وش احسن طريقة لايجاد سكن مناسب؟ وش الخيارات اللي نركز عليها؟ ساعدونا يااهل التجربة ..

أشكرك أخوي على توضيحك لي لبعض الأمور ,,
وأنت صدقت في موضوع ديترويت لكن مو كل متشقن سيئة ..
متشقن فيها أن أربور ويبسلانتي ولانس وأكثر من مدينة هادئة وآمنة ..
فيه عندك أكبر تجمع عربي في أمريكا في متشقن ..
فيه جامعتين وحدة الرابعة على العالم ووحدة من العشر الأوائل ع العالم ..
والولايات اللي حولك فيها جامعات ممتازة يعني حتى مسالة الإنتقال منها
ماتروح بعيد يعني ... اممممم ما ادري لكن من ناحية الأمان أعرف ناس
في آن أربور ويبسلانتي ولانس ومرتاحين آخر راحة ولا عانوا من شئ أبدا ..
عموما أنا مستحيل إني أعيش في أمريكا في ولاية واحدة فقط أموت بشئ
اسمه تغيير أنا أضمن لك إني راح أنتقل لأكثر من ولاية في أمريكا ..
هذا الأمر راجع لشخصيتي الملولة من المكان الدائم ..
شكرا لك

من ناحية صاحب الموضوع ...

أسبوعين أشوف إنها كثيرة بالمرة أنت كحد أقصى إحجز أسبوع ويكفي لإيجاد سكن ..

ومن ناحية اللبس لا تكثر واجد خذ اللي يكفيك ويمشيك شهر بس وبالباقي اشتريه من أمريكا
أحسن وأفضل و أجود حنا هنا نطلب طلبيات من هناك وانت تتقضى من هنا !!
زي واحد الله يصلحه صرف أربع ألاف على لبس وتجهيزات كلها من هنا ولما راح هناك ندم !

ترا كذلك لاتنسى الرحلة تقريبا 17 ساعة أو اكثر على حسب ترانزيت أو لا المهم شف لك صرفه ..
حمل لك فلم ولا مسلسل كامل وختمه أو كتاب أي شئ عشان ما تطفش من الطيارة ...

صح ,, من ناحية اللابتوب لا تشيله كذا بكتفك وتمشي قدام التفتيش ترا يفتشونه لك وإذا فيه برامج
مو بأصلية يحققون معاك وهيك ويبلشونك .. >> أنا الوندوز بكبره مو أصلي ههههههآي

حط لابتوبك مع العفش عشان ما يفتشونه ويمشي وإذا إنهم اقفطوك قل لهم ما اعرف هذا محل بالسعودية
وديته له وسواها لي وانا جاااااهل .. فيه موضوع خاص بالشئ هذا بمنتدى طلاب أمريكا زوره ..

نقاش جميل وأي شئ تحتاجه أسدحه يا خلفهم .

- - - مشاركة محدثة - - -

من ناحية صاحب الموضوع ...

أسبوعين أشوف إنها كثيرة بالمرة أنت كحد أقصى إحجز أسبوع ويكفي لإيجاد سكن ..

ومن ناحية اللبس لا تكثر واجد خذ اللي يكفيك ويمشيك شهر بس وبالباقي اشتريه من أمريكا
أحسن وأفضل و أجود حنا هنا نطلب طلبيات من هناك وانت تتقضى من هنا !!
زي واحد الله يصلحه صرف أربع ألاف على لبس وتجهيزات كلها من هنا ولما راح هناك ندم !

ترا كذلك لاتنسى الرحلة تقريبا 17 ساعة أو اكثر على حسب ترانزيت أو لا المهم شف لك صرفه ..
حمل لك فلم ولا مسلسل كامل وختمه أو كتاب أي شئ عشان ما تطفش من الطيارة ...

صح ,, من ناحية اللابتوب لا تشيله كذا بكتفك وتمشي قدام التفتيش ترا يفتشونه لك وإذا فيه برامج
مو بأصلية يحققون معاك وهيك ويبلشونك .. >> أنا الوندوز بكبره مو أصلي ههههههآي

حط لابتوبك مع العفش عشان ما يفتشونه ويمشي وإذا إنهم اقفطوك قل لهم ما اعرف هذا محل بالسعودية
وديته له وسواها لي وانا جاااااهل .. فيه موضوع خاص بالشئ هذا بمنتدى طلاب أمريكا زوره ..

نقاش جميل وأي شئ تحتاجه أسدحه يا خلفهم .

موضوعكم رائع ومفيد .. أنا سفرتي إن شاء الله بعد شهـر لمدينة سياتل وعندي استفسار صغير تنصحوني أفتح حساب في البنك قبل لأ أدور سكـن أو إني أدور سكـن بعدين أخلي فتح الحساب آخر شي ؟؟
لأني سمعت إن البنك راح يطلب منك عنوانك
فأنا أبغى أعرف أول مآ أوصل أمريكا وش الخطوة اللي بعدها هل هي البحث عن سكن أو فتح ملف طالب أو فتح حساب في البنك

وشكـرا لكم

السلام عليكم ورحمه الله وبركاته
انا لي في امريكا اوهايو سنه وثلاث شهور بالضبط وببدا بالاشياء اللي راح تحتاجها والاحتياطات اللي ممكن تسويها لك ولباقي المبتعثين اللي راح يجون امريكا. والله يااخذت معي خرابيط كثير وبنفس الوقت بعضها استفدت منها وبعضها لا. من ناحيه ايش لازم تاخذ معاك اهم شيء طبعا شنطة اليد ومريحه وعمليه وتكفي اوراقك كامله ويكون فيها الاي تونتي- جوازك نسخه من القبول احتياطا- فلوسك - الشاحن طبعا - دفتر وقلم ( مهم) علشان الاوراق اللي تعبيها بالطياره- مصحف -واي شيء ضروري بالنبسه لك وتحتاجه خذه معاك. بالنسبه للشنطة الكبيره لا تشتري وتتخسر على ملابس وماركات وخرابيط كلها بتنرمي هنا ارخص من السعوديه بكثير خذ اشياء شخصيه واشياء مهمه بالنسبه لك علشان ما تزيد الوزن على الفاضي. فيه شيء تندمت اني مااخذته معاي خصوصا انت طالع شيكاغو البرد القارس خذ معاك بطانيه دبل وكبيرة صراحه مالقيت زي بطانياتنا كلها خفيفه حتى المفارش هنا ما تكفي. واهم شيء اللي اكثر المبتعثين اهملوه طابعه مع سكانر ضرورية خصوصا في الايام الاولى علشان تقديم اوراقك للملحقيه راح تحتاج السكانر والطابعه كثير راح تلاقي نفس النوع اللي اخذته من HP مره صغيره وخفيفه حتى قدرت ادخلها بكرتونها داخل معي بالطياره كنت خايفه يكسرونها الى الحين معي جيده. وبعد خلي معاك صورك الشخصيه حقت الجواز والفيزا احتياطا. بالنسبه للاكل لازم يكون معاك سنيك في حال اذا جوعت في اي مكان تطلع وتاكل بالاضافه اذا واصل للبلد متاخر تكون الدنيا مقفله يعني احتياطا معمول او تمر اي شيء تفضله.
بالنسبه للسكن : اول شيء راح تسويه تحجز فندق خمسه ايام كذا بالكثير اسبوع واحجزه قبل ما تطلع ارخص لك واحسن ولازم تكون كاتب كل معلومات حجزك في الدفتر اللي معك في حالك وصولك راح تدق على تاكسي ياخذك له ان شاء الله. بالنسبه لي من ناحيه السكن حجزنا 5 ايام وكان لنا صديق قالنا عن سكن كويس هنا وراقي والحمدلله طلع مريح لي وطلعنا من الفندق بعد ثلاث ايام . يعني حلو لو تتواصل مع احد قبل ما تجيء للبلد سواء احد تعرفه او من طلاب النادي ما شاء الله عليهم ماراح يقصرون او تراسل الجامعه تدور لك على عائله. وشروط السكن من الافضل يكون بعيد عن الداون تاون- قريب من المواصلات (باصات-مترو) لان في البدايه ماراح يكون عندك سياره - ااءمن اسال عنه الجيران او المعهد او اللي تعرفه- قريب من الجامعه- الاسعار وشروط العقد لازم تفهمها صح لو تجيب لك مترجم يترجم لك ولو تقعد ساعات ما توقع شيء في العقد الا وانت عارفه و اسال عن كل الفواتير وكم ممكن يجيك بالشهر الكهرب والماي والمجاري والزباله وانت بكرامه والتامين كل شيء اسال عنه واخذ لك نظره على الحي والاحياء القريبه والخدمات هذا مره مهم طبعا الاحياء الفقيره والشعبيه واللي يكثر فيها السود او الاجانب ابعد عنها وحاول تتوسع بالبحث وتركز في كل شيء قبل ما تسكن . بعد السكن ان شاء الله راح يواجهك التأثيث لا تأثث كامل لانه في احتماليه تغير السكن وتتورط بالاثاث وفي نفس الوقت حاول لا تاخذ اي اثاث مستعمل من احد لان ممكن يكون فيه حشرات وفطريات لان اعرف كذا ناس اخذوا سرير وانتشرت عندهم حشرات صغيره ما تنشاف بس بنقط سوداء خطيره وتنتشر بسرعه في البيت وصعب التخلص منها حط بعد باعتبارك تتاكد من خلوها من الشقه قبل السكن فيها لانها تجيء مع السفر.
اتمنى اجبت عن اسئلتك واي اسئله ثانيه ماعندي مانع اجاوب عليها

الله يجزاكم خير .. انا حالياً جالس ادور سكن بموقع للسكن بشيكاغو واحترت من كثر الخيارات والاسعار .. في اسعار منطقية من 600 الى الف وشكلها عادي الى جيّد .. بس لما القيت نظرة على ام 1200 وحولها .. حسيت انها احلى بكثير .. وكاتبين النت مجاناً والكيبل مجاناً .. اخاف اختار شقة مخيسة ومع الفواتير تصير اغلى من النظيفة ..

وفي نظام التدفئة في اللي كاتب كهربا وفي اللي كاتب غاز وفي بخار وشغلات غريبه كذا .. راسلت وحدة سمسارة مغربية وردت علي بس حسيت كانطباع اولي ان ماعندها سالفة شوي .. وفي سماسرة بموقع خاص بهالشي كثير .. تعد وتغلط من كثرهم ماتدري من تراسل ..

هل سهلة السالفة اني اسكن بفندق وادخل للشقق بنفسي ؟ ولا لازم موعد .. لان بالمواقع حقت التأجير في خيار انك تحجز موعد يعني واضح ان الدعوة مو بس ادخل وتفرج زي عندنا ..

فماادري هل اعتمد على نفسي وحظي ولا اجيب سمسارة ولا وش اسوي بعمري .. مابقى الا كم يوم !! .. ساعدوني بالشغلات اللي اهتم فيها لان في مليون شغلة ..

كيبل .. كهرب .. موية .. غسيل .. تدفئة .. مراوح .. غاز .. كهربا .. وشغلات كثير بكل موقع.

اغلب المواقع تكون غير عن الحقيقه والسماسره خصوصا العرب بشكل عام في اي شيء انتبه منهم يجبون يخدعون اي جديد خصوصا السعودي انت لا تجزم من الحين ولا تعتمد على كلامهم. بالاول خلي عندك خيارات وبعدين اذا نزلت ان شاء الله تفحصها عدل وشوف وش اللي يناسبك في بعض الاماكن يكون الايجار مع الفواتير وماراح تكلف شيء والكهرب برا الفاتورة طبعا ويجيك بالشهر بالكثير 80-90 دولار بس فيه بعض الاماكن يعطونك سعر تتفاجاء اذا جاءتك الفاتورة وهذا الحاصل عندي خصوصا بعد اذا سكن مليان سعوديين وفيه نقطه اهم اغلب العقود التابعه للشركان عقود سنوية فلازم تتتفحص عدل وش الانسب لك وهذا القرار راجع لك لا تعتمد على احد ثاني والسكن الجيد يعتمد على ( المكان- السعر- قيمه الفواتير - العقد وشروطه - قربه من المعهد او الجامعه )واي معلومات ما تكون عارفها اسال الجيران راحه يكونون صريحين معاك اكثر من المكتب المؤجر. بالنسبه للانترنت والكيبل فلا تشيل همه ما اراح يكلف شيء الانترنت من 30 وفوق ( أنا اشتراكي في النت من وارنر كيبل والسرعه جدا ممتازة والفاتورة بالشهر اكثر شيء 40 اما الكيبل استغنيت عنه النت كافي )
وبالتوفيق

اضغط على الصورة للتكبير

ملف مرفق 27649

المدخل الأمامي

ملف مرفق 27650



ملف مرفق 27651

المدخل الخلفي


ملف مرفق 27652

المطبخ و الصالة بدون أثاث


ملف مرفق 27653

غرفة النوم بدون أثاث


ملف مرفق 27654

غرفة النوم بأثاث


ملف مرفق 27655


الحديقة الخلفية

للتواصل أو الأسئلة
altamimi @ sas.upenn.edu
2672610424