الأعضاء الإشتراك و التسجيل

الملتقيات
ADs

رأيك في أداء العاملين في الملتقى !!!

رأيك في أداء العاملين في الملتقى !!!


NOTICE

تنبيه: هذا الموضوع قديم. تم طرحه قبل 1849 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية tchelsea
    tchelsea

    مبتعث مستجد Freshman Member

    tchelsea كندا

    tchelsea , أنثى. مبتعث مستجد Freshman Member. من السلفادور , مبتعث فى كندا , تخصصى أدب فرنسي , بجامعة الملك عبد العزيز
    • الملك عبد العزيز
    • أدب فرنسي
    • أنثى
    • جدة, جدة
    • السلفادور
    • Mar 2012
    المزيدl

    November 24th, 2012, 11:18 PM

    السلام عليكم و رحمة الله و بركاته
    سؤالي جدا بسيط ... كيف أداء العاملين في الملتقي ؟؟؟ هادا سؤال حتلاقوا موجود في استبانة قياس الرضا الي لازم نعبيها و نعطيهم هي بكره
    انا طرحت هادا الموضوع لاني أخدت في خاطري شويه من إحدى الموظفات و المسؤولة عن الاستفسارات و تحويل التخصص
    بصراحه لا مقابله و لا معلومه صح و أسلوب غير لائق كاني طالعة على حساب أبوها
    الي سار إني كلمت الملحقية على تغيير تخصص التسويق و قالو إن التسويق في كندا جدا صعب و إني ممكن اغيره بعدين إذا اخذت القبول ( بس ماكنت أعرف كيف و متى )
    عشان كدا استنيت في الصف الين ما وصل دوري ( اول ما وصل دوري جيت اتكلم كلمتين .. قالت : استني استني و تقعد تدردش مع الي جمبها ) لمن خلصت
    قلتها انا ابا اغير تخصصي من تسويق لمالية بس أبا اعرف كيف متى
    قالتلي : إش تخصصك
    قلت فرنسي
    قالت : لا فرنسي ما لهم إلا تسويق ( معقوله ... إحنا التسويق عندنا ماشي بالانجليزي مو الفرنسي )
    قلتلها : الملحقية قالت إني اقدر
    راحت عادت الجمله و كانها مو عاجبها كلامي و لا استنت ردي حتى دارت وجهها ( يعني اقلبي وجهك )
    وقفت شويه اتأمل الموقف ( أنا صراحه ما توقعت ردة فعل زي كدا )
    و رحت للي بعدي و طلبت منها كرت الهانم الي محد عاجبها بس ابا اعرف اسمها
    و عشان ما اظلم بقية العاملات لانهم كلهم طيبين لمن احط على خانة ( رأيك في أداء العاملين ) أرفض بشده

    بالنسبة للتخصص انا شكلي حتواصل مع الملحقية لانهم أدرى بالموضوع
  2. انا بصراحة نفس وضعك ما حبيت تعامل الموظفااااات أبدا
    لا مشرفة القاعة ولا الموجودات عندنا في القاعة فترة اللقاء العام مع دكتور ماجد

    بصراحة مو عارفين كيف يشتغلو مافي تنظيم بينهم و لا أي تنسيق مو عارفين ايش يعملو والدنيا حووووسة

    خرجت و أنا محبطة حسيت كل الاستفسارات اللي في دماغي مالقيت جواب لها
    ما أعطتني فرصة أخذ المايك و أسأل
    و كتبت استفساري في ورقة وقالت لي اجيك اخذها و راحت بعيد عني ورحت لما عندها عشان أعطيها الورقة

    و كمان اللي جايبه بنتها تخبص معاها عالجهاز
    يعني لهالدرجة المهزززززلة
    هذا شيء جدي و معاملات طالبات بأعداد كبيرة وواقفين طابور عشان يسجلو خروج ولسى ينتظروها تداري بنتها والبنت تبغى هي تعمل سكان الباركود أحسها مسخرررره بصراحة هي في عمل و أي انسانه في عمل مايفترض انها تجيب أطفالها زي مايمنعو الطالبات يمنعو الموظفات كمان

    معظم الموظفات مستوى الخدمة والتعاااااون سيء جدا

    على الله بكرة يكون الوضع أفضل
    7 "
  3. من جد وربي تعامل بعضهم سيء لابعد درجه الوحده تكلمك من طرف خشمها وتتكلمي لسى ماكملت كلامي ترد لا مايصير

    وطالعك كانه موعاجبها محد حادك تجين لو موعاجبك احد بس بيصير لها نفس الموقف اللي سوته معاي ان شاء الله ومع غيري

    الدنيا دواره ماقدرنا لانفهم ولايعطونك شي مفيد وشغلهم بس يبون يخلصوا طيب احنا في امور لازم نعرفها ومن حقهم يسمعون لنا ويردون على كل شي

    دام قبلو يكونو بالملتقى لمساعدتنا

    بس مااقول اللى الله يسامحهم
    7 "
  4. اما اللي جايبه بنتها هذا قصة ثاااانيه
    انا تنحت لما شفتها تلعب باللابتوب، خير يا بنت الناس ؟ رايحه لوظيفتك ولا رايحه تمشي بنتك !
    ماعندك احد يمسكها خليها تجلس على جنب، علميها ان في اشياء ممنوعه لا تطلع مثل بعض البنات اللي مو محترمين المكان اللي جايين له !

    لاتجيبيها تلعب في جهاز مخصص لمواعيد الطالبات واللي اي غلط فيه يمنعها من اصدار قرار الابتعاث
    7 "
  5. لنكن صريحين

    الملتقى دا هبل في هبل

    بمعنى انو كل مسؤل تسألو تلاقي جواب معاكس للي قبلو وبالتالي امورك معطلة

    وانا الموقف الشخصي اللي سارلي

    انو مسكت سرا طولو لنهاية القاعة ولمن جا دوري قالتلي طلعي اوراقك طلعتها من هنا الادمية قامت من هنا فين راحت الله اعلم سالت التانية تقولي راحت تفطر استنيها لما تخلص !

    طب انا صايمة زيك وريقي ما انبل لسا
    7 "
  6. انا معاكم .. خرجت مستاءة



    لكن بالنسبة ل اللي جايبة بنتها ترا والله العظيم افادتني اكتر من اللي مخصصين للاستفسارات جدا محترمة ومع انه ماكانت شغلتها تجاوب على استفسارات البنات لكن

    شفتها كيف ترد على اسئلتهم بصدر رحب ومبتسمة حتى رحت سألتها وافادتني جزاها الله خير. طبعا بعد ما احبطوني اللي قاعدين للاستفسارات !!!

    ووحدة فيهم قالت لزميلاتها بصوت عالي: هيا البسوا العبي وخلونا نطلع لانه ماهم واقفين منظمين وقفوا لا تجاوبوهم !!!!! ( تقصد البنات اللي بيتفسروا)

    وساروا يضحكوا !!!!!

    من جد مهزلة
    7 "
  7. عشان لا اظلم اللي قاعدين للاستفسارات

    اول وحدة كانت قاعدة عاليمين لما تخرجوا من الصالة ماشفت منها شي سيئ

    مشرفات القاعه .. بالعكس شفتهم اخلاق وحبوبات وماقصروا .. يمكن المشكلة انه عددهم قليل مقارنة بعدد الطالبات وليس المشكلة فيهم شخصيا
    7 "
  8. على فكره انا كتبت على استبانة قياس الرضا إسمها عشان تعرف إنها تتعامل مع ناس عندهم ردة فعل لكل فعل ...
    في خانة "العاملون حريصون على الخدمه " أرفض بشده و كتبت ( لا ينطبق على الكل )
    و في التعليق تحت ( إحدى الموظفات " الهنوف إبراهيم سلامة " لم تقم بواجبها كعاملة في الاستفسارات
    و انا افضل هادي الطريقة عشان حرام لا نظلم الكل زي ما بعضكم قال
    و لو سالني اي احد رااح أقوله راي فيها بصراحه لأنها ما تستاهل الكرسي الي قاعده علي
    7 "
  9. عيوني لا تتعبي نفسك معاهم

    اناىصحباتي في كندا طلعو على تخصص ماستر تسويق

    خلصو سنه اللغه و حولو تخصصهم من الملحقيه هناك بس اهم شي قالو لهم الملحقيه لازم التخصص اللي بتحولي له يكون اقوى من التخصص اللي جايه ابتعاث عليه او يكون امتداد لتخصصك و اعرف كثير منهم بكندا و حولو تخصصهم بس بعد سنه اللغه

    فلا تتعبي نفسك هنا معاهم

    بالتوووفيق عيوني
    7 "
  10. انا بصراحه من بدري ريحت نفسي و ماسالت اي وحده فيهم لاني من يوم ما دخلت ما حسيت الملتقى في تنظيم

    جلست على الكرسي سمعت للمحاضرات و الحمدلله اغلب تسأولاتي لقيت لها اجابه من دكتور ماجد

    اما بنسبه للقاعه عارفين هما انو الاعداد كبيره كانو اخذو قاعه اكبر من كدا دا حتى مكان المصلى استغفر الله زحمه و توقفي سرا عشان تصلي

    اما البوفيه هههههههه مسخره والله مو بوفيه حاطين صحنين كروسان على الاعداد الهائله دي اللي لحقت عليه المويه الحمدلله فكيت بيها ريقي لاني صائمه اما الاكل بصراحه شفت زحمة البنات عليها قلت ما احوجني اوقف السرا دا كلو

    الله يعدي ايام الملتقى على خير
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.