أرغب بتأجيل البعثة - أفيدوني

راسلهم افضل
لانك للاسف مصدر قرار الابتعاث

إذا إنك متأكد بأنك مستحيل تطلع في شهر عشرة عندك طريقتين بإذن الله تنفع ,,
الأولى /

جيب قبول جديد من نفس المعهد على التاريخ اللي بتروح فيه يفضل يكون هالسنة ,
وقدم على الفيزا على القبول الجديد هذا وفيز القبول من السفارة .
ثم توجه لهم وقل لهم أي ظرف تشوف إنه مجدي وقل لهم هذا قبول جديد وفيزا وانا جاهز
وبإذن الله يصدرون لك قرار ثاني ,,

الحالة الثانية /

إنك تخلي المدام تتصل على الموظفات اللي هناك وتقول لهم عن ظروف صعبه بحكم إن البنات
متساهلات أكثر من الرجال اللي معقدين علينا الأمور على الفاضي بس .

وبإذن الله تتيسر الأمور ولا تشيل هم أخوي دامك مرشح ومصدر قرار ابتعاثك ماراح يلغى إلا بقرار مثله
ومن هنا لين يصدر هذاك القرار ربك ييسرها .

نصيحة أخيرة / الإستغفار ييسر كل ماهو عسير .

مرحبا اخي الكريم
انت نفس وضعي الان اصدرت قرار الابتعاث في تاريخ 12 / 7 وقدمت على الاجازة لكن للاسف تم الرفض ماخليت احد ماكلمته حتى اني دخلت على اللواء البلاع سكرتير مكتب الامير متعب بن عبدالله لكن مافيه نتيجه
الان قرار الابتعاث راح ينتهي في 12 / 10 بعد العيد مريت وزاره التعليم قسم البعثات اللي في الغدير قابلت المستشار وعلمته بالقصه من الى وقلت انا الحين ابي امدد قرار الابتعاث ثلاث اشهر قال أجل موعد دراستكم من المعهد وجيب القبول الجديد مع قرار الابتعاث وان شاء الله نمدد لك
راسلت المعهد وطلبت تاجيل والان انتظر الايتونتي الجديد