القرض البنكي هل يؤثر على الابتعاث .. بليييز ساعدوني

مرحبا .. عندي استفسار وكثر الكلاااااااااام فيه وانا ابي اتاكد لاني بكل بساطه خاااايفه بآخر لحظه يتكنسل كل شي

الحين زوجي عليه قرض من بنك الراجحي مدة تسديده الباقيه 5 سنوات ... وطبعا راتبه خلال البعثه بيتوقف يعني الحين وش بيصير مع البنك لة سحبنا عليهم وسافرنا ؟؟؟؟
هل هالشي ممكن يعرضنا للمسائله القانونيه والا وش النظام

بلييييييييييييييييز ابي رد من احد يعرف او سبق وجرب هالموضوع لاني من جد محتاااااااااااره

مرحبا اختي
أنا الآن في أمريكا مرافق مع زوجتي
وعلي قرض على بنك الراجحي باقي حوالي 180 الف
والله ماأدري وش بيصير لأني ماحصلت أحد عنده خبره سابقه يفيدني
بعد سنه برجع للسعوديه اجازه هلي يمنعوني من السفر او يصير شي الله اعلم
بس على مافهمت من بعض الاخوان انه الى الان ماصار فيه ربط بين شركة سمه ووزارة الداخليه
عسا ربك يفرجها

ههههاي.. ماصاير الا كل خير.. حسابكم يصير بالسالب ولما ترجعون خلاص تسوون ( اعادة جدولة سداد القرض) وسلامتكم

كثير اعرفهم عليهم قروض وطالعين ولا في مشاكل عليهم ولا اثرت عليهم فا وضعك بالسليم ..

مسألة ان القرض بيأثر على ابتعاثك لا
مسألة تمنع من السفر لا

لكن
اللي يصير كالتالي :
بعد مايمر شهرين أو ثلاثة أو أكثر ( تختلف البنوك )
ويلاحظ البنك أن القسط مايندفع بيتصل فيك عشان يستفسر عن السبب
اذا وصلت معهم لحل مثل انك تسوي إعادة جدولة بعدين اوكي
أذا طنشتهم أو ماوصلتوا لحل يرفعون خطاب لجهة عملك وأخاف يشتكون عليك بكامل المبلغ حسب الاتفاقية بينك وبينهم لما اخذت القرض.


نصيحة من أخ محب :
انت التزمت مع البنك باتفاقية ويجب عليك كمسلم الايفاء بالعهود
بتقول صارت ظروف وسافرت بعثة
المفروض رتبت مع البنك قبل السفر
أو الان كل شهر قم بتحويل مبلغ القسط إلى حسابك ليقوم البنك باستيفاء حقه.
انت سافرت تطلب الله يوفقك فلا تفعل ما لا يليق ولا تسوى عليك فشيلتك قدام زملائك.

تأكيد لكلامهم

أنا نفس الوضع ما خذ قرض من الراجحي والحساب بالسالب (وبإذن الله يصير مكرمة وارجع ألاقيه مسدد :o

حالياً تطمني ما فيه أي مشاكل !

وبعد ما ترجعون بالسلامة اسم زوجك بيكون في سمه!

والبنك يعيد جدولة الاقساط المتأخرة :confused:

وتستمر الحياة...والراجحي مشبك العالم بالقروض...;)!!!

الله يسدد عنا وعنكم كل الديون

وأسأل الله أن يسهل أمور كل المبتعثين بنات وبنين ويردهم سالمين غانمين....آمين يااااا رب العالمين

كل الي ردو علي الله يجزاكم بالخير ...

ويفكنا ويفككم من هالديون والقروض ع خير ..:(