ماهي الأمور التي تتكفل الوزارة بدفع تكاليفها لي قبل أول مكافأة .؟
السلام عليكم
اخواني سؤال .. المبتعث على حساب الحكومة
وش الأمور اللي تتكفل الوزارة بدفعها " قبل أول مكافأة "
هل يدفعون التذاكر ؟ السكن أول شهر ؟ مصاريف البنك ....إلخ
قرأت في موضوع مثبت إن الشخص لازم ياخذ معه 11 الف اقل شي كمصروف قبل المكافأة الأولى
بفهم ال 11 الف ليه !! يعني الوزارة ماتدفع شي قبل المكافأة الأولى ؟
رد: ماهي الأمور التي تتكفل الوزارة بدفع تكاليفها لي قبل أول مكافأة .؟
على حسب علمي .. لا توجد مكافئة ولازم تأخذ مبلغ صرف معك إلى أن تنزلك مكافئتك ..
وأيضاَ على حسب علمي إن السعودية هي الدولة الوحيدة من الخليج
اللي طلابها يروحون للإبتعاث بدون أي دعم مبدئي قبل نزول المكافئة .
عالعموم الله يوفقك وجميع المبتعثين ..
رد: ماهي الأمور التي تتكفل الوزارة بدفع تكاليفها لي قبل أول مكافأة .؟
يعطيك العافية أخوي ..
وياليت بقية الاخوان يشاركون في تحديد التكلفة المتوقعة للشخص قبل اول مكافأة
ووش اهم الأشياء اللي بيتكفل فيها هو من جيبه الخاص ؟
رد: ماهي الأمور التي تتكفل الوزارة بدفع تكاليفها لي قبل أول مكافأة .؟
المبلغ يفرق اذا كنت عزوبي او معاك عائله
ثانيا المبلغ يفرق من مدينه لمدينه
ثالثا حتى لو نزلت لك المكافأه قبل ماتدرس اول ماتوصل عندك مشكله التأمين
تأمين سكن - تأمين كهرباء و غيره
التأثيث ايضا ياخذ مبلغ و قدره ( مطارح النوم غاليه جدا انا حصلت محل مسوي تخفضيات 50 في الميه و عندهم خصم خاص لطلاب الجامعه و اشتريتها بـ 220 قيمتها الاصليه تقريبا 680 )
في شيء مهم اذا جيت و عندك سكن جاهز هذا حلو او على الاقل حاجز فندق لمدة يومين ثلاثه
المهم انك تأمن على الاقل مواعيد مع اصحاب سكن لاتجي كذا على عماها لأن الفندق بياخذ منك مبلغ و قدره
سكنت يومين في اعفن موتيل حتى مو فندق اخذ على اليومين 90 دولار
الموتيل اللي اخذته اعتقد حتى لو انه معي عائله ما اقدر اسكنهم فيه
عالعموم انا جيت و معي الفين دولار تقريبا و الحمدلله مكفيتني
لكن معي روميت فمتقاسمين التأمينات
دفعت تأمين للسكن 700 دولار و تأمين الكهرباء و الماء 320 دولار بالاضافه لـ 50 دولار تأمين غساله و نشافه
مبلغ الايجار بياخذ منك مبلغ في العاده فوق 500 دولار
فدبر نفسك انا اشوف من الفين الا اربعه الاف دولار كويسه مع الفروقات و التعوضيات بيكون عندك مبلغ طيب
وانت و يدك انا عن نفسسي يدي مفروطه شوي و احب اقضي من النت و انبسطت هنا على حكايه النت وجالس ادلع
لكن الواحد يحسبها و دايما حط مبلغ احتياط
طريقتي في المبلغ الاحتياطي اقسم ميزانيتي على ثلاث اجزاء جزئين اعتمده مصروف لي و الجزء الثالث للطواريء
والله يوفق الجميع ان شاء الله و يرزقنا و اياكم
رد: ماهي الأمور التي تتكفل الوزارة بدفع تكاليفها لي قبل أول مكافأة .؟
الله يوفقك اخوي احمد
انا عزوبي .. سؤالي الاخير هل الوزارة تبدا حساب الشهر الأول من بداية الدراسة ؟ أو من بداية سفري ؟
- - - مشاركة محدثة - - -
الله يوفقك اخوي احمد
انا عزوبي .. سؤالي الاخير هل الوزارة تبدا حساب الشهر الأول من بداية الدراسة ؟ أو من بداية سفري ؟
رد: ماهي الأمور التي تتكفل الوزارة بدفع تكاليفها لي قبل أول مكافأة .؟
وبعدين وش قصة التأمينات هذي اول مرة اسمع فيها
هل هي شهرية او سنوية
وهل سكني مع عائلة يعفيني من دفع التأمينات ؟ أو تكون من ضمن مبلغ الإيجار ؟
رد: ماهي الأمور التي تتكفل الوزارة بدفع تكاليفها لي قبل أول مكافأة .؟
ياخي من وين جبت الاسم ذا " ابو المكارم الغرناطي " توني انتبه له :confused:
تاريخ الصرف من اول يوم تدخل فيه امريكا
الامور اللي تحتاج تأمن عليها في العاده هي مره وحده تصير وتختلف من مكان لمكان وسكن لسكن
سكنك مع عائله نعم بيوفر عليك مسأله التأمينات في الغالب
والله يوفق الجميع
رد: ماهي الأمور التي تتكفل الوزارة بدفع تكاليفها لي قبل أول مكافأة .؟
الله يوفقك يا أحمد فعلا افدتني ..
يعني اللي فهمته لو اروح امريكا قبل الدراسة بشهر بالضبط بيعطوني اول مكافأة ببداية الدراسة ؟
بالنسبة للاسم يفداك كانه عاجبك :)
رد: ماهي الأمور التي تتكفل الوزارة بدفع تكاليفها لي قبل أول مكافأة .؟
المكافأه تنحسب من اول يوم دخولك للدوله الابتعاث
وهيا تصرف غالبا يوم 20 بالهجري سواء بدأت دراسه او لا
يعني لو وصلت لدوله الابتعاث من بدايه الشهر راح تنزلك مكافأتك كامله
لكن انا وصلت بنص الشهر
ولما جا يوم 20 نزلت نص المكافأه لي
وبعدين عادي صارت تنزل كل شهر كامله
اما بالنسبه للتكلفه يعني اذا انت تبغا تسكن لوحدك وبتجهز الشقه طبعا بتكفيك 20 الف
الكهربا والاثاث وخط للجوال هذي لازم تتدفع في البدايه رسوم يعني تقريبا علا كل وحده منهم 150 دولار وبعدين عادي راح تنزل فاتوره شهري اقل من هذا السعر
رد: ماهي الأمور التي تتكفل الوزارة بدفع تكاليفها لي قبل أول مكافأة .؟
اخوي انصحك تاخذ مبلغ يكفيك وزياده لمدة شهر
لانك مثل ماتفضلوا الشباب واجابوك
والملحقيه من اول تفتح ملفك اطلب صرف فروقات عشان ينزلك المبالغ اللي تستحقها وبعدها يصبر ينزلك راتب بتاريخ 18 الى 20 هجري
وبالتوفيق
بخصوص االمبلغ ما اقدر احدد لك لانه الغلاء يختلف من ولايه لاخرى وكذلك على حسب السكن اللي بتسكن فيه
يعني الشقه لحالك بتكلفك كثير اول ماتسكن من اثاث وغيره والاثاث تراه غالبا يكون مطرحه وبطانيه واغراض طبخ والا الغساله والغاز والثلاجه اغلبها فيه
وبالتوفيق