وصلت امريكا واسأل عن الفترة اللي يتغير فيها وضعي في اللغه

السلام عليكم ورحمة الله وبركانه

انا طالب جديد ادرس لغه بس نفسيا تعبان احس الامور صعبه شوي

مع العلم اني حافظ كلمات واقدر امشي اموري بس المشكلة اني مو ساكن مع عائلة

ساكن في روميتات مع اجنبي بس ما يطلع كثير جالس في غرفته وانا ودي اتكلم بسرعه

ونواجهني صعوبة في ان كلامهم سريع فممكن احد يشرح لنا بدايته

ولكم ودي ....

لاتفكر تجي لسعوديه الا ومعك شهاده أصبر

وأسمع مقاطع صوتيات كثير

أطلع لاأسواق وحاول تختلط مع الناس



نصيحه عدم تضخيم الاشياء السلبيه

السلام عليكم
هاذي الفتره الاولى بس راح تحس كل شيء صعب بس حاول تسيطر على الوضع وتاخذ الامور بسهاله ولا تعقدها يعني راح تبدا تتطور وتحس بالتاقلم تقريبا بعد اول اربعه شهور . وقبل كل شيء قوي ايمانك بالله واستعين فيه. ثاني شيء لا تعتزل ابدا وحاول تجتمع وتختلط مع الشعب الامريكي خصوصا ابدا بالمعهد يعني الاساتذه واللي يشتغلون في ادرارة المعهد وحاول تتحاور معاهم كل يوم وايضا لا تنسى الزملاء. ثالث شيء حاول تسمع كل الوقت محادثات- افلام - راديو- تلفزيون لما تتقبل اللغه ويتبرمج عليها عقلك . واللي تمر فيه هذا شيء طبيعي مريت انا فيه واخواننا المبتعثين مروا فيه بس يبي له وقت وصبر على بال ما تتعود وتنظم حياتك على الوضع الجديد وبالتوفيق

الله يجزاكم خير

بأصبر ان شاء الله

لو تبي نصيحتي لك

حاول تروح المخبز أو البقالة أو تروح الحديقة قدام الروميت أو تروح الحديقة قدام الكلية و أقعد سولف مع أي شخص أمريكي تحسه حق سواليف

أو ممكن يبغى يتعرف على أحد

و حاول قد ما تقدر إنك تنسى السعودية مو نكران للسعودية

لا بس عشان ما تيأس و يقولك عقلك الباطني لا سمح الله أرجع بلدك و ريح راسك