سألت الاستاذ ماجد الحربي عن طلاب الطب ايرلندا بكالوريوس ""صدمة""
السلام عليكم اخواني ,,
امس في بريك صلاة العشا قبل المحاضرة الاخيرة دورت على الاستاذ ماجد الحربي ولقيته برا ,,
وسألته قلتله : طلاب الطب بكالوريوس وش مخططهم الدراسي وش نظامهم ؟
قال لي :" طلاب الطب بكالوريوس ايرلندا راح يدخلون معهد لغة ويرفعون درجة الآيلتز إلى 7 وبعدها يدخلون الفاونديشن ". بعدها جاه جيش طلاب يسألون ولا امداني استجوبه ,, انا صراحة انصدمت ,
كيف يرفعون درجة الايلتز وبعدها تحضيري ,, مو اصلاً كل الطلاب معاهم 5 ايلتس وفوق ؟ المعروف بالأساس وكل المراحل السابقة انهم علطول يروحون ترالي وبعد سنة التحضيري مطالبين بدرجة 6,5 ايلتس ,, والمشكلة ان الكلام ما قريته من منتدى ولا موقع ! هذا مدير وكالة الابتعاث ,, ما ادري هو لخبط ولا وش السالفة .. بعد المحاضرة الأخيرة اللي ماحد سمع منها شي وخصوصا امريكا قالو لطلاب بريطانيا وايرلندا حيكون مناقشة بالصالة ! رحنا للصالة وبعد انتضار طويل طلعلنا الدكتور محمد (ما ادري وش اسم عائلته) ,, المهم سألوه طلاب بريطانيا و قعدو يناقشونه عن مشاكل الملحقية والوزارة وشطح شطحة ,, قال :" انا صراحة توني ادري انه الابتعاث لبريطانيا مغلق " .... لحظة صممت , المهم بعدها سألناه عن ايرلندا علطول قال معليش والله اني ما اعرف شي عن ايرلندا ,, راسلو الدكتور محمد ضياء وهو يقدر يخدمكم .. فاا هذا ملخص للأشياء الرئيسية ,, عطونا آرائكم
رد: سألت الاستاذ ماجد الحربي عن طلاب الطب ايرلندا بكالوريوس ""صدمة""
من جد صدمه ...
طيب ماسألتوهم احنا نجيب القبول او هم بيوفروه لنا احترنا