وش اهم شي قبل السفر؟ وهل اسكن مع عائلة ولا بشقة ؟ احتاج خبرة مجربين ضروري

أهلين بدر, بخصوص ايش أفضل السكن مع عائله أو في شقه, أنا رديت عليك في موضوعي روح شيك عليه

بخصوص ايش تسوي,
برتب لك إياهم
أولاً احجز لك رحله
و احجز أريح رحله, و خلي و صولك قبل موعد الدراسه باسبوع
ثانياً السكن ابدأ بالبحث و المراسله
ثالثاً, خلص أغراض و شناط السفر قبل موعد السفر بفتره عشان تكون مرتاح
ابدأ بالأهم ثم المهم, و صفي بالك و ركز عشان ما تنسى شيء تندم على نسيانه
اقضي باقي أكثر وقتك مع العائله و الأصدقاء و فلها و تونس و وسع صدرك قبل السفر عشان تكون مرتاح

السفر قبل اسبوعين اشوفه افضل حتى تعرف المنطقة وتستخرج شريحة وتفتح حساب في البنك

اهم شي خلص الامور اللوجستية ههههه متعوب عليها الكلمة , يعني خلص الاجراءات مع الوزارة و مكتب الطيار و لما تاخذ التذاكر ابدأ بالبحث عن عائلة من خلال مواقع الهوم ستي بتلاقي كثير ابدأ ارسل لهم ايميلات و شوف من اللي يقدر يستضيفك , بعد كدا جهز الشنط و في مواضيع كثير تتكلم عن اهم الاشياء اللي تاخذها معك و نصيحة مني لا تاخذ ملابس كثير خذ شي معقول و هنا بتلاقي على كيفك << انا كان معايا شنطتين كبار مليانة ملابس ندمت عليهم تتورط في الشنط في المطارات ومن جد اكثر من حاجتك خاصة اذا انت عزوبي , بعد كدا توصل مدينتك قبل الدراسة مثلا ب اسبوع الى عشرة ايام بحيث يكون عندك وقت تفهم نظام المواصلات و تفتح حساب و شريحة جوال و باقي الشغلات هذه
و بعد كدا تستعد لاختبار تحديد المستوى في المعهد و تروح اول يوم تختبر وووووو خلاص الباقي سهالات ^___^
بالتوفيق عزيزي

شكراً لكم .. والله لسه هالمسألة هي اللي محيرتني بشكل رئيسي والمشكلة الموعد قرب .. مسألة السكن بشقة ولا مع عائلة .. لما افكر بالشقة ارتاح لفكرة الخصـوصية
هالشي يهمني شخصياً زي اغلبكم .. فكرة انك تسكن مع ناس ويعطونك غرفة فكرة غريبه على الكثير وانا منهم وماتدري وش وضعهم .. ..
بنفس الوقت احس لما اسكن بشقة كأني رايح سياحة مو رايح اتعلم ..
احس الواحد بينعزل عن المجتمع الامريكي بس عالأقل بيضمن ان مايطيح بعائلة غريبه ولا نفسيتهم مش ولا بد ..
الواحد مايتحمل يشوف واحد نفسه خايسة فمابالك لو سكن معهم شي يحير ..

اذا احد ساكن بشقة ومرتاح ومستفيد بهالوضع ياليت يفيدنا يعطينا خبرته بهالشي.