مشكلة الغاء الترشيح للبعثة

السلام عليكم ورحمة الله وبركاتة

مرشحة للبعثة للمرحلة الثامنة وما قدرت اسافر بسبب سلسلة من التعقيدات تواصلت مع الوزارة و بلغوني انه اقدر اقدم على المرحلة التاسعة و في مرحلة التدقيق الغي ترشيحي و اقدم اوراقي للمرحلة الجديدة . قدمت على المرحلة التاسعة و فاتني التدقيق لظروف قاهرة و بسبب ظروفي الحالية ما اقدر اقدم اوراقي حتى باخر مركز تدقيق اللي هو القصيم .

سؤالي كيف اقدر الغي ترشيحي للمرحلة الثامنة لانه عندي امل كبير بالمرحلة العاشرة انه تتيسر اموري و تكون أفضل ؟ متى اخر موعد اقدر الغي فيه ترشيحي للمرحلة الثامنة ؟

اتمنى اللي يعرف يساعدني يومين اتصل على الوزارة و التحويلات اللي يحولني عليها الموظف ما يردون و ع الايميلات مارردوا .

شكرا

المرحله العاشره اذا قدمتي لما تروحي للتدقيق ان شاء الله الغي السابقه

اعتقد انه فيه ناس في المرحلة السابعة وليس ماراحوا

عادي عزيزتي انا كمان من المرحلة الثامنه وماسافرت وكم وحده من زميلاتي نفس الشي
وصحبتي راحت للوزارة وقالت لهم مااقدر اسافر قبل سنه .. قالت لها الموظفه عادي خذي وقتك ولما تقدري وتجهزي قبولاتك والفيزا وكل الامور ارفعي خطاب بالاعذار ونعمل لجنه ونصدر لك قرار الابتعاث ..

يعني ان شاءالله متى ماتيسرت أمورك .. ارفعي طلب وان شاءالله مايتلغي ترشيحك ..

وربنا يفرررج همك وييسر لك امرك .. ويكتب لنا جميعا الخير ... :)

( تمت المشاركة باستخدام تطبيق مبتعث )

السلام عليكم ورحمة الله وبركاته ،،،

اختي مريم ... أنا كنت مقدم على المرحلة الثامنة .. وما كتب لي الله السفر .. ولما جت المرحلة التاسعة قدمت ..
ورحت للتدقيق ولما اخذ بطاقة الاحوال قال لي عندك مشكلة في الجهاز .. راجع المستشار ..
وكلمت المستشار .. وبينت له اني كنت مقدم على الثامنة وما طلعت فيها .. عطوني استمارة اعبي بياناتي فيها ..
ومن ضمن الخانات كتابة المراحل السابقة المرشح فيها .. وكتبت الثامنة .. ثم عدلوا في الجهاز ... ومشت الامور ولله الحمد .. واخذوا اوراقي ...

امل اني افدتك انتي والاخوة هنا ...

وعذراً على الإطالة

اليواساي ، l.aziza، Studyy ، ورق شفاف

ألف شكر لكم ربي يسعدكم و يحقق لكم أحلامكم ي رب

اتواصل مع الوزاره سمعنا في يومين للى فاتهم التدقيق...وراح يكون بالرياض

( تمت المشاركة باستخدام تطبيق مبتعث )