الوظيفـة أم البعثـة ؟ .. شـوروا على اخوكـم

-


السلام عليكم ورحمة الله ..


بخش بالموضوع على طول .. انا طالب ماستر من المرحلة الثامنة .. قدمت على معهد وجاني القبول ومقدم على الفيزا واموري تمام .. ما باقي الا اقص التذكرة

لكن صار شي اربكني شوي .. انا عملت انترفيو في مكان قبل فتره وجاني خبر منهم انه تم قبولي بالوظيفة .. انا الحين محتار كثير

هل اقبل بالوظيفة اللي جت وألغي البعثة او أجلها الى اجل غير مسمسى أو اتوكل على الله واكمل اجرائاتي واطير على امريكا ..

الوظيفة ما هي واو .. لكن مقبوله .. وحكومية ..

احس تعبت من التفكير .. وجد انا ما فيه شي معين أميل له اكثر عشان استخير عليه واتوكل .. اللي متأكد منه انه ابي ادرس .. وبرضو خايف اروح وارجع واجلس بالبيت واندم على الوظيفة اللي ضيعتها

لازم اتخذ قراري بأقرب وقت ممكن .. كورسي في المعهد يبدا بعد شهر ولسا باقي اشياء كثير ما سويتها .. كل ما اجي بسوي شي اقول طيب والوظيفة ؟


كلام الناس شتتني اكثر .. اللي يقول رح لا تجلس وترجع معك ماستر وانقلش وتلقى الوظيفة اللي تبي .. واللي يقول امسك الوظيفة اللي جتك غيرك راح ورجع وقعد بالبيت

احس ابي اسمع كلام من ناس عاشوا التجربة .. ما ابي اسمع اراء ووجهات نظر .. يعني من واقع تجاربكم الشخصية او الناس اللي حولكم في مجتمعاتكم .. مين استفاد اكثر اللي توظف بعد البكالوريوس او اللي راح ورجع معه الماستر ؟



شوروا علي ..

أذا الوظيفه من الدرجة الخامسة وأقل , روح البعثه أحسلك

ياخي الارزاق بيد الله ونصيبك محفوظ سواءا قبلت الوظيفة ام لم تقبلها او ذهبت للابتعاث ام لم تذهب فاعتقد ان الابتعاث فرصة لن يتم تعويضها بس اكتشفت فيك حاجة اعتقد انها مش كويسة انك تسمع كلام الناس فنصيحتي لك انك تشاوراناس لهم باع كبير في هذه الاشياء وفي هذه الامور واخ lawاعتقد انك ماوصلت لهذه المرحلة ا لا انك كفووووو فالي جاب هذه الوظيفة يجيب غيرها ,بس اهم شي لاتاخذ اراء الناس كلها خذ عينة بسيطة لان الكثير سوف يفوت عليك فرصة لن تتكرر ابد فاستخير قبل كل شئ وتوكل على الله ,فاعتقد من البداية لوما قدمت كان اعطيت فرصة لغيرك واحق فيها .
اذكر لك مثال بسيط وخاصة فيما يخص الوظيفة: لي صديق كان يعمل معي في وظيفة حكومية بالمرتبة السادسة قدم على اابتعاث خادم الحرمين تقريبا لعام 1430 وقدم على اجازة دراسية بدون راتب الا ان جهة العمل لم توافق على ذلك في اليوم التالي قدم استقالته من العمل وذهب للولايات المتحدة الامريكية لدراسة القانون وتخرج العام الماضي بتقدير جيدجدا واتى الى المملكة العربية السعودية محملا بالعلم ,الان له تقريبا 9 شهور وتقدم على اكثر من وظيفة وقبل في وظيفتين الاولى كانت بوزارة الصحة الا ان الوضع لم يعجبه فقد استقالته بعد ما حصل على الوظيفة الثانية والتي كانت احسن من الاولى وعلى المرتبة الثامنة بمصلحة الجمارك وهذا يدل على قوة الشهادات الامريكية ,بس ياخي حبيت اوضح لك بان الخير موجود وشوف الفترة البسيطة التي وجد فيها وظاائف ويتنقى على كيفه,ولوكانت بالقطاع الخاص لكان يتقاضى راتب افضل من القطاع الحكومي هذه تجربة من الواقع لزميل سابق الله يوفقه ,فهذه القضيه تحتاج الى تضحية اما بالوظيفة او الابتعاث.
تقبل فائق التحية والاحترام,,,,,,,,

لما تسافر تتعلم هترجع على وظيفه احسن و احسن .. العلم اهم

انا موظفة حكومية واستقلت بقلب بارد تماماً غير آسفه على الوظيفة والحمد لله , لاني أريد أن أدرس ولدي طموح أعلى من أن ابقى كل عمري في مكان واحد لا يتغير إلا زيادة الراتب فقط .. الذي ساعدني أن راتبي لم يكن أحد يعيش عليه سواي ,لست مسؤولة عن أحد لذا كان قرار الاستقالة سهل , فأنت اختار ما يناسبك حياة روتينية آمنة والا شهادة أعلى تغير مجرى حياتك بتجربة الدراسة

مدري ليه الناس تاخذها انك رايح تدرس بس !!
يالحبيب تراكـ في حسبة موظف تستلم راتب موظف وانت بالبعثة .. وزود عليها انت مريّح لا شغل ولا هم يحزنون:)

- - - مشاركة محدثة - - -

مدري ليه الناس تاخذها انك رايح تدرس بس !!
يالحبيب تراكـ في حسبة موظف تستلم راتب موظف وانت بالبعثة .. وزود عليها انت مريّح لا شغل ولا هم يحزنون:)

-


الله يعافيكم .. انا تقريباً اميل للابتعاث بنسبة ضئيلة .. اللي مرددني ان الوظيفة تعتبر الى حد ما كويسة

يعني لو كانت على عقد في شركة او كانت حكومية على الخدمة المدنية كان ما فكرت نهائياً في الموضوع .. لكن فيها دورات وتطوير للموظف ولهم سلم خاص غير السلم العام


والله مدري وين الخيرة فيه .. لكن شكلي بستخير على الابتعاث .. و الله يكتب اللي فيه خير وصالح لي ولكم جميعاً .. تراي احب اي واحد ووحده مبتعثين .. حب اخوي .. احس ودي اجمعكم واخمكم كلكم قبل تسافرون :d

الله يسهل اموركم ويوفقكم ويقر عيونكم وعيون والديكم بشهاداتكم ..

إذا غرضك من الابتعاث هو الوظيفة، نصيحة لا تطلع وتترك الوظيفة الحالية
كثير رجعوا ولازالو من دون وظائف وأنا وحدة منهم مع الاسف الشديد! .. والعدد في زيادة خصوصا لطلاب الدراسات العليا
بعض اللي توظفوا كانو بشهادة البكالوريوس والماستر مالها قيمة، او بشهادة ماستر لكن براتب مايسوى،
عن تجربة.. مستحيل افرط بوظيفة لو عندي مليون منحة غير منتهية بتوظيف!

لكن إذا الدراسة هي الشي الاهم والوظيفة بالمرتبة الثانية بالنسبة لك، فـ توكل على الله وسافر، راح تكتسب أمور كثير غير الشهادة اللي راح تحصل عليها

بالتوفيق
طوبى

الشيء هذا انت اللي تقدر تحدده فقط

انت ادرى بالوظيفه اللي جاتك و بمستواك الدراسي ومقدرتك على تحمل الغربه

الله يوفقك و ييسرلك اللي فيه خير لك

اخوي انت قبل اذا ماخاب ظني فدتك بموضوع المعهد وباذن الله افيدك كمان بهالموضوع

اسمع اخوي انت شوف نفسك طموحك وظيفه يعني روحتك لامريكا لغرض انك تجيب ماستر عشان تتوظف ف

فالوظيفه جت لعندك قبل ماتسافر

اما اذا كان غرضك شهاده وتطوير ووظيفه مرموقه فالابتعاث يقولك حياك الله

شوف اخوي انا متزوجه وعندي ولد وانا المبتعثه الاساسيه

وزوجي مرافق وموظف حكومي عسكري راتبه وصل ل ١٠ الاف بس مو هذا طموح زوجي ولا انا هذا طموحي

زوجي انسان يعشق العلم ويحب يتطور نفسه ويبي يكون احسن من وضعه الحين

وانا داعمته قلبا وقالبا مع ان الكل من اهله رافضين هذا السفر والدراسه

شاورني انه يستقيل من عمله عشان يروح معاي ويصير هو كمان مبتعث قلت له استخير وشوف وش ربي يقولك

وانا واثقه بزوجي باذن الله انه بيكون شي استخار وقالي انا مرتاح للفصل

قلت روح افصل لعنبو من يردك انا راضيه فيك ومقتنعه بتفكيرك وشورك وماعليك من احد

ابشرك استقال وسلمنا شقتنا وباع سيارته ومابقئ لنا شي بهالديره الا ملابسنا ومع ذلك مرتاحه بنسبه ١٠٠٪

لاني عندي احساس اني انا وزوجي بنروح وبنجيب الشهاده وبنكون شي وبنبدا من جديد

يعني اللي اقصده من كلامي ان وضعي اقوئ من وضعك ومع ذلك بنبدا من جديد نكون نفسنا وراضيه لان همنا الاول والاخير طموحنا ووظيفه كويسه

انت شاور نفسك وشوف وين تميل

بس لو علي بقولك روح ادرس ثم ادرس ثم ادرس وارجع وكون شي عظيم

( نحن امه محمد وجدنا لنغير العالم )