رد: لمن يحتاج معلومات او مساعدة عن مدينة سياتل في ولاية واشنطن .. يتفضل هنا
أرررررحب يالذيب يالله حيّه ..
والله وسبعة انعام يا عبدالله ..
انا جاي ان شاء الله على تاريخ 20 فبراير :) .. يااااااا لله مدري قد ايش راح تنوّر سياتل بطلتي البهيّة ..
والله أنا على معهد ALPS .. والله مدري وش بيصير علي الله يستر يالملحقية بتعطيني ضمان ولا راح ادرس شهر على حسابي :) .. المهم الأمور مصلّحة أول شهر بس اني عامل حساب لكل شيء .. إلا السكن :( ..
وش علوم الشيرنج يا عبدالله .. بيني وبينك دخلت على موقع خطير اسمه Carigslist او حاجة زي كذا .. فيه شيرنج للدنيا بس ما ادري هل قريب ولا بعيد من معهدي .. اذا تعرف شيء بهالموضوع لا تبخل علينا يالذيب ..
وربي يستر عليك ،،،
رد: لمن يحتاج معلومات او مساعدة عن مدينة سياتل في ولاية واشنطن .. يتفضل هنا
الله يسعدك يارررررررب ويجزاك الجنة ماتقصر والله
كيف جو العام لسياتل
رد: لمن يحتاج معلومات او مساعدة عن مدينة سياتل في ولاية واشنطن .. يتفضل هنا
ماشاء الله عليك اخوي
ماعندي استفسار بس حبيت اشكرك ع مبادراتك الطيبة
موفق اخوي
رد: لمن يحتاج معلومات او مساعدة عن مدينة سياتل في ولاية واشنطن .. يتفضل هنا
وعليكم السلام ورحمة الله وبركاته
ماشاء الله منور المنتدى اخوي عبدالله ....الله يسعدك ويوفقك
شد حيلك ......ان شاء الله نتواصل مع بعض
محبك eng:saamir
رد: لمن يحتاج معلومات او مساعدة عن مدينة سياتل في ولاية واشنطن .. يتفضل هنا
انا بسألك عن متوسط سعر السكن عند العائلة ,
وفي هالشهر وشوي اللي قضيته هناك , هل تفضل السكن عند العائله ؟
وكثّر من الصور لا هنت :o
رد: لمن يحتاج معلومات او مساعدة عن مدينة سياتل في ولاية واشنطن .. يتفضل هنا
الله يجزاك خير مشكور على المبادره
انا جايه على السمر ان شاءلله
انا معهدي السنترال كوميونتي كولج مادري هو نفس المعهد اللي انت تدرس فيه او غير؟
وبعد حابه اعرف السكن حوالي معهدي كيف وضعه من ناحيه الامان والاسعار ..
رد: لمن يحتاج معلومات او مساعدة عن مدينة سياتل في ولاية واشنطن .. يتفضل هنا
حياكم الله .... طبعا كرايج ليست موقع معروف كثير يستخدمونه ...
العائلة 625 دولار الشهر المتوسط .. وانا اشوف انها افضل لو لقيت عائلة جيدة
ايه يااختي لاو قيرل نفس معهدي ولو بغيتي معلومات اكثر عن المعهد فابشري .. الصور بنزل بكرة من لاب المعهد وبحاول اصور بالطريق ..
رد: لمن يحتاج معلومات او مساعدة عن مدينة سياتل في ولاية واشنطن .. يتفضل هنا
اولا اشكرك اخوي عبدالله ع المبادره الطيبه اسئلتي كثيره شوي بس تحملني ..،
اولا انا جاي ل سياتل ١٣ مارس ودراستي ب واحد ابريل بالنورث كومينتي كولج
كم اخذت معك مصاريف حتى نزلت لك المكافأه
الحاجه الثانيه ابي اسكن مع عائله وماادري كيف ادبر السكن
ايضا اعطني معلومات الواتس حقك ع الخاص لاهنت عشان نتواصل
...
اخوك صالح العيسي
رد: لمن يحتاج معلومات او مساعدة عن مدينة سياتل في ولاية واشنطن .. يتفضل هنا
فعلا سؤال جدا هام وحير كثير بالمنتدى بخصوص المكافأة والفروقات من متى بدوا يحسبون المكافأة هل من تاريخ دخول امريكا ام من تاريخ اصدار قرار الابتعاث
الشي الثاني بخصوص المبلغ اللي صرفته لحد نزول مكافأتك ياليت تقولنا عنه
ويعطيك الف عافيه
رد: لمن يحتاج معلومات او مساعدة عن مدينة سياتل في ولاية واشنطن .. يتفضل هنا
ياهلا والله بهالطلة .. اشتقنالك ياعبدالله
بشر كيف العائلة معاك ؟ عساهم على ماتحب ؟
الصدق ناوي اتعامل مع الشركة الي تعاملت انت معها هل تنصح فيها ؟
الله يوفقك يابعدي