محتار جداً اكمل ببرنامج الملك للابتعاث ولا احاول انضم لوظيفة فيها مجال للبعثة لاحق ؟

السلام عليكم

اخواني انا محتار وسألت العديد من الاشخاص ويهمني اسألكم لأن بعضكم له خبرة بالموضوع .. انا مقبول على البعثة هالسنة وحالياً راح ابدأ بخطوات الدخول على موقع السفارة وحجز موعد بعد ماوصلني قبل كم يوم الاي تونتي ..

في كذا جهة فتحت باب تسجيلها للتوظيف .. ويقال ان بعضها تبتعث موظفينها على حسابهم " طبعاً تشمل ميزات نصف الراتب والمكافأة وتحسب ضمن الخدمة المدنية والخ " ..

فـ انا صرت محتار بين مسألة اكمال خطواتي على برنامج الملك او انتظار قبول وظيفة لي .. وبعدها انتظار ابتعاثهم لي .. انا قرأت اقتراحات اكثر من شخص هنا يقول كمل الخطوات على الناحيتين وقبل السفر "انا دراستي بشهر 5" حدد وجهتك ..

انا ماودي اكمل عالجهتين واجلس محتار كل هالوقت .. ودي اخذ قرار واضح واريح عمري .. من جهة ودي ببعثة الملك لانها فرصة باليد .. ومن جهة ثانية ودي ببعثة من الوظيفة لان الحوافز فيها اكثر ..

لكن متى اساساً يرسلون الموظفين الجدد للابتعاث وكيف اضمن هالشي .. هذا اللي مقلقني ومخليني ماودي اخسر بعثة الملك .. اخاف انضم للوظيقة واجلس كم سنة فيها بلا بعثة والعمر يمر ..

وممكن انضم لبعثة الملك ويكون ضيعت على نفسي بعثة وظيفة فيها ميزات اكثر حسب مانسمع ..

شرايكم بهالموضوع .. ابي الكل يدلي برأيه وبخبرته الله يخليكم.

سجل عندك واحد نفر موظف بوزارة الصحه مقدم ع الابتعاث من عام ٢٠١٠ مستوفي كل الشروط ( خدمه اكثر من سنتين// توفل/: قبول جامعي مصدق من الملحق الثقافي وموافقة جهة العمل وتقييمي ممتاز والى الان مكانك سر.. افضل جهة فيها فرص ابتعاث هي الجامعات .. الباقيين انت وواسطتك..

والله يَ خي علَى حسب إذآ تضمَن تبتعثك جهة العمَل وتبي الوَظيفه اِنت رح للوَظيفه
لَكِن لَو مَ تضمَن يبتعثونك هِنآ يعتمَد علَى اللي تبيه اِنت !

هَل تبي الوَظيفه بغض النظر فيهَآ اِبتعآث وألآ لآ ؟ وألآ مُجرد تبي الإبتعآث عن طريق الوَظيفه ؟
قرر بنآءاً علَى رغبتك :)

ورآجع الرد اللي فوقِي لَأن فعلاً كلآمَه وَآقعي جداً

أتمَنى لَك التوفِيق

طيب الوظيفة ماجات و البعثة جات !! .. كمل اجرائات السفر وكل شيء على اساس انك مسافر .. خلال هالفترة اذا وصلك وظيفة وحبيت تختارها .. كنسل كل شيء وانتهينا .. واذا ما اعجبتك .. يصير تسافر و انتهينا

انا قلت الحين الوظيفة جاهزة و و و .. فيه ناس تركوا وظيفة جاهزة براتب 11 الف مع البدلات وراحوا مع بعثة الملك ..

شكرا على تجاوبكم والله يجزاكم كل خير..

اتمنى اسمع ردود اكثر بهالخصوص لأن مازلت محتار بين المسألتين .. اقدم عالتأشيرة وباقي الخطوات او اطمح للوظيفة وبعثتها .. اتمنى احد يفيدنا اكثر ..

جانب فيني يتمنى البعثة لانها باليد وجانب بالوظيفة والابتعاث من خلالها .. انا اتمنى الماستر بكلتى الحالتين بس حسيت انها افضل بالوظيفة.

اخوي خلك على المضمون يقولك طير باليد ولا عشرع في شجره وانت في النهايه يهمك في الأمرين ابتعاث
وهذي كلام من زميل لي يكمل دكتوراه يقول لو خيورةني بين الأبتعاث تبع والوزاره او تبع الجامعه لأخترت الوزاره لأن اجرائاتك بتكون ميسره وميحتاج تخاطب العمل وتاخذ منهم موافقه
وانت بكذا تكون اكثر حريه مع برنامج الملك والاختيار النهائي يرجع لك بس تبقى نصيحه من اخو لأخوه كمل اجرائاتك وتوكل على الله واذا على الوظيفه لاحق عليها وفكر في الوقت الي بتاخذه بالوظيفه الى ان تبتعث يكون خلصت فتره ابتعاثك وخلقت لنفسك فرص وظيفة افضل .. وبالتوفيق لك ولاتنسى تستخير وانا اخوك

البعثة وسيلة ..
الوظيفه هدف ..
ولكن أنا موظف وساترك عملي وأذهب للبعثة !!

المعادلة تقول : إذا الوظيفة طيبة لا تفرط فيها وريح دماغك .
إذا الوظيفة مو قد المقام وأقل من طموحك وحاب تطور نفسك
روح ابتعث وادرس واجتهد ..
بس حط ببالك الإبتعاث مسؤولية وجهد عالي ..
صحيح فيه فله ووناسة وتجربة بس تظل المسؤولية تؤرقك دوما ..
وراح تكون أسعد لما ترجع بشئ مشرف ويرفع الراس :)

شوف خذها من إنسان من بداية الابتعاث 2005 وهو يحلم بالابتعاث


أنا دخلت الوظيفة ولي 9 سنوات بكمل دراسة إبتعاث ماقدرت في الاخير صار ماعندي إلا انتساب والحمدلله على كل حال

الان بعد مر العمر قاعد الم القرش على القرش ومفكر أستقيل بعد ماصار عندي عائلة 5 أفراد !!! كل هذا عشان أرضي الطموح الداخلي اللي خلاني أحترق والان مقدم قبولات دعواتك

في النهاية لو خيرت بين الابتعاث ولا الوظيفة لاخترت الابتعاث إلا إذا كانت الوظيفة أكاديمية مثل معيد ومحاضر لانه في النهاية حتبتعثك الدولة
أما غيرها فوالله ليشيب رأسك حتى تبتعث إلا إذا خالك وزير أو عمك رئيس له هيبــة



وبيصير ماقدامك إلا الاجازة أو الاستقالة وكلاهما مـــر

إذا تقولي هدفي راتب بحت أنا أقولك الوظيفة إما إذا تقول راتب وأيضا في رأسك طموح وتبي تتوسع قدامك المجالات وتتعلم بطريقة صحيحة عشان والوظائف تفتح أبوابها بإذن الله فخذ البعثة


الله يوفقك
الوظيفة رزقك بيجــيك لاتشيل هم ومكافئة البعثة تعادل راتب أطلق وظيفة حكومية

اقتباس:

---

المشاركة الأصلية كتبت بواسطة Bader M

وممكن انضم لبعثة الملك ويكون ضيعت على نفسي بعثة وظيفة فيها ميزات اكثر حسب مانسمع ..

---

أنت في النقطة هذي تتكلم عن فوائد ومزايا إضافية..

انصحك بإعادة ترتيب أولوياتك!

تبي دراسة ولا مزايا وظيفية؟

الله يجزاكم خير عالتعاون ..

انا اميل معكم لبرنامج خادم الحرمين الشريفين لكن اللي مخليني اتردد سالفة ان بعض الوظايف تبتعث حسب مانسمع موظفيها خلال ست اشهر الى سنة ..

خاصة ان كان جيد باللغة - حسب ماسمعت - ..

انا ماعندي رغبة بالاعادة بالجامعة .. فـ حاذف هالخيار .. بس اتكلم عن الوظائف الحكومية خاصة بالصناديق .. الزراعي الموارد الصناعي الخ ..

هالشئ حيرني شوي .. واذا احد عنده رأي اضافي بهالمسألة المفيدة للكل .. اتمنى يفيدنا فيه ..

اقتباس:

---

أنت في النقطة هذي تتكلم عن فوائد ومزايا إضافية..

انصحك بإعادة ترتيب أولوياتك!

تبي دراسة ولا مزايا وظيفية؟

---

لو هدفي مافيه دراسة ماكان فكرت بفكرة البعثة بالاساس .. لكن انا كنت اتكلم عن الخيار الافضل بين الاثنين .. دامهم الاثنين يوصلون لنفس الهدف .. مايمنع انك تحتار بين ميزات كل جهة.