تقرير قرار جديد للعسكريين حسبي الله ونعم الوكيل

يا جماعة الخير الموضوع فيه إشكالية بسيطة في موضوع التقاعد فقط

الأمر الملكي رقم 45 في تاريخ 3-8-1432هـ اللي نص على جواز مرافقة العسكري لزوجته أو من يعولهم شرعاً للابتعاث الخارجي

بإجازة استثنائية لمدة 4 سنوات بدون راتب غير محسوبة في الخدمة ( مع إمكانية شراء السنوات لغرض التقاعد ) وجدت تعارض

مع أحد فقرات النظام العسكري اللي لا يوجد به نظام إمكانية شراء السنوات لغرض التقاعد.

وجهة نظري انه يتم أخد تعهد من العسكري بعدم المطالبة بضم السنوات لخدمته بعد عودته بأي حال من الأحوال وكفى الله المؤمنين شر القتال.

الله ييسرها من عنده وهو القادر على كل شي

مافي اخباار ؟؟
هل من مبشرر

السلام عليكم
في البدايه لما قرت الموضوع ما صدقت
بس بالفعل يا اخوان الخبر صحيح
وانا شفته ومعي نسخة منه.
منع العسكري من الإجازة.
وقررت ارفع فصل من العمل والرازق رب العباد.
لان الفرصه مره وحده تجي.
ولكم تحياتي.

عطونا الاخبار وش الجديد

هل من تطورات مبشرة بالخير ولالا اختفى الجميع فجاة هل ياسو او دبرو نفسهم

الحمد الله ع ل حال

الســـــــــــلام عليكم

الخبر صيحيح ملون بالميه


واحد من عيال عمي رفضوا أجازته يوم الأحد الموافق 14/4/2013 من وزير الداخليه مرفوضه..

وهو كان يبي يرافقك مع زوجته لأمريكا..

والحين لا هو ولا زوجته بيروحون كنسلوا الروحه ..
أدارة المرور الأمن العام..

وبالتوفيق للجميع وأذا أحد عنده حل يراسلني خاص..

بالتوفيق

حسبي الله و نعم الوكيل
ضيعوا حلمي و تعبنا طول ثمان شهور
ما اقول الا الله يسلط عليهم و يرويهم شر اعمالهم بانفسهم و اولادهم
حرام عليهم وش هالظلم
الله لا يوفقهم دنيا و لا دين

السلام عليكم ورحمة الله ... انا عسكري في احدى القطاعات بالمملكة وانا مرافق مع زوجتي وانهينا بنسبة 99% من موضوع الابتعاث مع زوجتي وبعت سيارتي وبعت نصف عفشي وسلمت بيتي وباقي ع السفر 25 يوم بالزبط وطلع هذا القرار الي حطمنا وهدمنا وعيشنا في جحيم لا حول الله ولا قوة الى بالله . وفاجأنا الموضوع ولحد الان ما صدقنا . اللحين وش الحل في رايكم الى عنده حل يقول عشان . في ناس يقولون الواسطة يعني لو عندي واسطه يمكن راح اطلع وفي ناس يقولون مدد موعد الدراسة وحاجة زي كذا يعني لو دراستنا بعد شهر قصدهم نخلي الدراسة بعد 4 او خمس شهور وزي كذا يمكن يجي قرار يغير الموضوع حق الاستأناف وفي ناس يقولون اطلب اللحاق لاحد الملحقيات العسكرية الي قريبة من جامعة زوجتك في امريكا وفي ناس يقولون افصل من العسكرية وانتم عارفين والله لو افصل يمكن ماراح احصل وضيفة اخوي له 3سنين جامعي ما لقي وضيفة ..... لا حول الله ولا قوة الى بالله سألتكم بالله عطوني الحل لاني اقسم بالله .. شكلي بالتهور وخلاص .

المصدر: http://www.mbt3th.us/vb/forum163/thr...#ixzz2QfLZvnzX
حفاظاً على حقوق الكاتب نرجو عدم حذف المصدر مبتعث
Under Creative Commons License: Attribution Non-Commercial No Derivatives
Follow us: @mbt3th on Twitter | mbt3th on Facebook