من واقع تجربة ( مدن كبيرة أم صغيرة ؟ ) للمحتارين

السلام عليكم ورحمة لله وبركاته. راح اخلي الموضوع مختصر واتيح للجميع السؤال عن طبيعه الحياة في المدن الكبرى ( رجاء لاحد يسالني عن قوة جامعات او تخصصات لاني ماملك خبرة ) راح اناقش على شكل نقاط ( الكلام للجنسين طبعا ). انا شخص تنقلت بين ولايات كثيرة ومدن تتجاوز 20 مدينه سواء مرور او اقامه. درست اللغه في شيكاغو والماجيستير في نيويورك. يعني اعتبروني من عشاق المدن الكبرى ( من مدينه جدة في السعودية)
- قرار الدراسه في مدينه صغيرة او كبيرة يعتمد على طبعك وشخصيتك دامك عارف وين ترتاح توكل على لله.
- الدراسه في المدن الصغرى في رأيي ماله إيجابيات ( كبرى ) أبدا خصوصا في المدن الي يقل عدد سكانها عن 500 الف ويزيد الطين بله اذا كانت منفيه بعيدا عن اي مدينه كبرى.
- المدن الصغرى ممله حتى وان كانت المدن اكثر أمن وجمال من المدن الكبرى. راح تمل من اول شهر لانك ماعندك اي شي تسويه الا انك سرداحي مرداحي من نفس الطريق.
- المدن الصغرى مافيها مواصلات فتحتاج لسيارة واذا كنت محظوظ فيه باصات محدودة.
- غير صحيح ان الشخص يقدر يوفر في المدن الصغرى أكثر من الكبرى. المسالة تعتمد على الشخص نفسه. على سبيل المثال ( أنا ساكن في أغلى مدينه نيويورك وفي بعض الاشهر اوفر اكثر من 1000 دولار وفيه ناس بمدن صغرى يطلب اهله اخر الشهر.
- المدن الكبرى فيها مواصلات قويه مثل القطارات والباصات. ولمن اقول المدن الكبرى فانا اعتبر شيكاغو و نيويورك و لوس انجلس في مصاف المدن الكبرى.
- المدن الكبرى فيها جاليات اسلاميه كثيرة ومطاعم وبقايل عربيه ومساجد ( الحي الي ساكن فيه فيه 4 مساجد كلها اقل من 5 دقايق مشي )
- وقت ماطفشت انزل الشارع وشوف الناس والاجناس انزل القطار وشوف انواع الاشياء والرقصات والهوملس.
- فيه انشطه كثيرة وجمعيات تطوعيه وجامعات ومعاهد وحدايق ومهرجانات ( كنيويوركي, متى ماطفشت اخذت القطار على مانهاتن ).
- سمعتك في السعوديه سواء كأهل أو جهه وظيفيه تكون أفضل لمن يعرفون انك درست في نيويورك مثلا او كالفورنيا او شيكاغو او بوسطن ( اتكلم عن مدن وليس قوة جامعات) احسن من مثلا ممفس ولا امبوريا ( اتحدى اذا احد عرف وين هالمدن ).

اكيد المدن الكبرى لها سلبيات وكل شي له سلبيات وايجابيات والاهم هو انك تختار الجامعهة الافضل والمدينه الي راح ترتاح لها في مرحتلك الجامعيه. خلي مرحلة اللغه كا استكشاف لامريكا. يعني مو مشكلة لو نفيت نفسك دامك بتختار المدينه او الجامعه الافضل في مرحلة الجامعيه.

الي عنده سؤال يتفضل ومرة ثانية الموضوع مختصر جدا بس حبيت ابين وجهة نظري في هالمسالة وللتفصيل اتركو سؤال في الموضوع وان شاء لله ارجع للموضوع. مع تحيات نيويوركي ولله يغفر ذنوبي:D

شكرًا لك ياغالي .. انا اتفق معك بناحية ان المدن الكبيرة مهمة ..

لكن هناك حالات يا أخي يجبر الشخص فيها على المدن الصغيرة ولربما القرى .. مثل عدم توفر التخصص الا بمدينة محددة او قرية جامعية .. او مثلا عائلة لديهم عدد من الأطفال ووجدوا مدينة فيها حضانات رخيصة وحياة بسيطة .. هنا جانب الملل يتحملونه مقابل اساسيات

بشكل عام افضل للعزاب والعوائل المدن الكبيرة وذلك لتوفر المواصلات والخدمات الأساسية .. هناك آلية للبحث كتبتها في موضوع قبل سنة وشوي تقريبا للبحث وتستطيع من خلالها ان تحصل على معلومات دقيقة جدًا

هذا الموضوع http://www.mbt3th.us/vb/forum163/thr...l#.UaWH25yO6xg

ايضا هناك موضوع اخر وهو مكتبة الولايات والمدن الامريكية وهذي فيها مدن كثيرة ..

كذلك انا انصح بقراءة اراء الناس في المنتدى لكن بحدود وعدم اخذ كلمة شخص واحد .. ولازم تهتم للتاريخ في موضوع المعاهد لان المعاهد تتغير اسلوبها التعليمي .. ولايوجد شيء ثابت ..

الله يوفقك ويوفق الجميع

أخي الفاضل
بعد التحيه .. كلامك منطقي.. ولكن من وجهت نضري انا درست في بوسطن لغه وفي ايداهو بويزي الجامعه
اللغه من الافضل ان تدرس في مدن كبيره لتخالط العالم وتستانس دامك لغه

اما الجامعه من وجهت نضري مدينه صغيره دراسيه واوقات الاجازاه سافر

وجهت نضر لا اقل ولا اكثر ^_^
تحياتي