حوار تجمع مبتعثين بورتلاند - ولاية اوريقون

انا كمان بدرس فيPortland community college
دراستي تبدأ أبريل
ورحلتي 7 مارس

الله يسهل أموركم ويتوصلون بالسلامة

ياجماعة الخير انا ليا يومين واصله ع بورتلاند وحاسة اني تايهة شوية مين يمد يد المساعده ليا ؟؟!!

حطي الاشياء اللي تايهه فيها .. وان شاء الله اللي عنده المقدرة بيقدر يفيدك ..

السلام عليكم ورحمة الله وبركاته واسعد الله اوقاتكم بكل خير

وصلت بورتلاند قبل ٣ شهور تقريبا او اقل

حبيت افيدكم ببعض المعلومات اللي يحتاج اي شي انا تحت امره من ناحية المعاهد او السكن او اي شي ثاني وبيدي اساعده باذن الله ما راح ابخل على احد

علما باني ادرس بمعهد els وساكن قريب من معهد ال pcc ومعهد لويس اند كلارك

واللي يسال عن معهد ال بي سي سي انا اقوله توكل على الله المعهد ممتاز ويميزه قلة الطلبه السعوديين بالمقارنه مع البي اس يو ولويس واي ال اس

بس اللي مو عاجبني فيه ان انه كوارتر الليفل حقه بس مو عيب كبير بالعكس عند البعض يكون ميزه.

بالتوفيق للجميع

وعليكم السلآم

ياليت تفيدنآ بخصوص السكن

انا بدرس في كابلآن واتمنى القى سكن قريب من مقر المعهد

شنو الخيآر الافضل للسكن

هلا فيك اخوي وتوصل بالسلامه يا رب..

طبعا كابلن في الداون تاون واذا تبي تسكن في الداون تاون الخيارات كثيره بس انا افضل لك السكن في منطقة اللويد سنتر.
وراح تكون الاسعار اغلى شوي بس لو تبي اسعار شقق ارخص وتبعد عن الداون تاون ربع ساعه تقريبا بالسياره او اقل عندك المنطقه اللي جنب مسجد الصبر جدا ممتازه ومتوفر فيها كل شي تبيه وحلوه جدا للعوائل.
غرفتين وصاله تطلع لك بحدود 900 دولار في الشهر.
وربي يسهل امرك

في احد عنده فكرة عن عدد ساعات الدوام اليومي في معهد كابلان؟ وهل فيه نهار وليل باختلاف المستوى ولا بس نهار لكل المستويات

ان شاء الله ارد على استفساراتك اليوم باذن الله باقابل واحد من الشباب يدرس في كابلن واعطيك الخبر الاكيد.
واذا فيه اي استفسار ثاني خبريني من الان عشان اسال صاحبي..

تحياتي

اخوي انا عازب وش لي بالغرفتين ... ا

كم سعر السكن مع العوايل اذا مانفع ابي سكن فقط غرفه وحمام ومطبخ