رد: وصلنا سياتل واي استفسار انا جاهز وابشركم كل شيء تمام
اقتباس:
المشاركة الأصلية كتبت بواسطة يوفي VIP
عزالله انك ابيض وجه يا زمان الطيبين ..
الفندق وان شاء الله انحل امرهـ .. بس وش وضع التوصيل للفندق ..
انا شفت احسن حاجة Shuttle Express الي يوصّل ب 22 دولار لفندق nexus .. بس هل لازم تنسيق معهم من قبل ولا كيف ؟؟
ووجهك ابيض ياغالي
ان شاءالله كل شيء محلول ولو مالقيت احد يوصلك ترا الامور سهله بس اعطهم عنوان الفندق وله هذا العنوان
المهم مادامك مطلع على موقع النادي شيء حلو والله واكيد لازم تنسق معهم وتطلب اللي ب22 دولار
وتجي بالسلامه اخوي وانا بالخدمه
رد: وصلنا سياتل واي استفسار انا جاهز وابشركم كل شيء تمام
اخوي بسالك اللي بيسكن مع عايله
كيف الاسعار عندهم هناك؟
رد: وصلنا سياتل واي استفسار انا جاهز وابشركم كل شيء تمام
اقتباس:
المشاركة الأصلية كتبت بواسطة muhannad falah
اخوي بسالك اللي بيسكن مع عايله
كيف الاسعار عندهم هناك؟
والله ما اعرف بالضبط ولكن بحدود 700 الى 950
واذا بتتاكد فيه العضو shy haert ساكن مع عائله اساله وش وش راح يفيدك فيه
رد: وصلنا سياتل واي استفسار انا جاهز وابشركم كل شيء تمام
مااقصرت والله
طيب كيف المعيشه غالليه ولا ككيف؟
رد: وصلنا سياتل واي استفسار انا جاهز وابشركم كل شيء تمام
اخوي المعيشه غاليه شوي ولكن على حسب صرفك وعلى حسب وش نوع السكن ووين تسكن
وان شاءالله تكفي المكافاه وبالنسبه لنا الى الان ماجربنا ومانزلت لنا المكافاه
انا ماكسر ظهري غير الاثاث والسياره والمواصلات كنت استخدم تكاسي وقبلها كنا بفندق
ولكن لما استقرينا بالشقه الحمدلله خف الصرف ونطبخ بالبيت
البارح كلمني قريب لي بولاية اوريقون تبعدد ساعتين من سياتل ويقول ماعنده ضرايب وديرته حلوه
فيها بورتلاند وبوجين ولكن لما عرف اني بسياتل قال خلص لغه من سياتل وبعدين رح ولاية كاليفورنيا لان جامعاتها اسهل وافضل
والعيشه ارخص من سياتل واستغربت وقلت له كاليفورينا غاليه وقالي مو اغلى من سياتل
رد: وصلنا سياتل واي استفسار انا جاهز وابشركم كل شيء تمام
يا اخوان مين طلع لسياتلعلى الخطوط الالمانية ؟؟
و هل صحيح لهم شنطه وحده بس 23 كيلو ؟؟؟
رد: وصلنا سياتل واي استفسار انا جاهز وابشركم كل شيء تمام
اقتباس:
المشاركة الأصلية كتبت بواسطة ملاك الجود
يا اخوان مين طلع لسياتلعلى الخطوط الالمانية ؟؟
و هل صحيح لهم شنطه وحده بس 23 كيلو ؟؟؟
لك شنطه 23 كيلو ...
واذا ببتاكدين اكتبي بقوقل الخطوط الالمانيه وسوي حجز وهمي وشوفي عدد الشنط ..
يطلع لك شنطه 23 كيلو بالسياحيه واتوقع الثانيه مكتوب على حسب الديره اللي رايح لها
والبزنس شنطتين كل شنطه 32 ك والاولى 3 شنط كل شنطه 32
وداخل الطياره شتطه ماتتعدا 8 ك
وبعض اللي جربوها يقولون لك شنطه والثانيه احيانا تمشي واحيانا ياخذون فلوس
رد: وصلنا سياتل واي استفسار انا جاهز وابشركم كل شيء تمام
تسلم اخوي بكرا برجع للطيار مره ثانيه و ان شاء الله نلقى االاماراتيه لانه قال لمحرمي ان مافي رحلات غير الالمانيه
رد: وصلنا سياتل واي استفسار انا جاهز وابشركم كل شيء تمام
اقتباس:
المشاركة الأصلية كتبت بواسطة زمان الطيبين
والله ما اعرف بالضبط ولكن بحدود 700 الى 950
واذا بتتاكد فيه العضو shy haert ساكن مع عائله اساله وش وش راح يفيدك فيه
العوايل بالشركات تلقى بحدود 650 الغالب .. وانا ساكن حاليا ب 700 ببيت فخم و دورة خاصة وانتم بكرامة .. كنت ساكن ب 625 ..
وكثير بتلقى بحدود 500 الى 600 ... وممكن ياصل السكن في بعض المناطق ل 900 دولار لكن صدقني قليل اكثرها زي ماقلت لك
رد: وصلنا سياتل واي استفسار انا جاهز وابشركم كل شيء تمام
اقتباس:
المشاركة الأصلية كتبت بواسطة ملاك الجود
تسلم اخوي بكرا برجع للطيار مره ثانيه و ان شاء الله نلقى االاماراتيه لانه قال لمحرمي ان مافي رحلات غير الالمانيه
الله يسلمك
ولاتسمعين كلام الموظف
انتي شوفي موقع الاماراتيه وشوفي اللي هل هو متوفر اليوم او لا
واذا طلع متوفر اتصلي على الحجز اللي بالهاتف الموحد حق الطيار وقولي احجزوا باليوم الفلاني ولاتقولين انك مبتعثه
واذا حجزوا لك وخلصوا قولي هات رقم الحجز وقولي انك مبتعثه اذا طلبوا بعد ماتاخذين رقم الحجز وارسليه لموظف الطيار بالوزاره
وبالتوفيق
- - - مشاركة محدثة - - -
شكرا على الاجابه ابوعابد
جزاك الله خير
