ساعدوني وصلت امريكا وللمعهد وطلبو مني ضمان مالي غير الاول

السلام عليكمورحمة الله وبركاته
اخواني واخواتي
اليوم كنت بالمعهد اول يوم وطلبو مني ضمان مالي منالملحقيه طبعا اتصلت بالملحقيه ولا احد يرد والايميلات كذلك محد يرد
فتحت ملف مبتعث وانرفض عشان نواقص واليوم فتحت ملف وانتظر ,,,,,,,
احد يفهمنا وش الاجراءات الحين ؟

بعد مايتم فتح ملفك يجيك الضمان المالي

السلام عليكم

حبيبي انا نفس حالتك طلبو مني ضمان مالي جديد

وقالولي اسم الشخص في الملحقيه عشان يعطيني ضمان مالي

(كل موظف ماسك جزء من امريكا)

هذا الرابط وتواصل مع ايميل مع الشخص اللي يمثل منطقتك

Contact Info

ويجيك الرد في خلال يوم واحد ان شاءالله

اكتب لهم ان المعهد طلب ضمان مالي جديد من الملحقيه وبنفس الوقت ارسل الضمان المالي اللي اخذته من الوزاره

وبالتوفيق

اخوي منو الشخص اللي كلمته ؟
انا للان كل ماكلمت موظف يقول ماهو شغلي وللحين ماداومت !!
ولا وصلني الرد حق فتح الملف
ساعدونا يااخوان

انت ماسويت طلب فتح ملف!! تواصل يوم الاثنين مع قسم فتح الملفات بالملحقيه..كذلك ادخل ع متابعه الطلب.. وشيك ع الطلب حقك

انا طلبت فتح ملف وماجا رد للان من 5 ايام
اتابع الطلب مكتوب : معاملة مفتوحة

انا مثلك بالضبط
دراستي تبدا امس وللحين ماوصلني الضمان المالي
والمعهد كرشوني قالوا لا تداوم لين تجيب الضمان المالي !!!
المشكله الحين اجازة العيد ومافيه احد بيخلص امورنا الا بعد العيد :(

قبل ما اجي للامريكا كنت اسمع كلام الطلاب عن الملحقية وتعاملهم السيء بس مادريت انهم بهذا السوء صراحة!!!
ينبكون الطلاب ويسحبون عليهم
المشكلة حاولت افتح ملف اكثر من ثلاث مرات وكل مره يقولون نواقص والمره الرابعة فتحولي ملف
والضمان المالي طلبته مرتين وكل مره يقولون وين القبول وعطنا تسجيل المواد !!!
اتمنى من الملحقية يغيرون المشرفين الاجانب ويحطون لنا سعوديين !!!

السلام عليكم ورحمة الله
الله يعينكم على الانتظار لان فعلا توقيتكم كان في وقت غير مناسب وقت اجازة العيد . ولكن الشي الغريب ان معاهدكم سيئة لهذا الحد وتفكيرها مادي بحت رغم ان عندكم ضمان ولكن يلزم تغييره
انا قدمته في المعهد اللي درسته فيه بعد اسبوع وزوجتي بعد ممكن ثلاث اسابيع . ولكن تبقى لدينا احيانا مشكله كطلاب ما نبي نجي الا قبل الدراسة بأيام نستأجر شقه ونشتري سيارة وندور عفش وكأننا نعرف كل شيء في المدينه . اسأل الله ان يوفقكم ويسهل عليكم

اذا انا هاي مشكلتي اني اجي متأخر والمعهد قالي لاتجي لما تجيب الضمان المالي .. الحين بكذا المعهد اداني الجزاء وحرمني من الدوام .. طيب قول معي ي صاحبي مين يجازي الموظفين في الملحقية جراء التأخر في الرد على الايميلات مثل ماقال اخونا واغلب الطلاب تشتكي من هذا الشي ..
صحيح مقولة ( اذا خصمك القاضي ف من تقاضي ) ..
اسأل الله ان ييسر لنا امرنا ويجعل طلبنا ورجائنا له ..