لمن يحتاج معلومات او مساعدة عن مدينة سياتل في ولاية واشنطن .. يتفضل هنا

وعلَيكُم السلآم والرحمَه

يَ مَرحبا والله يَ عبدالله ، طبعاً مَ يحتآج صرت خبره مَ شآء الله علَيك :q

أنآ جآي برضه علَى سيآتل بمُنتصف مآرس إن شآء الله ، فإذآ عندك مَعلُومَآت عن أسعآر السكَن بالتحديد أكُون شآكر لك ،
طبعاً علَى فكره ترى فِيه فرق بأسعآر السكَن مِن حي إلَى حي ! أعتقد بوَسط المَدينه ترى غآلِي شوَيتين ، خآصةً بالدوِن تآوِين وبالكآبتول هِيل وحولهُم أغلَآ مِن النورث قيت وهَكذآ

ثآني حآجه أبي أسألك كَيف سكَنت مَع عآئلَه ؟ أقصد مِين وفرهُم لَك . . المَعهَد أو مِين ؟
لَأن أنآ يوم عبيت الأبلكيشن تبع المَعهَد حطيت إني مَ أبي عآئلَه :S
بس لَو صدق أسعآر السكن عآلِيه بالحيل بعيد حسآبآتي !

الشيء الآخر مَتى بدأ الصرف علَيك ؟

ويَ لَيت كمَآن مَ تنسى تحط صُوَر للمَدينه :$

أتمَنى لَك التوفِيق أخ عبدالله

هلاا وغلاا ياعبدالله الله يوفقك ويعطيك العافيه ماقصرت يآخوي

جزاك الله آلف خير على مساعدة آخوتك أسأل الله أن يجعلك من كل ضيق مخرجا ومن كل هم فرجا

يعطيك العافيه ماقصرت ولله
اي ولله ياليت تعطيني معلومات عن المعهد اللي فهمته من رد لك سابق الدوام من 11 الى 4 م ..هولكل اللفلز كذا دوامه ولا عشانك مستوى متقدم؟
وكمان حابه اعرف المعهد فيه عرب كثير او لا؟
باليت تحكينا شوي عن اختبار تحديد المستوى ونظام المعهد؟وكيف تعامل المعهد مع الطلاب؟
اكثر شئ هامني موضوع السكن حوالي المعهد مادري عن الامان وكذا ؟اذا انت ساكن بالنورث قت ياليت تعطيني فكره عن كم يستغرق الوقت بالباص للوصول للمعهد؟

آسفه كثرت آسأله عليك وجزاك الله الف خير عنا..

حياك الله وانا اخوك ..

فتح الملف واستلام صرف الفروقات يمكن ياخذ 5 ايام الى 7 ايام بالكثير وتكون نازله لك المكافأة ..

اذا كنت بتسكن مع عائلة راح تحتاج مبلغ اقل .. بس لو بتسكن في شقة بتحتاج اكثر .. واذا كنت بتاخذ فندق في البداية بترتفع مصاريفك .. فالموضوع كله يعتمد على ترتيبك للأمور ..

انا عن نفسي جيت معي 1000 دولار .. بس علطول رحت لعائلة ( وطلبوا مني دفعة قبل بداية السكن وكذا العوائل ترا ترا تدفع حق شهر قدام ) دفعت 625 دولار لهم .. مع انهم قالوا ممكن تتأخر اسبوع لانك توك جاي بس انا بغيت ادفع عشان انتظم ..

السكن مع عائلة دبرته مع شركة .. وطبعا فيه طرق كثير ..

وبعطيك الواتس حقي في الخاص .. ^_^

ماعندي اي استفسار لكن الله يوفقك ويسهلها لك ياارب

بالتوفيق انشاءالله

تحسب الفروقات من تاريخ الوصول لين اخر الشهر الهجري اللي وصلت فيه ..

السؤال الثاني ذكرته في الرد اللي قبل هذا ^_^

هلا وغلا عبدالرحمن .. تشتاق لك العافية ..

الحمد لله ابشرك العائلة مرتاح فيها ..

ممكن تتعامل معهم كوني اعرفها وجربت ادور عايلة عن طريقهم .. واللي تجيب العوائل اسمها ميا .. وهي مدرسة انجليزي هنا بالسياتل سنترال واحيان اواجهها ..

صح فيه فروقات حسب المناطق .. وبرضوا فيه فروقات حسب المحلات .. مثلا عندنا QFC محل بقالة معروف .. غالي كل شي عنده حتى لو اخذت بطاقة بيصير غالي مع تخفيضه .. جنبه محل صغير ارخص منه يمكن ب 20%

مثال بسيط .. انا ساكن مع عائلة بالويست سياتل .. الكولا عندنا .. في QFC بتلقاه يمكن 1.25 دولار .. وتلقاه في اللي جنبه ب 79 سنت !! نفس البرودكت ..

سكنت مع عائلة عن طريق شركة معتمدة من قبل المعهد لان معهدي مايوفر سكن عائلات ..


ان شاء الله احط صور باذن الله ..

صرفوا علي تقريبا بعد ماوصلت ب 6 ايام .. مااتذكر .. لاني وصلت في كريسمس وتأخر الوقت لين بدا دوام الملحقية ^_^ .. لا تشيلون هم هالنقطة .. ( طبعا صرفوا لي من تاريخ وصولي اللي هو 9 صفر لين 29 صفر .. )

طيب يابو شنب ممكن نتواصل حنا مع الشركة هذي ؟؟ ولا هي خاصة بالمعهد ولا كيف ؟؟ ( اذا نعم ياليت بيانات الاتصال الله لا يهينك )
وهل عقدك مع العائلة شهري ؟؟ لأني ابيها بس شهر تعلّمني المدينة كلها وبعدها اطلع بشقه ولا شيرنج ..
والله يستر عليك يالذيب ..

هلا اختي ... لكل واحد جدوله ... الغالب اللي لفلهم نفس الشي يكون دوامهم نفس الشي ..

اول ماتوصلين راح يعملون لك اورينتيشن بسيط يومين تقريبا .. يتم خلالها عمل اختبار تحديد المستوى .. بعدها راح يعطونك مستوى اللغة مع بداية الدوام مع جدولك الدراسي وطبعا لازم ترسلين الضمان المالي خلال الاورينتيشن حتى لو تأخرتي مو مشكلة ممكن ترسلينه مع بداية السمستر ..

اول يوم راح تجلسين مع مجموعة في قاعة ويعطونك فيها ورقة محدد فيها الليفل حقك .. اول ماتطلعين من القاعة فيه قاعتين جنبك اذا انتي 1-3 راح تدخلين اول قاعة واذا 4-6 تروحين للقاعة الثانية ..

بعدها الطلاب اللي 5 و 6 راح يتوجهون للتسجيل والدفع .. اما انتي فقولي لهم انك مبتعثة بالتالي ماراح تدفعين شي واذا انتي من 1-4 لن تحتاجي للتسجيل لأنه ينزل لهذي الليفلات جدول تلقائي اذا هي اول مرة .. بس لو مستواك 5 او 6 لازم تروحين التسجيل وتسجلين في المكتب والله يعينك على الزحمة ..

المعهد فيه سعوديين بس مو كثير .. ماشفت الا كويتي واحد و يمني واحد لا اكثر .. اما السعوديين فمايتجاوزون 14 شخص بالكثير .. والاجانب اكثر بمراحل ..

المعهد قووي جدًا .. واجبات كثير .. برضوا على حسب الليفل تختلف ..

المنطقة حوالي المعهد تسمى الكابيتل هيل .. وهي منطقة يكثر فيها الشواذ جنسيا وانتي بكرامة .. فما انصحك تسكنين بهالمنطقة لانه خطرة بالليل وباراتها كثير فبالتالي كثير السكارى فيها ..

اسكني في النورث قيت او الويست سياتل اذا بتسكني مع عايلة ..

انا ساكن بالويست .. بس سكني مع عايلة داخل منطقة سكنية فالباص شوي بعيد عني تقريبا 15 دقيقة مشي .. الباص الأول اللي اركبه تابع للرابيد رايد وهو جديد ماله الا 4 شهور وسريع وتوقفه قليل اوصل به للداون تاون .. ومن الداون تاون اركب باص كينق كاونتي لين المعهد ..الباص الاول 20 دقيقة والثاني 10 دقايق والمسافة بين موقف الباص الاول والثاني ماتتجاوز نص دقيقة بس اقطع الشارع ..

ونظام الباصات في سياتل رااااااقي جدًا وسريع جدًا .. طبعا فيه خدمات للمعاقين ويمديني لو معي سيكل اركبه قدام فيه مكان مخصص يثبت عليه ..

نصيحة لمن يريد السكن مع عائلة عن طريق شركة التواصل معها قبل السفر بشهر على اقل تقدير ..

اختي .. اذا بغيتي اسئلة اكثر ارسلي ماعليك ولا تهتمين .. انا ارد وقت اللي افضى ..