أبوي عمره 66 سنة مرافقي في البعثة بإذن الله بس عندي مشكلة كبيرة

السلام عليكم ورحمة الله
الموضوع انو ابوي هو الوحيد اللي يقدر يرافقني لأن اخواني كلهم موظفين ومتزوجين ,, المهم أنا شايله هم أبوي ؟ أكيييييييييييييييييييد رااح يطفشش ويشتااق للديرة ولأصحابة الشياب اللي
يجلس معهم بعد الصلاة عند المسجد وراح يتعب كثير في بلد الابتعاث وهذا راح يأثر علي أنا كمان .. وش اسوووي مع ابوي ؟ وكيف اتصرف معه اذا طفش هناك وقال ابرجع
انصحووووني اخووواني واخوواااتي تكفون:(

اختي
والله بيتعب هناك

وعمره كبير والله على الغربة

هذا من غير مرمطة المطارات وطول السفرة والتنقل لين الاستقرار هناك

والله اني ارى انه من العقوق انك تجبرينه على السفرة

شوفي احد غيره او الغي فكرة البعثة لين الله يسر لك مرافق

اختي شوفي المدينة اللي انتي رايحه لها اذا تعرفين احد مع ابوها او شي ,, انا صار لي حول 20 يوم من وصلت لسياتل و بصراحه اغلب البنات معاهم ابوهم و الاغلب متقاعد يعني اعمارهم اكيد فوق 55 و ماشاء الله تبارك الله يتجمعون مع بعض و مبسوطين ,, و غير كذا ترا في عرب كثير و في مساجد بكل مكان , اذا ابوك يحب يتعرف و يطلع و يشوف الناس و صحته ان شاء الله كويسه لا تشيلين هم ترا راح ينبسط

وعليكم السلام

قريت الموضوع ثلاث مرات ادرو كلمه انها مجبره ابوها !!!
//


المهم انا اشوووف ان مهما عملتي راح يطفش وانتي كمان راح تطفشي ^_^

واغلب اللي يجو هنا ويغتربو تمر فيهم فتره يطفشو من الغربه وهالشيء طبيعي

انا اشووف انها فترةمعينه وبعدها راح يتأقلم على الغربه


بالتوفيق والله يحفظ لك الوالد
(اهم شيء ان تعب ابوك يكون حافز لك بالدراسه )

زي ماقال اخوي محمد .. الموضوع موب يوم او اسبوع او شهر .. انا صارلي شهر ونص وطفشت وربي وهذاني ادرس وعندي ربعي ومعاي اهلي ومتوفر كل شي عندي.. الانسب لك ان ابوك يجي بالبدايه ويامن لك السكن ويرجع بعد فتره وانتي تسكنين عند عائله او روميت بنت سواء سعوديه او غيرها.. او يجي معاك احد من اخوانك او خواتك ويكون حاب يدرس.. او جيبي ابوك وامك ^_^ علشان يونسون بعض.. مع انهم مستحيل يكونون مرتاحين للابد.

روحي مدينه مليئة بالعرب مثل نينيورك عشان فيه عرب ومسلمين كثير. مع اني متاكد انه راح يطفس من اول يوم يوصل لين اخر يوم

أنا أبوي عمره 63 معي ,,الله يخليه .. مرافق معي ..

ومو قادر , يفتك من العزايم والذبايح ,, كل فترة وفترة ,, ما شا الله النادي السعودي هنا,, شغال عزايم وفزعات ..
هههههههههههه ,,

صح كل فترة وفترة ,, يشتاق للديرة والكشتات ... بس كل شوي أوريه صورة العجاج والغبرات هههههههههههههههههه


...

عاد أمي جاية معنا أخذت اجازة من الشغل الله يجزاها خير ..
و تحمست ودخلت معي المعهد تدرس انجليزي .. :cool:



شوفي اذا امك فاضية وما عندها أطفال صغار ,, أقنعيها تروح معكم وتقعد ولو شهر أو شهرين .... فكرة موب غلط !!!

الله يسهل أمرك موضوعك مشكلته ماراح نقدر نعطيك الجواب الأكيد لأنه شيء يعتمـد على صحة بابتك وشخصيته ونفسيته إوقدرته ع التأقلم في أشخاص يمشو كدا وكدا وفيه اللي مايقدر ..
إنتي ناقشيه وإحسبيها والله يكتب لكم الخير يارب والله يطول بعمره ويعطي الصحه والعافيه وجميع أبهات وأمهات المسلمين ..

طبعا هذا شي عادي .. وانتي شوفي ايش وضع ابوك اذا هو اجتماعي يحب يتعرف على الناس ويسولف ويطلع ويغير اجواء بتكون له عادي \\ نفس وضع ابوي الله يحفظه كان هنا مع اختي ورجع لاني انا جيت ولا ماعنده مشكله كان ناوي يكممل بالعكس الاجواء والمناظر ترد الروح "" هذا اذا مافكر بالزواج من هالشقر ههههههههههههههههههههههههه

بالعكس ما راح يطفش
راح يكون احسن له ولصحته عشان يتعرف على مجتمع جديد اذا شاف الشيبان الي اعمارهم بالتسعينات و يجرون زي الحصان راح يرجع شباب
وعادي اذا شاف الوضع تمام يمكن يخليكي لوحدك يرجع اجازه للسعوديه كم يوم ....