أسأل مبتعث قديم ^^

طلبوا مني شهادة الميلاد مترجمه عشان الفيزا و طبعا الفيزا الملحقيه ترسلها ع الإيميل
انا فقدت شهادة الميلاد و عندي صورة فأرفقت مع نموذج طلب استخراج الفيزا صورةمن شهادة الميلاد بدون ترجمه
و طلبت بدل فاقد و الى الان مااخذتها اخر الاسبوع هذا استلمها و أترجمها
سؤالي : هل عدم ارسال شهادة الميلاد مترجمه يؤخر اصدار الفيزة مع العلم اني ارسلت النموذج قبل ثلاثة اسابيع ؟؟!!

معليش بس ما فهمت ذحين إنتي بتراسلي السفارة ولا بتراسلي الملحقية ؟
أو إن الملحقية بتراسل السفارة بالنيابة عنك ؟

وأرسلتي أي نموذج بالضبط ؟

^^
الله يسعدك شكرا لتجاوبك
الملحقيه بسنغافورة ارسلوا على الايميل نموذج اكتب فيه بياناتي الشخصيه و الأكاديميه و بيانات العائله
و قالوا ارسلي لنا صورة شخصيه و شهادة الميلاد مترجمه ,, لما تأخرت في ارسال النموذج اتصلوا علي قالوا ارسليها بالعربي و اذا ترجمتيها ارسليها
و قالوا ان الفيزا حتكون على هيئه خطاب يرسلوه لي على الإيميل وتاخذ فترة من 4 اسابيع ل 6 اسابيع
انا الى الان ماارسلتها مترجمه لان بدل فاقد لسه يماطلوا فينا الشؤون الصحيه من اسبوعين
ودراستي في 27 -6
اخاف يتأخروا بالفيزا و وقت الدراسه يروح عليا !!

آها أوكي فيزا سينغافورة والله للاسف ما عندي خبرة في الفيز السنغافورية لكن إن شاء الله ما يتأخروا في الفيزا وتوصل في أقرب وقت.
على العموم أول ما توصل الشهادة المترجمة أرسليها لهم عشان تكوني في السليم.

وبالتوفيق يا رب

رجعت للملحقيه خفت اجيب قبولي ويقولو المعهد متكدس
ف احترت اكمل ع نفس معهدي والا اغير لمعهد ثاني

والله ما أعرف بالضبطت لكن شوفي المعهد وشوفي نسبة الطلاب فيه ونسبة السعوديين فيه إذا كثيرة مقارنة بعدد الطلاب الافضل تشوفي غيره.
لكن إذا المعهد قوي ويجيب قبول للجامعة والجامعة قوية تقدري تقنعي الملحقية بهذا الشيء وراح يساعدوكي إن شاء الله.

جزاك الله خير
احتاج مساعده ف تقديم المعهد اذا ممكن

الله يجزاك كل خير ..

انا اول ماجيت امريكا حولت بعد شهر لمعهد اخر بسبب سوء الاول واثبت هالموضوع للمشرف

والان ابي انقل من معهدي الحالي لآخر ورفضو لانه قوي بس انا خلاص ماصرت استفيد منه لاني وصلت لمرحله متقدمه والجرامر صار اعاده فابي انقل لمعهد يركز على الاسبيكنج واللسننق

هل يحق لي وكيف اقنع المشرفه؟*

- - - مشاركة محدثة - - -

الله يجزاك كل خير ..

انا اول ماجيت امريكا حولت بعد شهر لمعهد اخر بسبب سوء الاول واثبت هالموضوع للمشرف

والان ابي انقل من معهدي الحالي لآخر ورفضو لانه قوي بس انا خلاص ماصرت استفيد منه لاني وصلت لمرحله متقدمه والجرامر صار اعاده فابي انقل لمعهد يركز على الاسبيكنج واللسننق

هل يحق لي وكيف اقنع المشرفه؟*

أكيد ممكن، إش المشكلة بالضبط ؟
وصلك ضمان مالي ؟
أي مدينة تبغي تروحي وأي ولاية ؟
راسلتي أحد الى الان ؟

رفضوا لانه قوي، قصدك على المعهد الي إنتي فيه أو المعهد الي تبغي تنقلي له ؟
ومدام انتي بس عندك المشكلة في السبيكنق واللسننق من الي انا شفته الاسبيكنق مافي معهد يقدر يزبطه لكي لازم تختلطي بالشعب تختلطي بالامريكان أكثر، ممكن تلاقي في معهد يسوو نشاطات وكذه لكن أبدا ما راح تستفيدي زي لمن تستفيدي من لمن تختلطي بالشعب، أنا شخصيا الاسبيكنق ما بدآ يسير كويس وبطلاقة الا لمن دخلت الجامعة عشان أختلط في الشعب أكثر من المعهد.
واللسننق راح تستفيدي من المعهد لكن أرجع واقول لازم من الاختلاط وتتفرجي أفلام وكذه، لان المعهد كل الي يدرسك حيكون شيء علمي شيء تسمعيه في المعهد او في الجامعة بس لو أختلطتي راح تكتشفي مصطلحات كثير مستخدمة لكن ما عمرها مرت عليكي في المعهد لكن تسمعيها لمن تختلطي .

اذا ما باقيلك كثير على اللغة الافضل لكي انك تجلسي في نفس معهدك وما تتعبي نفس في التنقلات، لكن اذا باقيلك كثير يعني ٦ شهور وأكثر تقدري تدقي على المشرفة وتقنعيها بهذا الشيء انو كل شيء معاد ومعد في فايدة تستفيديها من المعهد وكل شىء بينقال معاد وانك تحتاجي اشياء أكاديمية أكثر.
أنا متوقع إنها ما راح توافق لان أعتقد انك وقعتي على ورقة لمن حولتي من معهدك القديم، على العموم آخر الحلول عندك إذا ما وافقت المشرفة دقي على وحدة إسمها حصة الفايز وأقنعيها بنفس الكلام هيا طيبة وراح تتفهم وضعك إن شاء الله.

وبالتوفيق يا رب