الأعضاء الإشتراك و التسجيل

الملتقيات
ADs

وش اهم شي قبل السفر؟ وهل اسكن مع عائلة ولا بشقة ؟ احتاج خبرة مجربين ضروري

وش اهم شي قبل السفر؟ وهل اسكن مع عائلة ولا بشقة ؟ احتاج خبرة مجربين ضروري


NOTICE

تنبيه: هذا الموضوع قديم. تم طرحه قبل 1759 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Bader M
    Bader M

    مبتعث مستجد Freshman Member

    Bader M الولايات المتحدة الأمريكية

    Bader M , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى الإدارة , بجامعة الملك سعود
    • الملك سعود
    • الإدارة
    • ذكر
    • الرياض, الرياض
    • السعودية
    • May 2012
    المزيدl

    March 31st, 2013, 11:57 AM

    السلام عليكم

    انا ان شالله بسافر بنهاية هالشهر او بداية الشهر الجاي لشيكاغو .. محتار من ناحية الترتيبات حالياً بعد مااستخرج قرار الابتعاث ..

    ودي اعرف من مجرب او مجربه افضل ترتيبات لازم اقوم فيها خلال هالفترة القصيرة نوعاً ما .. فـ بالي شغلات كثير .. من ملابس وسكن

    واغراض .. بس ماادري وش الترتيب المهم ..

    المسألة الثانية مسألة السكن .. في ناس تنصح بالسكن مع عائلة وناس بشقة ؟ .. لو قلنا بشقة .. فـ كيف افضل ترتيب لهالشي

    هل احجز بفندق واجلس الفلف على هالعماير بنفسي ولا اتوكل على الله واحجز من النت شقة جنب المعهد وخلاص ..

    والشقة كم يبغالي عشان اجهزها .. انا ماحجزت موعد طيران .. بدايتي للمعهد تبدأ بمنتصف شهر خمسة بالضبط ..

    ودي ابدأ وانا مرتب نفسي كسكن ومواصلات وكل شي .. متى انسب وقت اسافر فيه ..

    ودي بعائلة بس مدري .. احس شعور غريب ان اسكن مع ناس غريبين علي وباخذ راحتي بالشقة اكثر ..

    ودي احد يفيدنا بخبرته.
  2. أهلين بدر, بخصوص ايش أفضل السكن مع عائله أو في شقه, أنا رديت عليك في موضوعي روح شيك عليه

    بخصوص ايش تسوي,
    برتب لك إياهم
    أولاً احجز لك رحله
    و احجز أريح رحله, و خلي و صولك قبل موعد الدراسه باسبوع
    ثانياً السكن ابدأ بالبحث و المراسله
    ثالثاً, خلص أغراض و شناط السفر قبل موعد السفر بفتره عشان تكون مرتاح
    ابدأ بالأهم ثم المهم, و صفي بالك و ركز عشان ما تنسى شيء تندم على نسيانه
    اقضي باقي أكثر وقتك مع العائله و الأصدقاء و فلها و تونس و وسع صدرك قبل السفر عشان تكون مرتاح
    7 "
  3. اهم شي خلص الامور اللوجستية ههههه متعوب عليها الكلمة , يعني خلص الاجراءات مع الوزارة و مكتب الطيار و لما تاخذ التذاكر ابدأ بالبحث عن عائلة من خلال مواقع الهوم ستي بتلاقي كثير ابدأ ارسل لهم ايميلات و شوف من اللي يقدر يستضيفك , بعد كدا جهز الشنط و في مواضيع كثير تتكلم عن اهم الاشياء اللي تاخذها معك و نصيحة مني لا تاخذ ملابس كثير خذ شي معقول و هنا بتلاقي على كيفك << انا كان معايا شنطتين كبار مليانة ملابس ندمت عليهم تتورط في الشنط في المطارات ومن جد اكثر من حاجتك خاصة اذا انت عزوبي , بعد كدا توصل مدينتك قبل الدراسة مثلا ب اسبوع الى عشرة ايام بحيث يكون عندك وقت تفهم نظام المواصلات و تفتح حساب و شريحة جوال و باقي الشغلات هذه
    و بعد كدا تستعد لاختبار تحديد المستوى في المعهد و تروح اول يوم تختبر وووووو خلاص الباقي سهالات ^___^
    بالتوفيق عزيزي
    7 "
  4. شكراً لكم .. والله لسه هالمسألة هي اللي محيرتني بشكل رئيسي والمشكلة الموعد قرب .. مسألة السكن بشقة ولا مع عائلة .. لما افكر بالشقة ارتاح لفكرة الخصـوصية
    هالشي يهمني شخصياً زي اغلبكم .. فكرة انك تسكن مع ناس ويعطونك غرفة فكرة غريبه على الكثير وانا منهم وماتدري وش وضعهم .. ..

    بنفس الوقت احس لما اسكن بشقة كأني رايح سياحة مو رايح اتعلم ..
    احس الواحد بينعزل عن المجتمع الامريكي بس عالأقل بيضمن ان مايطيح بعائلة غريبه ولا نفسيتهم مش ولا بد ..
    الواحد مايتحمل يشوف واحد نفسه خايسة فمابالك لو سكن معهم
    شي يحير ..

    اذا احد ساكن بشقة ومرتاح ومستفيد بهالوضع ياليت يفيدنا يعطينا خبرته بهالشي.


    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.