تقرير قرار جديد للعسكريين حسبي الله ونعم الوكيل

عندي صورة الرد حق معاملتي بس الامر يقولون تلقاه بعملك عموم رقم الامر السامي 1120 اعتقد بس التاريخ متاكد منه 15/3/1434 وعموم للوزارات بتاريخ 6/4/1434 وجاء لجهة عملي 14/6/1434هـ الامر ترى جديد ولو اني اللحين في بيتي تاكد من رقمه بس والله انا مسافر اتمشى من رفعت الضغط وعموم هذي حياة العسكري مسير وليس مخير

كم خدمتك اخوي محمد كيف جتك الحقوق انت بالبريه

انا خدمتي 12 سنه ورتبتي رقيب وانا بالجيش

ليه ماتقدموا على الديوان المظالم هو اعلى سلطة في الدولة يمكن يستثنيكم من القرار بسبب ان الموافقة الابتعاث صادره قبل القرار المنع الاجازة

الاخ اللي مرسل الفيديو تتريق على العسكريين عموم ترى في طالبات كثير بينحرمون من البعثه عشان اهاليهم عسكر يعني مافي شي يضحك غير كذا العسكري لعلمك ختى اذا اخذ اجازه يومين بس وقالوا له ارجع واقطع اجازتك يجي كيف اجازه بالسنين وبعدين ديوان المظالم وش دخله هذا اذا تفهم ماتقضيه الحاجه ويقتضيه الوضع الراهن يعني وين الظلم ومعروف وش وظيفة العسكري الاساسيه يعني النظام العسكري يختلف عن المدني اختلاف كلي نظام وممكن ولعلمك قبل 2 سنتين او اكثر شوي ماكان فيه اجازات للعسكريين .

الاخ ابو مهاب القحطاني انا لم اتريق على العسكر العسكري هو ابى و اخوانى وابناء عمومتى و ماعاذ الله ان اسخر من والدى واخوانى واهلى

وانا اعتذر اذا انت فهمت الاهداء باانه سخريه بالعسكر هو تعبير واضح منى بغضبى من هذا القرار

اذا تريد ان احذف هذا المقطع مستعد

انا اول متعاطقين معكم

وشكرا

اعتذارك مقبول بس انت لو تدري او تعيش صدمة القرار هذا على ناس كانت لهم امال وطموحات انا متاكد واجزم فيه من المقبولات على البرنامج من بتنكسل بعثتها عشان المحرم ومو كل اخ او زوج او اب بيترك وظيفته عشان البعثه يعني الوضع مايحتمل اي تعليق او شي اخر وعشان كذا عتبت عليك عتب محب واعتذارك يدل على انسانيتك وشكرا لك

انا بقول تجربتي انا خلصت اموري انا وزوجتي ومابقي الا الجازه الاستثنائيه علما باني رفعتها لجهة عملي وعملوا لي طلب اجازه استنائيه لغرض مرافقة زوجته المبتعثه بدون راتب وحجزت وقصيت التذاكر مابقي الا الاجازة عشان تدرون في المطار يدق الجهاز يلاقيك عسكري يطلبك الاجازه واذا مافيه يقولك امافيه المهم تأخرت ماجات رحت اسئل عنها قالوا ماوصلت من الوزارة سافرت للرياض عشان اشوف وضعها لقيت رد الرفض المهم بغيت ابكي من القهر وفكرت يمين يسار مستحيل الا بحل واحد الفصل النظامي وتعديل المهنه بس هذا القرار كان بعد دراسة وافيه واستخاره ومشوره لان بصراحه معي بكالوريس بتقدير جيد جدا وقبلت للدراسه وطلعت فيزة طالب وزوجتي نفس الوضع مقبوله بالجامعه وعشان كذا قررانا قرار الفصل مع العلم خدمتي 12 سنه ورتبتي رقيب اول وراتبي فوق العشره بس بالنسبه لي ماتساوي قيمة ان ارجع بشهادة الماستر انا وزوجتي ان شاء الله لكن اللي يبيها فله وكلام فاضي ومو رايح للعلم والدراسه انصحه يجلس على وضعه وعشان كذا اللي نفس وضعي يقدم فصل نظامي ويعدل مهنته ويروح ويعرف ان وراه هدف ويكون قده واللي غير كذا صدقيني يخسر كل شي وسلامتكم .

ضيقتوا صدري وربي انا زوجي ولله الحمد استخار من اول وقرر يفصل واشوى انه ماقطم عالاجازه والا كان انصدمنا

والحين صاحبتي زوجها مقدم ورافضين وقالوا له نفس الكلام جاء قرار بالغاء الاجازات

الله يعينها ويعينكم ياررررب

لاحول ولا قوة إلا بالله