حلمي الابتعاث الله يحقق احلام اللي يفيدني!!!
السلام عليكم ورحمة الله وبركاته,
انا متخرج عام 1432 من الثانوية ودخلت التحضيرية تبع جامعة الملك سعود ودرست تخصص علمي ولكني كنت اكرهه ورفضوا يحولوني بعد الفصل الاول فأضطريت اني احول بعد الفصل الثاني, وحولوني الى انساني وهذه كانت رغبتي, ودرست صيفي وخلصت كل شيء بس كان باقي لي مواد فدرستها في الفصل الاول من هذه السنة والان انا الى الان في التحضيرية ادرس رياضيات وناشبة لي في حلقي وانا والله ابغى ابتعث واحس اني متأخر مرة ومالي فرصة ابد والله يا اني احلم بالابتعاث فيا ليت احد يفيدني
انا نسبتي في الثانوي تخصص علمي 85% والقدرات 67 والتحصيلي 70
هل في امكانية ابتعث في المرحلة الجاية؟ ومتى المرحلة الجاية؟ اذا نسبتي ما تأهل, هل يمكن اني ابتعث والتحق؟ وكيف طريقة الالتحاق؟ انا لغتي الانجليزية ولله الحمد ممتازة جدا. وبالنسبة للتخصصات في الابتعاث, هل فقط الانسانية متاحة لي؟ ولا الانسانية والعلمية؟ ابغى شرح مفصل الله يعطيكم العافية
بالله افيدوني ابغى ابتعث والله حلمي منذ الصغر!!
رد: حلمي الابتعاث الله يحقق احلام اللي يفيدني!!!
اولا : المتميز متميز في كل الأحوال ولاينتظر لتغير الأحوال عشان يثبت نفسهـ
ثانيا : لايوجد شيء اسمه شماعة لنعلق عليها عيوبنا ولكن يوجد عيب ويوجد له علاج
ثالثا :نسبتك ماتنفع في الإبتعاث لأنه نسبة الثانوي لازم 90 والتحصيلي والقدرات 80 فمالكـ نصيب في هالشي
رابعا: امامك طريقة انك تسافر تدرس ع حسابك وبعدها تسوي الحاق
خامسا : فيه بعض مؤسسات وشركات تسوي ابتعاث ممكن تقدم عليها
اخيرا : اذا كنت تبي تسافر بس عشان تشوف الدنيا او تبي شهادة بس من برا او تبي تسوي مثل بعض الشباب انه مبتعث ومادري ايش فنصيحتي لكـ ادرس في بلدكـ احسن لك وان فشلت في بلدك افضل من ان تفشل برا بلدك لأنه برا بلدك راح يدوسوك بالجزم لو مانجحت ............
وسامحني قاسي عليكـ في الرد بس مقهور من كلامكـ
اسف
" اصنع نجاحكـ بيدكـ "
وربي يوفقكـ
" تقدر تشوف الشروط بهالرابط : ط´ط±ظˆط· ط§ظ„ط§ط¨طھط¹ط§ط«
رد: حلمي الابتعاث الله يحقق احلام اللي يفيدني!!!
أخوي ..
اولا.." الخيره دائما فيما اختاره الله " .. ما تدري وين الخيره هنا والا برى..
ثانيا...القمه تتسع للكثير .. لذلك اجتهد وستنجح بإذن الله .. حاول تشوف اش اللي يمنعك من فهم الرياضيات و ستجدها ممتعه صدقني ""حب ما تعمل حتى تعمل ما تحب "" ..
ثالثا....انت تدرس في جامعه ممتازه كثير غيرك يتمناها .. شد حيلك و خذ البكالوريوس و اطلع بعثه للماجستير .. بما انك تحس انك متأخر .. السفر راح يأخرك أكثر ترى !!
رابعا .. الشروط مش منطبقه عليك للابتعاث .. الا اذا بتسافر ع حسابك .. اختبر الايلتس بما انك تقول ان لغتك ممتازه وجيب قبول جامعي نهائي ..
هذا الشيء راح يسرع إجراءات انضمامك للبرنامج ..او قبول مشروط وتدرس لغه وهذا راح ياخذ من 4-6 اشهر
ختاما .. امنياتي لك بكامل التوفيق ..
رد: حلمي الابتعاث الله يحقق احلام اللي يفيدني!!!
الاخوان الي فوق ماقصروا
بس بعلق على هرجة انو بتحس انك متاخر.. ترى اغلبنا ولا احب اعمم بيتاخر في دراستهم.. اعرف ناس تخرجو من البكالوريوس واعمارهم 30...
فلا تخلي دا الشي يحبطك.. عادي انشالله تدرس وتتخرج وتشوف حياتك
بالتوفيق
رد: حلمي الابتعاث الله يحقق احلام اللي يفيدني!!!
هل تستطيع ان تحصل علي 5 درجات في اختبار الايلتس
بعض الملحقيات تقبل 4 مثل نيوزلندا وبعض الملحقيات تقبل 5 علي حسب الدولة
ولكن لم تسأل نفسك سؤال ؟
تأخير السنتين فيها سؤال وجواب ولن تمر مرور الكرام (ماذا كنت تفعل خلالها) , تسأل من الجامعات المحترمة والجيدة
وهل النسبة تقبل في الجامعات الغربية وما نسبتك في المواد العلمية
رد: حلمي الابتعاث الله يحقق احلام اللي يفيدني!!!
وعليك ان تعمل اختبار ايلتس في الملحق الثقافي البريطاني بجدة او الرياض او الخبر لتعرف قدراتك في اللغة لانه هو المقياس الحقيقي
حتي لاتوهق نفسك في الصرف خارجيا
وليس كل من رطن كلمتين اصبح متمكن في اللغة
رد: حلمي الابتعاث الله يحقق احلام اللي يفيدني!!!
وعليكم السلام ورحمة الله وبركاته
بصراحه انا شفت موضوعك قبل ما اي احد يرد عليك
وفضلك اني ما اكون اول من يقولك شيء ما يسرك
للأسف زي ما قالولك الاخوان نسبك ما تأهلك للإبتعاث للبكالوريس
لكن اذا كان حلمك انك تبتعث فبإمكان والفرصه لسه موجوده
انا اخوي كان نفسه يدرس برا وكانت كل الشروط منطبقه عليه إلا شرط واحد
وهو الشرط الي ما له اي يد فيه
وهو شرط العمر
فماكان عنده حل إلا انه يكمل هنا
والله ياطويل العمر كمل وتخرج وشوفه الحين ما شاء الله مبتعث ماستر
نصيحتي لك كمل في الجامعه في اي تخصص سهل
هنا ممكن تلقى مساعدات
واذا ما تبغا
اطلع على حسابك والأفضل انك تروح امريكا لأنه اسرع في حكاية الإلتحاق
تقول ان لغتك ممتازه
انا اشوف اذا انك متخرج من الثانوي و عندك لغه فهذا دليل انك تقدر تدرس وعلى قولت ابوي ( مخك مفتح )
وانت ادرى بمصلحتك وتعرف قدرتك على الدراسه
واستخير الله في امرك
وسامحني اذا طولت
رد: حلمي الابتعاث الله يحقق احلام اللي يفيدني!!!
بالتوفيق
بس اهم شي التخصص لانه غرابيل
رد: حلمي الابتعاث الله يحقق احلام اللي يفيدني!!!
نصيحة لك ...
دامك مشيت تقريبا ربع المدة في الجامعة
خلص جامعتك ... وجيب البكالوريس
وخلي الابتعاث للماجستير
حتى لو ماكنت ناوي تحصل على الماستر
ممكن تطلع سنة اللغة ... منها تقوي لغتك ومنها تشوف العالم الخارجي وتتعلم من السعر
وبكدا ع الاقل يكون عندك البكالوريس