استفسار عن البعثات الخارجية والتقديم في الجامعة فنفس الوقت

السلام عليكم ورحمة الله وبركاته

زي ما انتا شايف ياللي بتقرأ انا عضو جديد
عندي استفسار مرا صغير وفنفس الوقت مرا مهم ليا ويارب الاقي احد يساعدني


الموضوع انو انا طالبة سعودية تالت تنوي علمي
افكر جديا في انو ابتعث للخارج "امريكا تحديدا" واكمل دراسة الجامعة فيها واتخصص طب بشري
شفت الشروط ولحد داحين كلها تمام عدا انو التحصيلي ما اختبرتو لسا
وزي ماهوا معروف البعثات تقديمها شهر 9 بينما تقديم الجامعات شهر 8


كنت افكر اقدم ع جامعة عبد العزيز واقدم ع البعثة فنفس الوقت عشان ما اضيع وقتي وانا استنى واكون ضمنت واحد ع الأقل "اللي هوا الجامعة"
ولو انقبلت في البعثة اسحب ع الجامعة واسافر

بس سمعت انو ممكن ما انقبل في البعثة لو كنت تابعة للجامعة ولازم اكون مخلية طرف
وكمانا افتولي انو لازم ادرس تحضيري هينا اول بعدين يبتعثوني


فياليت احد يقدر يأكدلي ازا عادي اقدم في الاتنين او ممكن اترفض بسبب دا الشي
ولو لازم أخلي طرف , المفروض اكون مخلية قبل بكم ؟
وازا كان لازم ادرس تحضيري او لا

كمانا اخر سؤال

يبتعثو طب بشري بكالوريس على طول ولا لازم ادرس كم سنة هينا بعدين يبتعثو ؟؟


وبس كيدا خلصت
مرا شكرا لانك اعطيتني من وقتك وقرأت
وحكون شاكرة اكتر لو قدرت تساعدني

بالتوفيق للجميع

تقدري تقدمي على الاثنين واذا انقبلتي مبدئي اسحبي شهادتك حتى تأخذينها للتدقيق معك

- - - مشاركة محدثة - - -

تقدري تقدمي على الاثنين واذا انقبلتي مبدئي اسحبي شهادتك حتى تأخذينها للتدقيق معك

اقتباس:

---

المشاركة الأصلية كتبت بواسطة هل ياترى

تقدري تقدمي على الاثنين واذا انقبلتي مبدئي اسحبي شهادتك حتى تأخذينها للتدقيق معك

- - - مشاركة محدثة - - -

تقدري تقدمي على الاثنين واذا انقبلتي مبدئي اسحبي شهادتك حتى تأخذينها للتدقيق معك

---

مرا شكرا ع المساعدة

بس المشكلة لو اخدت شهادتي اكيد حيطلبو اخلاء طرف وانا مو عارفة اخلاء الطرف يكون قبل كم ؟؟

اخلاء الطرف تقدري تأخذيه خلال يوم واحد وتتأكدي من جامعتك
وفيه فترة مابين القبول المبدئي و التدقيق ، قرابة الشهر تقدري تسحبي شهادتك