وصلنا سياتل واي استفسار انا جاهز وابشركم كل شيء تمام

اقتباس:

---

المشاركة الأصلية كتبت بواسطة زمان الطيبين

والله ماني حافظ اسمه رحت مع واحد ولكن بكرى اجيب اساميهم وفيه بقالتين بالحي اللي سكنت فيه قريب للنورث قييت اقرب من الهندي وراح احط اسامهيم مع ارقام الخرايط
عشان اسهل الامور عليكم لما اصحى بكرى ان شاءالله واتاكد من اساميهم ..
وبخصوص الاسعار مستحيل تلاقين شيء مثل السعوديه الا المويه والفواكه والخضار وحتى الفواكه اللي شفتها رخيصه بس اللي بالبقالات العربيه ولمول بشارع الليك سيتي وتراه قريب للنورث م
يعني خمس دقايق بسياره اسمه fred meyer وهذا المول كل شيء فيه ولكن ارخص شي شفته فيه المخدات واسعار الفواكه فيه ممتاز وارخص من مول QFC
وهذا عنوانه بالضبط تكتبونه بالخرايط ويقولكم الوقت بالباص وبالسياره او على رجولك وبيني وبينه على رجولي 8 دقايق fred meyer ,13000 Lake City way NE, seattle WA 98125وترا من تكتبون
اول حرفين او ثلاثه من اسمه بالخرايط راح يطلع عتوانه عندك ويوضضح لك كل شيء
وترا قبل المول هذا على الشمال فيه بقاله عربيه اسمها HAMDI بقالة حمدي يبيع فيها افريقي وماشتريت منه غير الرز لان اسعاره اغلى من الهندي بفرق بسيط وعنده ملحمه في نفس المحل ولكن
مااشتريت منه لان زميلي مامدح لي اللحم وقالي اافضل لحم اودجاج اللي بالبقاله العربيه حقة الهنود
لانه البقاله اللي فيها الهندي مدري البنقالي حتى الدجاج تلاقي دجاجه مبرده ذبح اليوم وشايلين الجلد منها وسعرها اتوقع 6 $ وواللي اعجبني انه عندهم صدور دجاج بدون جلد وبدون عظم وفيه سيقان دجاج وفيه خرفان وتيوس ذبح يومي وحلال كل اللحم والدجاج ويفرم لك ويقطع اللحمل وفيه لحم مقطعينه صغير وحاطينه بصحون ومغلفينه وجاهز
وسالت واحد لبناني قلت افضل محل لحوم هنا وين ؟ قال هذا المحل وحتى البطانيات عنده ب50 $ ,والبهارات والزيت وزيت الزيتون وكل مايحتاجه الشخص وارخص شيء عنده الفواكه
واليوم مرينا مول ولكن للاسف ماتقدر تشتري منه الا ااذا اشتركت ببطاقه 110$ سنه كامله وزميلي معه بطاقه ولكن لاتشترون منه الا مواد غذائيه مثل مويه كراتين تجي عندهم ربطه بكيس فيها فوق 30 قاروره اتوقع ب3 ونص $
والسكر والمايونيز والاجبان والالبان والمناديل صح عندهم بالجمله اسعار حلوه والله واعجبني سخان مويه للشاهي لقتيه ارخص شوي من السعوديه وميزة هذا المول انه المواد الغذائيه فيه رخيصه ولكن مافي كل شيء من اللي بالسعوديه يعني تلقى زين مازولا ولكن ماتلقى اجبان مثل اللي عندنا

شكلي سجيت وانا اكتب ودشيت بكلام كثير ... المهم ابي افيدكم واللي يبغى يستفسر اكثر انا حاضر

---

مشكور أخوي. .كفيت و وفيت الله يعطيك العافية.ويوفقك يارب

يعطيك العافيه كفيت ووفيت

الوضع ممتع مرعب بنفس الوقت اسعار البقاله تعتبر كويسه بعض الشي
السكن 1200 لغرفه وحده بس كثير مره

الله يستر اذا التلفزيون ياخذون عليه شلون لو تستخدم الانترنت حقهم

امانه يا اخوي اذا لقيت شقه قريبه منكم غرفتين و ايجارها حول 1200 عطيني خبر عنها

يعطيك الف عافيه

اقتباس:

---

المشاركة الأصلية كتبت بواسطة يوفي VIP

^^
يا زمان الطيبين ( او اي واحد عندهـ علم ) .. ابي فندق حق ثلاث او اربع ايام .. حق نوووم بس .. وين احصل الكويس ؟؟ يمشّيني على ما اجي والقى شيرنج ان شاء الله في غضون يومين ..

---

هذا فندق nexus بالنورث قيت وفيه كل شيء حولك وبمواقف الفندق اللي قدام الفندق مطعم سافرون هندي وقدامك سوبرماركت وماك وعلى بعد خمس دقايق مول النورث قيت وشوي اكتب عنوانه بالضبط

2140
N
Northegate Way,seattle WA 98133
phone 2063650700
fax 2063650750
هذا عنوانه ورقم تلفونهم والفاكس

اقتباس:

---

المشاركة الأصلية كتبت بواسطة ملاك الجود

يعطيك العافيه كفيت ووفيت

الوضع ممتع مرعب بنفس الوقت اسعار البقاله تعتبر كويسه بعض الشي
السكن 1200 لغرفه وحده بس كثير مره

الله يستر اذا التلفزيون ياخذون عليه شلون لو تستخدم الانترنت حقهم

امانه يا اخوي اذا لقيت شقه قريبه منكم غرفتين و ايجارها حول 1200 عطيني خبر عنها

يعطيك الف عافيه

---

الله يعافيك ومافي رعب ولاشيء والله بس الجديد هنا يكون مثل الغشيم
وحبيت اوضح لكم كل نقطه كنت اجهلها وغيري يجهلها ولانه فيه ناس ماتشرح كل شيء بالتفصيل
وسياتل مدينه جميله واهلها طيبين واجواءها روووووووووووووووعه وباذن الله ترتاحون فيها والاسعار الواحد يمسك نفسه واول مايسكن يتقضى اغراض شهر من البقالات وبعدها ياكل من البيت
والشقق انا قلت حد اقصى للغرفه 1200 وفيه ب800 و900 وانا مستأجر تقريبا 1100 مع الفواتير وكل شيء لما حسبتها ..
وفيه شقق بس ما اقدر اجيبهم اقول احجزوا لي شقه لانه يطلبون جوازك ويعبون ابليكيشن ويطلبون التامين .. فهمتي علي..
ولاتشيلون هم ان شاءالله االمور تتيسر واحاول اخدمكم باللي اقدر عليه
وماابغى الا الدعاء لنا ولوالدي وابنتي ان يحفظهم الله وان تتيسر امورنا جميعا

ملاك الجود فيه مجمع اسمه سولارا فيه بالسعر هذا اتوقع ولكن يطلبك مقدم شهرين
اذا بتتاكدين شوفي بالانترنت بمنطقة الليك سيتي solara
واذا تبغون اسالكم بنفس المجمع اللي انا فيه راح اسال بس متى تجون انتم

معلومه هامه .. اللي يطلع شريحه لايطلع مفوتر وبعقد لانه راح يمشي رسوم عليه ويتوهق
اللي يبغى يطلع يطلع مسبقة الدفع وفيه عروض فيه ب30 دولار بدون انترنت وفيه ب50 مع انترنت وفيه ب65 مع خدمة بلاك بيري وانترنت
والمكالمات مجانا لاي خط في امريكا والرسايل مجانا
يمدحون شركت تي موبايلي وطلعت منها شريحتين لي وللاهل وكل شهر تروح لمكتبهم وتدفع الرسوم 50 او حسب الباقه وهذا افضل شيء

يعطيك العافيه على المعلوماات

ومعليش برجع اسألك عشان اخذ احتياطي

كم المبلغ اللي احتجته لين استقريت

الله يعافيك ..
لاتقارنين وضعك بوضع اي شخص ..
يمكن انتي تسكنين فندق اسبوع او يوم او عشر ايام ويمكن تسكنين يوم وتروحين شقه وتطبخين بالبيت ويمكن انتي لوحدك ويمكن ماتاكلين من المطعم ،،
وباختصر عليك كل شيء
حطي بحسابك السعودي مبلغ للاحتياط وخوذي معك 6000 دولار وان شاءالله امورك تمام ..
الى الان بدون ما انتهي من باقي الاثاث صرفت تقريبا 5000 دولار ولسى ماشتريت شاشه وكنب ..بس اشتريت اغراض المطبخ لشهرين قدام واشتريت مخدات وبطانيات ولحاف <<مدري وش تسمونه و
حتى الخروف والدجاج يكفي شهر يمكن
وترا اكثر صرفي اول اسبوع على الاكل والتكاسي لاني كنت بالفندق ساكن وترا يختلف الصرف من شخص لاخر على حسب مكان الفندق وسعر الفندق وكم بيجلس بالفندق وايش بيشتري
وترا الصرف هذا لشخصين انا وزوجتي ..شامل تامين الشقه وايجار اول شهر للشقه اند الجوالات اند ال 300 ردولار حقة البنك اللي بتصير بالسيفينق ..وايجار اسبوع بالفندق اند 56 دولار حق التي في ههههههههه وسلامتك
وبالتوفيق ان شاءالله

اولاً الحمد الله ع السلامه

الله يوفقك بمشوارك بسياتل
وانا جاي ان شاء الله الخميس ع سياتل

بس ياليت اخوي توضح لي تجربة الاستقبال بالمطار
خصوصا اني منسق مع عائله يستقبلوني

والله يوفقكم جميعاً