محتار بين الدراسة هنا وفي الخارج ارجوا مساعدتي

كشخص قعد الاربع شهور الي فاتت يبحث في الجامعات ويقارن, بحاول اجاوب اسئلتك كلها, ببدأ بالسؤال الثاني
أنا قريت فـReviews لبعض الجامعات نفس الكلام عن الجو الي مايساعد على التعليم, اكتشفت انه في كل مكان في جامعات دكاترتها مايهتموا.
أذا ماودك تتطورت في جامعة زي كذا, حاول تتجنب الجامعات الربحية (for profit), واتجنب الجامعات الي تقبل الناس بسهولة واي احد, واتجنب الجامعات الي فيها طلاب اكثر من الي حجمها يتحمل.

الكنديين معروفين من سمعتهم ناس محترمة جدا, لكن برضوا لما تكون في الجامعة لازم تبين شخصيتك ومزاجك وعلى حسبها الناس بتتعامل معاك مثلا اذا اول مادخلت الجامعة واتصرفت كواحد يبغا يدرس ويجتهد وابديت عدم اهتمام بال"فلة" وكذا, الناس بتكون تاخذك بجدية وبتحاول ماتسوي فيك مقالب سخيفة وما يسحبوك على نايتكلوب. زي عندنا, مبدأ "الوجه" على حسب تعطيه وجه ولا لا.

تقصد زي الـ Plan of study و الـCourses وكذا, مش فكل جامعة نفس الشي, ولا ؟

هذا سؤال انت تجاوبه, محد هنا يقلك اذا بتقدر تتفوق ولا لا, انت ادرا فقدراتك.

على حسب الجامعة الي تختارها, اذا دخلت برا جامعة ماهي افضل الجامعات الي هنا من حيث الترتيب وجودة التعليم فتقنيا يعتبر استثمار سيئ, لكن لما تتدرس برا بتستكشف عالم ثاني وحياة ثانية, حتكون تجربة ماحتنساها, لكن حاول تدخل جامعة احسن, وعشان تدخل جامعة احسن يبغالك درجة كويسة فاختبار انجليزي.

أختبار انجليزي: زي الـTOEFL أو IELTS وأنت تبغا كندا, كندا متطلبات الانجليزي حقها عالية (مقارنة بامريكا), فالتوفل حاول تجيب فالـ90 من 120 , او الايلتس 6.5.