الأعضاء الإشتراك و التسجيل

الملتقيات
ADs

**** مشكلة الدراسة في شهر 8 !

**** مشكلة الدراسة في شهر 8 !


NOTICE

تنبيه: هذا الموضوع قديم. تم طرحه قبل 1774 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية zoooz89
    zoooz89

    مبتعث مستجد Freshman Member

    zoooz89 الولايات المتحدة الأمريكية

    zoooz89 , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى accuonting , بجامعة جامعة ولاية وستر
    • جامعة ولاية وستر
    • accuonting
    • ذكر
    • وستر, ماساتشوستس
    • السعودية
    • May 2012
    المزيدl

    February 5th, 2013, 03:08 PM

    السلام عليكم ورحمة الله وبركاته
    مساء الخير او صباح الخير للمبتعثين
    الحمدلله اخيرا قررت و رسيت لى على معهد و مدينة بعد ما كانت سبوكان
    وجامعة قونزاقا خياري الاول لكن للاسف المعهد صار مزدحم
    لكن واجهتني مشكلة انا و يمكن لغيري اللي توهم ما راحو ((المشكلة هي ))

    المعهد اللي راح ادرس فيه تبداء دراسة 23/8/2013 و زي ما نعرف ان شهر 4 اخر شهر لك عشان تصدر قرار ابتعاث
    وقرار الابتعاث ما تصدره الا بعد ما تطلع الفيزا او تاشيرة الدخول و هنا المشكلة انك ما تقدر تقدم على الفيزا قبل اكثر
    من 4 شهور من دراستك يعني اقرب وقت 23/4/2013 تقدم فيه و الفيزا تجلس اكثر من يوم و احيان اسابيع
    ف اذا انتهى شهر 4 و ما طلعت قرار ابتعاث يكون عندك مشكلة و تواجه الحرمان من البعثه
    طبعا غير انك ما تقدر تروح الا قبل شهر من دراستك وهذا بحد ذاته مشكله ثانيه
    افيدوني لو سمحتم تكفون و اذا فيه خطاء في معلوماتي صححو لي
    و اشيرو علي بالحل خلونا نتشااااارك
  2. لايوجد بلوائح وانظمه الابتعاث شي اسمه أخر موعد لاصدار القرار.. متى ماجهزت متطلبات القرار..تقدم عليه.. هو فعلا الحربي بالملتقيات قال هالكلام وطبعا كلامه مجرد لتحفيز الطلبه وتخويفهم علشان محد يأجل البعثه او يتركها..
    7 "
  3. طيب ليه ماتشوفلك معهد تجاري من اللي تبدأ دراسته شهريا وتروح وبعد شهر شهرين تحول على معهد اكاديمي

    هذا اذا كان صدق في مشكله في التأخير

    تقدر تروح منتدى المرحله السابعه وتسأل المتأخرين فيهم اذا صارلهم اي مشكله لأني احد زملائي ماسافر الا قبل شهر وهو من المرحله السابعه

    لكن عالعموم انا اشوف انك تجيب قبول من معهد دراسته في وقت اقرب احسن لك من تضييع وقتك في الانتظار هذا اذا ماعندك سبب للتأخير غير موعد الدراسه
    7 "
  4. المشاركة الأصلية كتبت بواسطة saudi_magic
    لايوجد بلوائح وانظمه الابتعاث شي اسمه أخر موعد لاصدار القرار.. متى ماجهزت متطلبات القرار..تقدم عليه.. هو فعلا الحربي بالملتقيات قال هالكلام وطبعا كلامه مجرد لتحفيز الطلبه وتخويفهم علشان محد يأجل البعثه او يتركها..

    متاكد من المعلومة هاذي لانك كذا بتريحني كثير ؟؟
    من دون تعب واعادة بحث من جديد او دخول في دوامة المعهد الاهلي
    7 "
  5. المشاركة الأصلية كتبت بواسطة أحمد رآشد
    طيب ليه ماتشوفلك معهد تجاري من اللي تبدأ دراسته شهريا وتروح وبعد شهر شهرين تحول على معهد اكاديمي

    هذا اذا كان صدق في مشكله في التأخير

    تقدر تروح منتدى المرحله السابعه وتسأل المتأخرين فيهم اذا صارلهم اي مشكله لأني احد زملائي ماسافر الا قبل شهر وهو من المرحله السابعه

    لكن عالعموم انا اشوف انك تجيب قبول من معهد دراسته في وقت اقرب احسن لك من تضييع وقتك في الانتظار هذا اذا ماعندك سبب للتأخير غير موعد الدراسه
    المعهد التجاري فكرة جيدة لكن مشكلتها دوامة التحويل من مدينة لمدينة او بين المعاهد وقلق
    المشكلة مافيه كلام رسمي عن عدم وجود مشكلة في التاخير بدون عذر
    لان زي ما سمعنا في الملتقى و الوقاية خير من العلاج
    انا ابي تبداء دراستي في شهر 8 او 7 لوجود اسباب شخصية و ظروف عمل
    والا كان اول واحد راح هناك انا
    في الاخير شكرا على ردك و مساعدتي بالمشورة
    7 "
  6. تعقيب على كلامكم ونقطة ان ما فيه مشكلة بالتاخير
    هو ان مافيه كلام اكيد ب خصوص الموضوع
    ما اشكك فيكم بس انتم مثلي سمعتم
    لكن الواحد يخاف يكون الكلام غلط ويدخل في دوامة
    مالها داعي خصوصا ان كل سنة يتشددون اكثر من قبل
    7 "
  7. يابن الحلال فيه واحد توه مصدر قرار من المرحله السادسه.. وادخل ملتقى المرحله السابعه والسادسه علشان يطمن قلبك.. عموما علشان ترتاح اكثر.. ارسل ايميل للاستاذه / هيفاء العنقري واشرحلها وضعك وشف وش راح ترد عليك؟ وياليت تعلمنا بردها..
    7 "
  8. معلومه خارج الموضوع// انت الان بتكون مبتعث وبتتعامل مع مشرفك الدراسي ومع مدير الاقليم وإلخ وبرضو الوزاره.. نصيحه لاتخلي احد يطقطق عليك.. زي سالفة الحربي... الحل ان تكون مطلع ع لوائح الابتعاث والانظمه والاجراءات وكلها موجوده بموقع الوزاره.. علشان تعرف وش لك وش عليك!!
    7 "
  9. انا توقعت المشكلة ثانية !!
    بالنسبة للوقت انه بعد شهر اربعه، ماهي مشكلة ان شاء الله لا تشيل هم مثل ما قالوا الأخوان ..
    لكن اتوقع المشكلة في التكدّس اذا انك مقدم على لغة .. فمن هنا إلى ما تطلّع قرار الابتعاث لا يتكدّس عليك المعهد .. فممكن انت تجيب القبول وتطلع الفيزا وكل شيء .. ولما تروح تطلع القرار يقولون لك المعهد متكدّس ..
    فـ حط هذه النقطة في الاعتبار وحاول تاخذ لك ورقة أو خطاب من الملحقية عشان تثبّت ان المعهد حتى لو تكدّس فأنت معك القبول من بدري ..

    وعسى الله ييسر اموركـ ...
    7 "
  10. المشاركة الأصلية كتبت بواسطة saudi_magic
    يابن الحلال فيه واحد توه مصدر قرار من المرحله السادسه.. وادخل ملتقى المرحله السابعه والسادسه علشان يطمن قلبك.. عموما علشان ترتاح اكثر.. ارسل ايميل للاستاذه / هيفاء العنقري واشرحلها وضعك وشف وش راح ترد عليك؟ وياليت تعلمنا بردها..
    كلامكم كثثثثير ريحني بس انا مسافر امريكا باذن الله او ماتفرق بين الدول ؟

    بخصوص اللي توه مصدر قراره اكيد عنده ظروف خاصة مو مثلي
    انا مشكلتي مع المعهد حقي و موعد دراسته مثل ما كتبت فوق
    راح ادخل واستفسر من المرحلتين وراح ارسل ايميل للاستاذة هيفاء
    و اعطيكم وش يصير معي وجزاك الله الف خير حبيبي


    - - - مشاركة محدثة - - -

    المشاركة الأصلية كتبت بواسطة saudi_magic
    معلومه خارج الموضوع// انت الان بتكون مبتعث وبتتعامل مع مشرفك الدراسي ومع مدير الاقليم وإلخ وبرضو الوزاره.. نصيحه لاتخلي احد يطقطق عليك.. زي سالفة الحربي... الحل ان تكون مطلع ع لوائح الابتعاث والانظمه والاجراءات وكلها موجوده بموقع الوزاره.. علشان تعرف وش لك وش عليك!!
    يعني مو مكتوب باللوائح النظام هذا حق اول اربع شهور ؟!!!
    عاد الله يعينا على الملحقيه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.