أسعفوني الله يخليكم عندي مشكلة و موعد السفارة باقيله ساعات

السلام عليكم و رحمة الله و بركاته
الله يسعدكم دنيا و آخرة اللي يعرف يفيدني
أنا اليوم رحت بنك سامبا لتسديد الرسوم المطلوبة في موعد السفارة
و مكتوب ف الكتاب انها عبارة عن 600 ريال تقريبا + 750 تقريبا
و مطلوب ايصالها من الاوراق المطلوبة
لما رحت البنك ما خلوني ادفع الا 608 لكل شخص و سألت عن ال750 قالولي أول مرة نسمع عنها

اش اسي و لا اعرف رقم الحساب اللي تودع عليه و لا شي

مكتوب ف الكتاب ( دليل الطالب المبتعث إلى الولايات المتحدة الامريكية ) :
تسديد مبلغ 600 ريال نقدا في أحد فروع بنك سامبا مقابل التقديم على التأشيرة لكل مسافر مهما كان عمره
و في الفقرة التالية مكتوب :
تسديد مبلغ 750 ريال خاص فقط بالدارس / الدارسة دون المرافقين و ذلك نقدا في أحد فروع سامبا ( sevis )


اللي مرت عليه المشكلة او يعرف فيها شي يفيدني الله يخليكم باقي ساعات على موعد السفارة بس يمديني قبله امر ع البنك بسرعة اش اقلهم و ع اي حساب اودع ؟؟؟

انا اليوم رحت بنك سامبا ل

يا حبيبتي هذا شي إسمه سيفيس
لازم تسددينه من موقعهم
و لازم معك بطاقة إئتمانية ( فيزا أو ماستر كارد )

http://www.mbt3th.us/vb/forum8/thread374589.html

شوفي هالموضوع مشروح فيه كل شي
أهم شي لما تسددين و تخلصين ، لا تنسين تطبعين الصفحة

إن شاء الله يمديك

ماعندي بطاقة فيزا و لا احد من اهلي

زي ماقالت لك بنت صحه هذي رسوم السيفس ٢٠٠ دولار مايقارب ٧٥٠ ريال تدفع اون لاين عن طريق موقعهم.. عموما باسوء الاحوال لو ماقدرتي تسددينه موب مشكله روحي لموعدك بالسفاره وقولي ماسددته بيقولون سددي وارسلي لنا الايصال.. خذي الايميل حقهم وارسلي الايصال لاحقا عليه..

متأكد يا اخوي الله يجزاك خير ؟؟

اله يرضى عليكم يا رب شكرا جزيلا ...

أختي العزيزة

تقدرين تسددين السيفيس عن طريق سامبا أيضاً

رسوم الفيزا 608 ريال تسددينها عن طريق فرع سامبا ولازم تاخذين ايصال السداد معك للسفاره
رسوم السيفيس 200 دولار تقريبا 750 تسددينها عن طريق موقع السيفيس www.fmjfee.com ولازم ببطاقة ائتمانيه وبعد السداد اطبعي ايصال السداد من الموقع ولازم تاخذين الايصال المطبوع للسفاره

اقتباس:

---

المشاركة الأصلية كتبت بواسطة أنا العنود

أختي العزيزة

تقدرين تسددين السيفيس عن طريق سامبا أيضاً

---

اول مره اسمع ان السيفيس ممكن تسديدها عن طريق سامبا, تعرفين احد قد سددها عن طريق سامبا؟

السيفس عن طريق الموقع 200 دولار


والرسوم عن طريق بنك سامبا 600 ريال تقريبا لكل شخص