فتح ملف طالب مبتعث.. مشكلة ارجو المساعدة
اخواني اخواتي تحية طيبة وكل عام وانتم بخير
انا وصلت لامريكا بلد ابتعاثي يوم الاثنين ولما وصلت اليوم الثاني بديت بإجراءات اطلع جوال وفتحت حسابي بنكي حسب ما قرأت انها اول الخطوات اللي لازم اسويها.. وفعلا انتهيت وفي نفس اليوم حاولت ودخلت على موقع سفير عشان افتح ملف واول مفاجأة لي انه لما حطيت رقم هويتي في اولى الخطوات مطلع دولتي كندا ومافي خيار ثاني ،، قلت بمشي وبعدين ارسلهم انه يعدلوا الخطا لما اعرف من المشرف الخاص فيا لكن للأسف الموقع جدا جدا بطيء وخانات كثير يرفضها وهو مافيها خطأ اول خطوة طلب مني الجهة التعليمية ومافي ولا خيارات فيها حاولت اتتجاوز الخطوة هذي مو راضي يقول اختار الجهة التعليمية ، طيب كيف اختارها وهي مو موجود فيها اي خيارات ، كمان في خطوات ادخال تورايخ التأشيرة لما حطيتها اوتوماتيك هو بيظهر التاريخ الهجري لما ضغطت حفظ قلي انه التاريخ الهجري غير صحيح ولو عدلته يطلع التاريخ الميلادي خطأ ،، انا فعلا تجننت خلاص..
طبعا انا ارسلت وقتها اني مواجهه مشكلة في خانة الدعم الفني.. للأسف ماجاني اي رد.. رجعت امس وارسلت مرة ثانية طبعا هذا بعد محاولات من متصفحات مختلفة واجهزة مختلفة طوال الايام اللي راحت لكن للأسف نفس المشاكل ماني قادره اقدم فتح ملف ولا جاني اي رد من الملحقية او شؤؤون المبتعثين..
المشكلة الاكبر ان دراستي حتبدأ يوم الاثنين الجاي وانا لس ما فتحت ملف ولا سددت فلوس المعهد ولا اعرف مين في الوزارة ممكن يساعدني ويحل مشكلتي وهما ما يردوا..
ياليت احد يساعدني ، اش اسوي
رد: فتح ملف طالب مبتعث.. مشكلة ارجو المساعدة
اعتقد المشكلة بالرابط فقط
لذلك ابداي من البدية عن طريق موقع الوازاة فتح ملف ثم الخطوات المتبقية لان المفترض بعد الموافقه على الشروط تاتي صفحة اخرى لاختيار بلد الابتعاث وبعض الروابط من المنتديات او من جوجل يكون بلد الابتعاث مضمن سلفا لذلك لا ياتي خيار اختيار بلد الابتعاث
اتمنى اكون ساعدتك بالموضوع