رد: محتار جداً اكمل ببرنامج الملك للابتعاث ولا احاول انضم لوظيفة فيها مجال للبعثة لاح
اقتباس:
المشاركة الأصلية كتبت بواسطة Bader M
الله يجزاكم خير عالتعاون ..
انا اميل معكم لبرنامج خادم الحرمين الشريفين لكن اللي مخليني اتردد سالفة ان بعض الوظايف تبتعث حسب مانسمع موظفيها خلال ست اشهر الى سنة ..
خاصة ان كان جيد باللغة - حسب ماسمعت - ..
انا ماعندي رغبة بالاعادة بالجامعة .. فـ حاذف هالخيار .. بس اتكلم عن الوظائف الحكومية خاصة بالصناديق .. الزراعي الموارد الصناعي الخ ..
هالشئ حيرني شوي .. واذا احد عنده رأي اضافي بهالمسألة المفيدة للكل .. اتمنى يفيدنا فيه ..
لو هدفي مافيه دراسة ماكان فكرت بفكرة البعثة بالاساس .. لكن انا كنت اتكلم عن الخيار الافضل بين الاثنين .. دامهم الاثنين يوصلون لنفس الهدف .. مايمنع انك تحتار بين ميزات كل جهة.
حط في بالك ان برنامج خادم الحرمين ما يلزمك بعقد عمل بعد الدراسة، مثل الجهات الخاصة وبعض الجهات الحكومية وشبه الحكومية مثل الجامعات وارامكو وسابك والمستشفيات.
مميزات برنامج خادم الحرمين:
- دراسة بدون إلتزام بالعمل في المملكة أو في أي جهة معينة بعد التخرج
- إمكانية دراسة اللغة لمدة تصل سنة ونصف
- إمكانية إكمال الدراسة بعد التخرج وأنت في بلد الابتعاث، يعني بعد الماجستير تقدم على الدكتوراه
- إمكانية دراسة المرافق أو المحرم أو الأبناء للغة + الدراسة الجامعية، ويكونون مبتعثين مثلك بالضبط
قارن المميزات هذي مع الجهات الثانية اللي راح تبتعثك، وقرر.
ولا تنسى تركز على النقطة الأولى، فيه ناس كثير راحوا ابتعاث عن طريق جامعات ومستشفيات و"تدبّسوا".. يعني لازم يكملون مدة الالتزام قبل النقل أو الاستقالة.
الله يوفقك ويكتب لك الخير
رد: محتار جداً اكمل ببرنامج الملك للابتعاث ولا احاول انضم لوظيفة فيها مجال للبعثة لاح
أنت رايح للبعثه ع شان تحصل ع شهادة تدخلك وظيفة أفضل من الناحية المادية والناحية الاجتماعية .......
من رأيي تكمل كل الخطوتين واذا تم قبولك في الوظيفه أعيد حساباتك ، هل هي الوظيفة اللي تسعى ل تحصل عليها ؟ هل راح تكون مناسبه لك الان وفي المستقبل ( فكر في عائلتك ) ؟
(( إذا حددت أهدافك بوضوح أكثر ، صدقني راح تصبح الرؤيه عندك أوضح ))
بالتوفيق =)