مرشحات ومرشحين جدة اهل مكة ادرى بشعابها
السلام عليكم ورحمة الله وبركاته
الف مبروك لي ولكم جميعا اسال الله العلي القدير لي لكم التوفيق والسداد والعلم النافع .....
انا من المرشحين والملتقى تبعي في تاريخ 13 محرم يوم الثلثاء فترتين الصباح والمساء والاربعاء فترة صباحية
الطلب الي ابي منكم والخدمة هي انو الملتقى في فندق الهيليتون وياريت احد من طلاب وطالبا ت جدة يساعدني في اسماء وارقام شقق مفروشة معقولة في الاسعار وتكون قريبة من الهيلتون ياريت تساعدوني بليز بحكم انو الحالة المادية مش ولا بد الله يسر للي حيساعدني ياريت تجيبولي اسماء الفنادق وارقامها وانا اتواصل معاهم بحكم خبرتكم بجدة وعلى قول المثل اهل مكة ادرى بشعابها بس تكون قريبة من الهيلتون اهم شي
ولكم جزيل الشكر والتقدير
انتظر الرد بفارغ الصبر
رد: مرشحات ومرشحين جدة اهل مكة ادرى بشعابها
اختي السكن في منطقة حول فندق الهليتون جداااااا غالي
اذا تبغي سكن يكون رخيص ونظيف يعني في اليوم 150 ريال شوفي شارع حراء مثلا يعتبر قريب نوعا ما
يعني تحتاجين تاكسي يوصلك ورد للفندق تقريبا 15 ريال للمشوار الواحد
رد: مرشحات ومرشحين جدة اهل مكة ادرى بشعابها
تم تعديل الرد اتمنى تقرايه مره اخرى
رد: مرشحات ومرشحين جدة اهل مكة ادرى بشعابها
بس ترى شارع فلسطين دايمن زحمة … إذا لقيتي هناك حاولي تطلعي من الفندق بدري
رد: مرشحات ومرشحين جدة اهل مكة ادرى بشعابها
اقتباس:
المشاركة الأصلية كتبت بواسطة Mona_j
بس ترى شارع فلسطين دايمن زحمة … إذا لقيتي هناك حاولي تطلعي من الفندق بدري
ما شاء الله عليك انا قاعد اكتب بعدين عدلت على شارع حراء لانه افضل اذا كان معروف بالمطاعم وايضاا الاهم انه اقرب واقل زحمة
وشخصيا زميلي مره جاب اهله من الرياض وسكن تقريبا بهذا المبلغ 200 ريال او زيادة شوي بس جا على ايام اجازة فاكيد يكون غالي
اما الملتقى في الايام العاديه فيكون ارخص
رد: مرشحات ومرشحين جدة اهل مكة ادرى بشعابها
يعني بحراء شكرا لكم جميعا الله يكرمكم
رد: مرشحات ومرشحين جدة اهل مكة ادرى بشعابها
شارع حراء مكان مناسب وقريب وأسعر الشقق مناسبة
رد: مرشحات ومرشحين جدة اهل مكة ادرى بشعابها
نعم اختي شارع حراء ممتاز للسكن ولو معكم سيارة للتنقل ابحثو عن سكن في
شارع حراء تقاطع دوار الجواد الابيض هناك كثير شقق والاسعار مناسبة والخدمات متوفره
وحتى اهم المطاعم متوفره مثل البيك وابوزيد .. في شقق اسمها الصقر جنب اسواق الراية تطل علي الدوار ذا انا مجربتها سعر ونظافة ومناسبة جداً
وازيدك بيت : مو بعيد كثير عن الفندق فقط تتجهي مع شارع حراء غرب كانك رايحه علي البحر وتوصلي ان شاء الله بالسلامة :o
رد: مرشحات ومرشحين جدة اهل مكة ادرى بشعابها
شباب صبايا أنا موعدي الثلاثاء والاربعاء
دراستي ماستر امريكا
ابغاكم تقولوا لي متى مواعيدكم لأني ناوي اغير الموعد ومو عارف المواعيد الثانيه
في حفظ الله ..
رد: مرشحات ومرشحين جدة اهل مكة ادرى بشعابها
اقتباس:
المشاركة الأصلية كتبت بواسطة روز احمر
انا من المرشحين والملتقى تبعي في تاريخ 13 محرم يوم الثلثاء فترتين الصباح والمساء والاربعاء فترة صباحية
أنا كمان نفس موعدك ,, بس على بالي انو يوم الثلاثاء فترة صباحية بس , ماجا فبالي انو كمان المساء
لانو في المسج تبع الوزارة مكتوب فترة صباحية ..
الحمدلله انو انتبهت وماتورطت ..