ابي ابتعث تكفون ادخلو ..

و عليكم السلام و الرحمة
هلا بك أخوي
عشان تكون مطابق لشروط الإبتعاث لمرحلة البكالوريوس و اللي هي تقتصر على التخصصات الطبية أساساً
نسبة الثانوي ٩٠٪
القدرات ٨٠
التحصيلي ٨٠

و إن شاء الله إنك قدها
و التسجيل ترا في رمضان الجاي

موفق ياارب ❤

اذا قصدك تبتعث على البكالريوس ف بنت حصه ماقصرت وجاوبت + طب وعلوم تطبيقيه
اذا قصدك تبتعث على الماجستير (بعد ماتنتهي من الجامعه) فكل الاقسام يوافقون انهم يبعثوهم شرط المعدل والعمر وسنه التخرج بغض النظر عن القسم

واجتهد بكل طاقتك وحاول تجيب اعلى من المطلوب خاصه بقياس
لان ممكن باي وقت يرفعون النسب

شكرا اختي على الرد السريع ..

طيب اختي بأذن الله الثانوية فوق 90% اما القدرات والتحصيلي اخاف مااجيبها

طيب نقول اني ماجبتها وش الحل ؟؟

هل في امل اني اكمل هنا بالمملكة وبعدها ابتعث ..

- - - مشاركة محدثة - - -

طيب اذا دخلت الجامعة الى هنا اقدر ابتعث بعد الجامعة حقت [ الطب ]

اي تقدر
اذا مددو الابتعاث
حاليا الابتعاث بقى له سنتين بهالمرحله
ومددوه خمس سنين زياده
يعني باقي سبع سنين
9-10-11-12-13-14-15


نصيحه :
ادخل القدرات والتحصيلي كذا مره وعلى قوله بنت حصه انت قدها
وتابع باليوتويب طريقه الحلول ومنتديات يزيد

وبالتوفيق

وربي رفعتو معنواتي الله يووفقكم يارب ان شاء الله اجيبها
طيب بسالك نفرض اني كملت الجامعة متى اطلب الابتعاث وكم النسبة بالجامعة المطلووب للابتعاث ؟

شوف الابتعاث ثلاث مراحل
كل مرحله خمس سنين( قبل تنتهي المرحله الملك يوافق على مرحله ثانيه )
اول مرحله اللي هي اول خمس سنين كان يطلبون للماستر المعدل 3من 5
يعني من جيد
المرحله الثانيه رفعو المعدلات وصار بس ممتاز وجيد جداً

الحين انت لاتشتت ذهنك
اشتغل الحين على القياس والثانويه
وبعده اشتغل على الانجلش
وبكرى حط لك جدول وخلك عليه وذاكر للقياس

طبعا ماتطلب الابتعاث بنص الدراسه
يعني لازم شهاده الثانويه او شهاده الجامعه
بحاله وحده تسافر وانت تدرس بالجامعه اللي هي تكون مرافق لمبتعثه وتكمل برى بقسمك طبعا بعد مايعادلون لك الساعاات اللي درسته وشويه امور

لا تحط البعثة كخيار رئيسي لك اجعلها من ضمن الخيارات لان الواحد ما يدري وين نصيبة