احترت ابغى ارائكم

السلام عليكم ورحمه الله

اخواني اخواتي انامرشحه للابتعاث للمرحله الثامنه طبعا للحين ماسافرت

معاي قبول معهد على فصل الصيف لكن المشكله انا مو ضامنه مرافقي يروح وكل يوم له كلمه وبصراحه يمكن اصدر قرار الابتعاث وامشي بالموضوع وبعدين يرفض لانه ماخذ الموضوع بكل استهتار للآسف!

المهم انا اليوم انعرضت علي وظيفه بقطاع خاص وراتب 4000 ريال طبعاً الراتب قليل بس اعتبرها فرصه لأنها اول عرض يجيني من سنتين بعد تخرجي

حالياً محتاره ماني عارفه ايش اسوي البعثه حلم وفرصه لي لكن مو ضامنه مرافقي ابداً ابداً :(والوظيفه بعد فرصه بدل قعده البيت

شورو علي وش تسون لو كنتم مكاني ://

انا انصحك تقنعي مرافقك وتسافري وتكملي دراستك

السلام عليكم ، إقنعيه إقنعيه والله الإبتعاث فرصه ما تتفوت ..

موفقين ياا رب

انا اشوف فرصه الدراسه افضل من فرصه العمل لان لو عملتي ماراح تضلي بنفس العمل على طول لابد يتغير الواحد يطمح للآفضل وغالبا الافضل يكون بالشهاده.
والواحد لابد يتوكل على الله في كل اموره {وَمَنْ يَتَوَكَّلْ عَلَى اللَّهِ فَهُوَ حَسْبُهُ}

وبالتوفيق لي وللجميع

جزاكم الله خير

هو اكيد الدراسه افضل من هالوظيفه بس الموضوع موبيدي
وشرايكم لو اقبل الوظيفه لما اشوف اخرتها تتوقعون فيه مشاكل تترتب عليها

اقبلي هاللحين بالوظيفه وجمعي كم.قرش وطوري نفسك وبنفس الوقت كملي امورك وتوكلي ع الله والله ييسرلك الخير

السلام عليكم و رحمة الله و بركاته

كيف اختي؟ان شاءالله امورك تمام

الدراسة و الوظيفة كلها اشياء مهمة بس انت شوفي الاولويه بالنسبة لك اي و هل المرافق ممكن يقتنع او لا

وانا معاكي ان ممكن تطلعي كل شي و في الاخير يخذلك فأنصحك حاولي تقنعي بكل الطرق الممكن و تبيني له ان هذا شي مهم بالنسبة لك و حتى هو ممكن يستفيد و بالعكس تجربة جديدة و مو خسران لو راح و جرب حظه و عليك بالدعاااااء لله في ساعات الاجابة و الاستغفار طوال الوقت ... لان ربي عالم بحالنا و بالخير لنا و قادر يغير كل شي

و طبعا الاستخارة و اكثرمن مررره ... ان الله ييسر و يسخر لك الخير و يكتب لك اياه

يمكن الوظيفة تكون خير لك و تقدر تحقق من خلالها اشياء تتمنايها و يمكن يتيسر لك محرم ثاني يعينك و يفرجها عليك


الله يوفقك و يسهل دربك و يكتب لك و لنا الخير


اللهم لا سهل الا ما جعلته سهل و ان تجعل الحزن ان شئت سهل