تجربتي مع السفاره الامريكيه في الظهران
تجربتي مع السفاره الامريكيه في الظهران
بقولكم تجربتي لان رحت وانا متوتره ، وطلع الموضوع سهل وهم متعاونين و Really Nice.
اول شي ممنوع ادخل اي شي غير الأوراق و كاتب اقضي فيه الوقت.
الاكل و الماء ممنوع, لاكن داخل في صاله الانتظار فيه محل يبيع قهوه وماء و اكل.
الجوال والشنطه لازم بالسيارة، و الرجال كان عادي يدخلون محفضة.
عند الباب بعد التفتيش، طلبوا مني ورقه سامبا و ال I-20 و DS-160 confirmation و الجواز
لفت الأوراق على الجواز بمطاط و قالت ادخل .
في صاله الانتظار سحبت رقم و قعدت، لين ما طلع رقمي و سوا سكان للباركود حق DS-160.
بعد 5 دقايق قالوا رقمي و رحت شباك رقم 1 اخذوا الجواز والأوراق الي عليها مطاط مع الضمان المالي. و أخذوا بصماتي كلها و سألني كم سؤال على السريع زي، ليه رايحه امريكا؟
- اول مره تطلعين فيزة؟
- أيش كان نوع الي طلعتيها قبل؟
- من اي جهه مبتعثه؟
بعدين رجعت مكاني انتظر ساعه و نص. قالوا اسمي و رحت شباك رقم 3، سألتني تقريبا نفس الشي:
- اي ولايه رايحه؟
- رحتي امريكا من قبل؟
- و أخذت بصماتي مره ثانيه.
.........كان فيه كم سوؤال ثاني بس نسيت وش كانوا، بس ما فيه اسآله تخوف كلها اشياء منطقيه.
بعدين رجعت الي I-20 و الضمان المالي، وقالت أروح ادفع 65 لفديكس وخلاص خلصنا.
بس الي نسيت اسأل، كم تأخذ الفيزا و تطلع.
ما أخذوا الصورتي ولا الشهاده ولا اي شي ثاني.
كان شي مره سريع بس السالفة الي تطول هي الأنتظار فقط. وهم مره متعاونين و منفتحين و يجاوبون على اي استفسار عندك.
اهم شي تحترم نظامهم، و ترتيب الاجراءت.
وسلامتكم والتوفيق للجميع.
رد: تجربتي مع السفاره الامريكيه في الظهران
موفقه اختي فاطمه.. بالنسبه للفيزه تقدرين تتابعينها من خلال رابط السفاره علشان تعرفين صدرت او لا.. واذا صدرت تابعي رقم الارساليه حق فيدكس..