جيت من الملتقى .. ملخص سريع للنقاط المهمة .. إضافة مهمة
السلام عليكم ورحمة الله وبركاته ..
طبعًا هذا ملخص سريع لأن هناك معلومات مهمة والطلاب بانتظارها بأحر من الجمر .. ولكن لنا عودة بملخص مفصل بإذن الله فقط نقوم بكتابتها على الكمبيوتر لاني مسجل المعلومات في دفتر .. ومن ثم بعض الأمور حتى تظهر لكم بأبهى صورة
اليوم جدًا ارهاق لي انا على وجه الخصوص كوني مانمت زين وارتب شوي واشغال .. ووصلت للمقر في الساعة 11 ونص .. ومافتحوا الا الساعة 1 وتواجهت انا مع المشرف طالب سياسي في القاعة وكان معي مجموعة ..
دخلنا وتوجهنا للقاعة بدون مايطلبون منا لا بطاقة احوال ولا ورقة ..
جلسنا بالقاعة وجاء في نفس الوقت الدكتور ماجد وانتظر لين اكتملت القاعة وبدا محاضرته على 1:45
وطبعا قام يكلمنا وش ممكن نسوي لاحضار القبول واصدار القرار وقمت بكتابة كل ماقاله وكذلك بقية المحاضرات ..
المهم قالنا مدير البرنامج كما تعلمون ان الضمانات المالية ارسلت !!! كل منا استغرب ولا احد تجرأ على المقاطعة انا عن نفسي توقعت انهم ارسلوا لنا اليوم فرحت اشيك بالجوال مالقيت الضمان .. عرفت انه مخطأ وبعدها بشوي عاد على النقطة وقال الاربعاء انرسلت لكم والطلاب كلهم بصوت واحد ماوصلنا الضمان .. فاستغرب .. قال قد يكون مشكلة فنية وهي ياليوم او بكرة وبتنزل ..
وقال شي في غاية الأهمية .. جيبوا قبولاتكم خلال 4 شهور واذا ماحبتوها على هالمدة سيتطلب اصدار قرار الابتعاث موافقة اللجنة
هذا مايهمكم من لقاء ماجد الحربي
انتقلنا لمحاضرة فوزي بخاري الادارة العامة لشؤون البعثات .. وشرح لنا طريقة تقديم الطلبات وكيف ان البرنامج ينتهي بمجرد اصدار القرار .. ومن سوء حظه البروجكتور مااشتغل
ثم بعدها محاضرة لمدير معادلة الشهادات ووضح لنا شروط المعادلة وكيف نختار الجامعات الموصى بها ..
وبعدها لمحاضرة كيف نفتح ملف في الملحقية .. وبصراحة النت بطيء على البروجيكتور .. وتوقفوا لوقت طويل والمشكلة القاعة باااااااااااردة .. المهم تدارك الوقت .. وشرح الاجراءات شفهيًا بسرعة كبيرة جدًا .. ثم عاد النظام للعمل وعاد عليه ومشى على الخطوات بسرعة ..
ملاحظات مهمة ..
1- بعد كل محاضرة هناك فترة تقريبا 10 دقائق لأسئلة الطلاب والطالبات ومررة الطلاب يسألون وتوجه لهم الكاميرا (قناة عالي الفضائية) ومرة البنات يسألون بالصوت فالبنات تظهر لهم الصورة في قاعتهم ..
2- عند الخروج والدخول لابد من تمرير الورقة على الجهاز ليقرأ الباركود ..
3- هناك صالة خلفية فيها كل سيستم الوزارة وماشاء الله العدد كبيييييييير جدا من الموظفين ..
4- الدكتور ماجد له زي المجلس يجلس فيه مع الطلاب
فقط وانتظروني مع الملخص وفقكم الله الان جدًا مرهق ولا استطيع كتابته وتجميع العناصر وتصميمه .......
رد: جيت من الملتقى .. ملخص سريع للنقاط المهمة ..
يعطيك العافيه خيو على الموضوع وبانتظار التفاصيل لاحقا
بالتوفيق للجميع...
رد: جيت من الملتقى .. ملخص سريع للنقاط المهمة ..
الله يعطيك العافيه
ما قصرت
رد: جيت من الملتقى .. ملخص سريع للنقاط المهمة ..
الله يوفقك ويعطيك العافيه وننتظر تقريرك المفصل بأذن الله
رد: جيت من الملتقى .. ملخص سريع للنقاط المهمة ..
الله يعطيك العافية ماتقصر زي عادتك :)
ننتظر باقي التفاصيل ,
رد: جيت من الملتقى .. ملخص سريع للنقاط المهمة ..
مـاقصرت ياعـبدالله
ننتضر التغطـية الكـاملة ، شكراً لك
رد: جيت من الملتقى .. ملخص سريع للنقاط المهمة ..
يسعد قلبك ابو عابد
ماقصرت يالغالي
انا وصلني خبر من شخص بالملتقي يقول لازم السفر بالربع الاول من السنه الجديدة ولا مايصدر له قرار الا بلجنة
صحيح هل الكلام ولا مجرد كلام عالعادة ؟
رد: جيت من الملتقى .. ملخص سريع للنقاط المهمة ..
يعطيك العافية اخوي عبدالله وما قصرت ،،
رد: جيت من الملتقى .. ملخص سريع للنقاط المهمة ..
الله يعطيك الف الف عااااافيه ..
رد: جيت من الملتقى .. ملخص سريع للنقاط المهمة ..
اقتباس:
المشاركة الأصلية كتبت بواسطة Alaa al-amri
يسعد قلبك ابو عابد
ماقصرت يالغالي
انا وصلني خبر من شخص بالملتقي يقول لازم السفر بالربع الاول من السنه الجديدة ولا مايصدر له قرار الا بلجنة
صحيح هل الكلام ولا مجرد كلام عالعادة ؟
صحيح قال سافروا خلال 4 شهور واذا سافرتوا بعدها لازم لجنة لاصدار القرار