يكون ترانزيت فيه وقت اطول..>>>> يدييني تحكني كنت بتسوق



    ثانيا من دبي الى سياتل


    احرصوا تركبون اول الناس بالرحله الدوليه لاسباب كثيره منها تضمن ان اغرضك تكون فوق راسك لاني تاخرت فحطوا اغراضي بالفرست كلاس وطبعا ممنوع تروح وتجي عليهم
    فكانت ازمه لي
    ونصحيتي لكم تكونون لابسين ملابس قطنيه ومريحه والشوز مايكون ربط والافضل لو يكون الشوز الربل اللي ينلبس بالبحر هذاك لانكم مو معقوله رحله طويله وتلبسون الشوز
    واحرصوا على المخده اللي حول الرقبه خذوا النوعيه الرغويه موجوه بساكو جدا مريحه
    وايضا حاولوا لاتاكلون اي شي دسم بالطياره عشان مايجيكم تلبك او مغص
    وخذوا حبتين بنادول واستسلموا للنوم بس نامو بالطياره
    صدق بتروح عليكم متعه الطيران الاماراتي لكن عشان اول ماتوصلون يكون ذهنكم صافي ومركزين للجمارك
    اول ماتقربون من الحدود الامرييكيه بيوزعون عايكم نموذجينواحد للجمارك والثاني للهجره
    احرصوا تاخذون نموذج معرب
    وهنا موضوع موضح
    http://www.mbt3th.us/vb/forum16/thread1965.html

    في حال استصعبتوا شي اطلبوا من المضيف المساعده

    وبعد الوصول خلكم سريعين ورياضين عشان بينتظركم طابور الجمارك وبيكون فيه كذا رحله نازله
    انا جلست ساعه وخلصت اموري وبعدها استلمت شنطي وهذا الشي عصبني لانا متفقين مع الخطوط نستلمها ببورتلاند
    لكن طلع شي ضروري نسلتمها وكان فيه موظفه من الخطوط الامارتيه توجهنا انو بس نسلتمها ونحطها بجهازالسير الثاني والحمدلله مرت بسلام
    الحين خلصنا من هذا كله وباقي لنا التفتيش للشنط اللي بيدنا
    مشينا بمسار الرحلات المكمله انتبهوا تدخلون بمسار الوصو لسياتل
    لانه معناتها بتدخلون لسياتل
    بالتفتيش لازم على كل وحده محجبه انهم يفتشونها تفتيش خاص لان عذرهم انتي مغطيه وجهك فاطلبي منهم يفتشونك بغرفه ولازم تكونين 2 معك بالغرفه اذا وحده دخلت معك ارفضي تتفتشين انتبهوا
    اهم شي لايكون معكم اي قطع معدنيه او دولارات كثيره
    ولاتدخلين شنطتك معك عطيها اللي معك
    وبعد ماخلصنا التفتيش توجهنا لبوابه الرحلات الداخليه ك
    ل اللي حاجز لهم الطيار على رحلات الاسكا يختصرون الوقت ويركبون الميترو مقابل بوابه التفتيش ويروحون gate c
    الله يهديهم شباب معنا بالرحله شافونا مضيعن ولاتنبيه او اشاره للاسف البعض يتنكر لنفس اولاد بلده
    في مواقف كثيره صارت لي بالمطار مع سعودين مافي الا 3 بالكثير اللي وقفوا معنا
    الباقي استغفر الله الواحد مايعمم بس يحب يشوف عيال ديرته معه بكل شي وبقد مايقدرون

    الحين الهنود والفلبينينوالاندونسين لاشافوا بعض شف كيف يحنون علي بعض ويتساعدون على ان دياناتهم مختلفه >>>تشبيه بليغ

    نرجع لحديثنا....

    ثالثا...من سياتل لبورتلاند

    بعد ماتضمنون وصولكم لبوابتكم اسالوا مكتب خدمه العملاء للخطوط واعرفوا متى تفتح البوابه وبعدها تمشوا وسوا اللي تبون مع توقيت الساعه عشان ماتلهون

    دخلنا البوابه واكتشفت ان طيارنهم مروحي وطياراتهم صغيره مره كانها طياره خاصه
    ميزه الرحله كانت قصيره ماخذنا ساعه بالجو
    اتوقع انه مامداهم يوزعون السناك على الكل .>>>>هههههههههههه

    تنبيه# عادي يركبون كلاب بالطياره لانهم يسافرون فيهم

    واخيرا................. الحمدلله على سلامتكم تم وصولكم لمطار بورتلاند



    حابه اقول للي بتغير عبايتها قبل توصل ماله داعي لان الشعب متقبل العبايه السودا واللثمه مايستدعي تشيلين عبايه ثانيه بيدك
    ممكن تغيرين حجابك فقط اذا حابه
    عموما مالقيت اي مشاكل ابدا
    الامريكان مره فرندلي وحبوبين وانتي ماره بالشارع يسلمون ويضحكون ويسولفون
    ورجالهم محترمين حجابي مايزاحموني بشي ولايجلسون جنبي بالماكس او الباصات


    نجي للسكن اهم شي تكونون متفقين مع ناس تيدورون لك كذا سكن او تحط لك لسته بعناوين على اساسها تدور
    وهنا في شباب مايقصرون معك وهم اعضاء بمبتعث

    اللي حاب يتواصل معهم يبلغني

    والسكن بالداون تاون يعتبر غالي بدا من1500 لغرفتين ودورتين مياه
    لكن لو اقل ممكن انزل بكثير تلقى

    ولازم تحطون في بالكم شغله السكن لو لقيته فاضي يبي له 10 ايام بالكثير على ما يجهزونه لك من صبغ وتنظيف وصيانه

    فلازم تحجزون بالفندق 10 ايام كحد اقصى

    وهنا اغلب الشقق تكون مجهزه بالادوات الكهربائيه الاساسيه

    والاثاث تقدرون تاخذونه مستعمل او جديد من محلات تكون مناسبه اسعارها واللي عنده قدره ماديه العماره توفر لك اثاث للبيع او الاجار

    وبالنسبه للاكل مطاعمهم كلها ذبحها مو حلال

    فمادري عن حكم اكل الدجاج ولحم البقر ؟؟؟؟

    احسن شي قضوها نواشف لين تسكنون وتطبخون لان الوجبات تاخذ كثير من فلوسك

    بالنسبه للصلاه قبلتهم ناحيه الشمال بس وجهوا البوصله بجولاتكم وتعرفون الجهه بالضبط ولاتنسون ساعه لفجر الكتبيه تنفع بشكل كبير ورمز مدينه بورتلاند تقدر تلاقونه بموقعهم

    http://www.alfajr.com/ar/getsetting.aspx


    طبعا دورات المياه من غير شطاف واغلب اللي يجون نصحوني بشطاف السنيدي
    كحل مؤقت بالفندق لمن تسكنون بالشقه تقدر ون تركبون شطاف من التمديدات

    http://mtjre.com/upload/image_1316610874.gif


    http://t2.gstatic.com/images?q=tbn:ANd9GcRxlYpg8i5GivtJ4UB4wjSkvAHGpN3S2 WJpmxmvBAMcObl3iDUa


    ولدورات المياه العامه

    http://forums.graaam.com/images/images_thumbs/9ada628846cbe0113ce95b4fdfd3d720.jpg





    الله يجزاها خير هذي كلها نصائح من مبتعثه سابقه


    نصيحه اخيرا شنطكم لاتعبونها ملابس خذوا بس الاهم فالاهم اللي ماله داعي يرسلونه لكم الاهل بعدين بالبريد السعودي
    ممكن تعبونها اكل لكم خاصه اول الايام ماتعرفون الاماكن او من البرد ماتعرفون تطلعون




    يتبع......


    الفندق وملف سفير الطلبه

    ايوا اكمل معكم وش صار
    اول مادخلت الفندق شفت وش وضع النت وطلع كيبل وفي واير لس لكن تحط معلوماتك ويرسلون لك التفعيل
    دخلت علطول على موقع سفير الطلبه وانصدمت من حركتهم كل اللي كنت محملته بالسعوديه من اوراق راحت
    حتى البيانات الغوها
    استغفرت ربي وسويت كل شي من اول وجديد حسافة وقتي بالسعوديه
    بس وش نقول خيره وليتها تجي على هالامر يكون اهون شي
    حفظت الملف ومن بكره رحت البنك مع واحد من اقاربنا وتاكسي اردني اسمه نبيل ولد حلال
    اللي يبي رقمه يرسلي

    الحساب البنكي
    والحمدلله فتحنا الحساب في بنك اوف امريكا واودعنا الكاش اللي معنا
    صح قبل لانسى لاتفكرون تجون امريكا معكم عمله سعوديه حولها بالسعوديه
    حتى لوفئات كبيره تقدرون هنا او باي مكان تلقون صرف لها
    ووزعوها باماكن متفرقه وجيبوا ورقه واكتي كل مبلغ وين حطيتوه
    مثلا بالقران بجيب البنطلون او بوسط الاوراق وهكذا
    نرجع لسالفه البنك
    بعد ماتفتحه يعطيك 3 شيكات وبطاقه
    تقدر تطلب من الموظف يعلمك على الصرافه عادي
    تاخذون واحد من الشيكات وتكتبون عليه اسمكم وتاريخ اليوم
    وجهه المبلغ تكتبون canceledومن فوق رقم الاحوال
    وتسون سكان له ولبطاقه الصراف
    وللي يبي يعرف رقم حسابه من نفس الشيك تحت فيه 3 مجموعات ارقام
    من اليسار اول مجموعه الراوتنق يعني رقم الفرع
    ثاني مجموعه هي لرقم الحساب
    وثالث مجموعه قم الشيك مالكم فيه
    بملفكم يطلبون اول مجموعتين
    كذا كل شي تمام وخلصنا الاوراق المطلوبه تروحون تسلمون الملف
    وتنتظرون الرد
    انا رفضوا ملفي3 مرات وشي عادي لاتتوترون بس خلكم فاتحين ايميلك تشيكون اذا مرفوض علطول يجيك ايميل بالرفض والسبب
    اول مره لاني الاختام والشيك كنت مصورتهم بكام وطلبوا نسخ واضحه
    واخر مرتين الاي توني غير واضح
    فاضطريت ب5 دولار اروح مكتبه تسويلي سكان
    فانتبهوا بامكانكم وانتوا بالبنك تطلبون منهم يسون السكان

    فرع البنك 1001sw5th ave,portland, or97204

    jesse arnold
    هذا الموظف جدا متعاون وبشوش


    اذا خلصتوا من سالفه البنك وكل شي تمام توجهوا

    شركه الاتصالات

    لان اهم شي تسونه باول يوم البنك والجوال
    بالنسبه للعروض افضل شركتين
    هذي بس تعترف بالسامسونج والبلاك بيري وفي اجهزه لهمT-mobile
    وعروضهم جدا مناسبه وخاصه لشرائح الفاملي
    وتقدر تفاصلهم وتطلب عرض لك
    AT&Tهذي الشركه فيها الايفون واجهزه ثانيه لكن عرضهم اغلى من الاولى شوي
    فكل واحد وميزانيته
    قي شركات ثانيه لكن مافيها زبائن فاضيه مكاتبهم بعكس هالشركتين

    انا اخذت جالكسي مع الشريحه وميزت ضمانهم قوي استبدال بجديد
    لكني توهقت معه مافيه لغه عربيه نهائيا مو معترف فيها
    لكن بعد البحث شفت تطبيق الله يجزاه خير راعيه
    تلقونهPLAY STORE
    IBRAHIM ARABIC KEYBOARD
    يمكن البعض يقول فتره لغه مفروض مانزله
    لكن في اهل يستنون انك تكلمهم وتطمنهم عن حالك

    اللي حاب ياخذ عنوان تي موبيل

    635SW ALDER PORTLAND, OR97205


    بكذا تكونون خلصتوا مهمه كبيره

    بالنسبه للمواصلات للطلاب

    اذا كنت تبع معهد PSUفتطلع لكم بطاقه مجانا للمواصلات
    اما اذا كنتم تبع معهد ELSفتطلعون بطاقه شهريه ب100 دولار شامله جميع المواصلات ماعدى التاكسي
    تقدرون تطلعونها من المكتب الرئيسي باللويدسنتر تكون بطاقه بلاستيك
    لانكم لوطلعتوها من الجهاز بتكون ورقه عاديه
    <<<<كذا قالولنا
    في فتره قبل الدراسه ومشاويركم اليوميه فيه تذكره لساعتين او ليوم
    الساعتين 2.5دولار
    اليوم 5 دولار
    للبالغين ADULT

    والتذاكر تلقونها بكل محطه


    التعامل مع الكوينز او العملات المعدنيه

    انتبهوا من هذي النقطه لازم تحفظون اشكالها وكم تساوي
    شوفو هالموضوع فادني بالتفرغه
    http://www.saudiforum.us/vb/t8103.html

    شركه التامينAetna
    اول ماينقبل طلبكم تقدرون تكلموم لشركه على هالرقم
    8662361038
    بعدها 1لخدمه العملاء
    وبعدها 1 للغه العربيه
    يعني 1 مرتين
    واطلبوا ميمبر اي دي
    وراح يطلبون اسمكم بالانجلش وتاريخ الميلاد ورقم بطاقه الاحوال
    وبعد ماتاخذونه تفتحون موقعهم وتكملون الاجراءات وتاخذ 10 ايام تقريبا وتوصل البطاقه
    هذا الموضوع موضح
    خطوات التسجيل في شركة التأمين الصحي -Aetna- (لطلاب امريكا) - منتديات شبكة الاقلاع ®

    وبس هذا كل اللي كنت ابي اوضحه للي جايين بورتلاند
    لاني ماشفت موضوع يساعدني بهالاشياء


    ان شاءالله اكون افدتكم جميعا
    واي مساعدة او استفسارارسلولي بالخاص فقط
    وان شاءالله ماقصر معكم

    بالاخير اعتذر عن اسلوب الكتابه والتنسيق
    واي استفسار انا حاضره يمكن اكون اغفلت شي
    ودعواتكم بتسهيل الامور والتوفيق لي ولكل من ساعدنا

    عاشت عاشت بلادي


  2. ( وطعام اهل الكتاب حل لكم ... الآية ) .. بالنسبة للأكل سواء دجاج او لحوم مو شرط يكون مذبوح على الطريقة الاسلامية .. فقط سمّي بالله واضربوا بالنعمه .. وشوفوا اليوتيوب فيه أكثر من شيخ تحدث عن هالنقطة بمثل ما قلت ..
    ومع هذا كله، أذكر من زملائي من يبحث عن الحلال والحلال فقط .. ولو ان الوصول له صعب جداً في بعض الحالات لكن غير الحلال ما يمشي .. ( يريد الله بكم اليسر ... ) ..

    والله الموفق ،،،
    7 "
  3. بالنسبة لأكلهم عادي يجووووووووووووووز تاكلين من اكلهم باستثناء لحم الخنزير
    وهذي فتوى من ابن عثيمين رحمه الله وقال انه يجوز أن تاكل من اكلهم بدون أن تسأل هل هو مذبوح على الطريقة الاسلامية ام لا وحتى إن عزموك اقبل العزيمة وكل معهم دون أن تسئل
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.