حسبي الله حسبي الله حسبي الله وكفى الله يورينا فيهم حطمونا:mad:
عرض للطباعة
حسبي الله حسبي الله حسبي الله وكفى الله يورينا فيهم حطمونا:mad:
ياناس علمناكم معاد فيه سماح للعسكريين بالوقت الحالي مابقولكم احد قال لي انا رفضوا اجازتي حسب امر جديد ماله شهر يعيني مامعك الا تاخذ اجازة خارجية وتسحب بس ترى الوزارة ماتعطيك مكافأة مرافق الا اذا جبت لهم شي يثبت فصلك او السماح لك اجازه يعني او ماانت موظف واذا فصلت غياب يبقى اسمك بالجهاز عسكري يعني تتعطل في المطارات لين تعدل مهنتك من الاخر اللي يهمه موضوع الابتعاث عشان يدرس ويتعلم يقدم فصل نظامي واللي بس يبي يسافر ويفلها يقعد احسن له وانا رديت عشان متأكد وعشان اقول للاخوان اللي يبون يرافقون يخلصون امورهم من بدري وسلامتكم
اخوي انت بترافق زوجتك او اختك ؟
هل مبين بالقرار سبب المنع
الكلام والله صحيح زوجي اقدم ع الاجازه ورفضوا بحجة جاءهم تعميم برفض الاجازات الاستثانيه المفروض الحين مسافرين بس الشكوى لله
حبيبي مايكتبون لك سبب عدم المنع بس اتوقع والى حد ما ارشح تكون بسبب اوضاع المنطقه سوريا وترى الحاله لازالت عند حميع القطاعات العسكريه رقم 3 وبالنسبه لي كان سفري المفروض 8 مارس قبل 3 ايام جيت لهم يوم شفت التأخير طول وشفت الرد بنفسي وبأمانه والله من بعد ماخلصت قراءة الرد اتخذت قرار الفصل على طول بس فصل نظامي لان فيزتي طالب وعندي خطط مستقبليه ورزقي على الله وترى خدمتي ورتبتي كويسه بس فرصة التعليم في امريكا تستاهل المغامره والمجازفه وسلامتك
اسال الله العظيم ان يكتب لي ولك الخيره
بس اخوي الكلام اختلف الان
هل هو تعميم بسبب الحاله الامنيه ؟ ام هو امر سامي او مرسوم ملكي ؟
اذا كان بسبب الحاله الامنيه فعادي المساله وقتيه بحول الله
اما اذا تعميم او امر او مرسوم فهذا يختلف
الله يكتب مافيه الخير
يعني حتى لو مرافقي رفع طلب بالإجازة تتأخر وفوق التأخير مافي أمل؟
مع انه سأل إدارته قالوا ماوصلنا اي خبر بهالكلام !!!!
اولا الله يسمع لك ثانياً انا قلت لك اتوقع بسبب الحاله الامنيه في الوضع الراهن توقعي الشخصي ويمكن فيها نوع من اللقافه من الضباط الكبار حسد يعني
و حسب اللي مكتوب في ردهم على معاملتي لايمكن بحسب الامر السامي رقم وناريخ طبعا في شهر 3 اللي راح وتوزع شهر 4 لجميع القطاعات مسلحه وامن عام
وخذها مني اذا بتنظرهم بتتعب وصدقني ماحولك رد لأن المرسوم السامي توه قبل شهر
المهم اذا عندك طموح ولك بدراسه وواثق من نفسك وواثق من اللي بترافقها وعندك بكالوريس او ثانوية رح والله ماتندم اذا النيه علم وشهاده بترفعك ماتنزلك
واذا هيك ولا هيك وتبيها فله فلا اقعد وريح وارتاح اهم شي قرر بعد ماتحسبها كويس والمفروض حاط احتمال مايعطونك اجازه براسك من زمان عشان ماتاخذ وقت بتفكير وسلامتك
سبحان الله وش اسوي عشان تقتنعون والله ياناس مافيه امل منعوا الاجازات فكروا في حل غير الاجازه اذا مرافقك له في الدراسه والعلم ويبي شهاده تعتبر لكثير من الناس حلم تجيب شهاده من امريكا
بعدين اصلا حتى لو فرضنا اعطوه اجازه الاجازه هذي تجمده في عمله لا راتب لا خدمه لا اي شي يعني ماادري مثلا هو كان نيته يروح يقعد 3 او 4 سنوات كذا والا خايف انه ماينجح عموما اذا موضوع الابتعاث
بيتعلق عشان الوظيفه فمعناه ان مافيه طموح ولا هدف للمرافق بس يبي يروح يلعب وفي الاخير يرجع بعد مدة الابتعاث بدون اي فايده واذا المساله خوف فالله الرزاق والدراسه عمل بالاسباب والنجاح بيد الله اعقلها وتوكل وسلامتك
لا حول ولا قوة إلا بالله بحكم أنني من منسوبي الداخلية فقد استفسرت من احد الأصدقاء بالشؤون العسكرية بالوزارة وأفاد أنها لم توقف ولكن فيه اعتراض من مؤسسة التقاعد على بعض البنود والله اعلم