استفسار عن تخصص قانون بكالريوس فامريكا

السلام عليكم ورحمة الله وبركاته .

فكرت مية مرة ماعرفت القسم الصحيح لسؤالي . وفي النهاية استقريت على دا القسم .

(المرة دي السؤال يخصني شخصياً)

ان شاء الله هذه السنة حأتخرج من الثانوية العامة وناوية تخصص قانون في جامعة الملك عبدالعزيز .
من سنة وانا فبالي اروح بعثة من البكالريوس عشان اخد قانون بالانجلش ولمن ابدا ماستر مايكون صعب عليا .
ضبطت اوضاعي وبحثت عن الجامعات فامريكا واستراليا (خياراتي محدودة على دي الدولتين) اللي تقبل تدرس قانون بكالريوس
واستقريت على امريكا الشمالية (يا اما جامعة واشنطن اند لي في ولاية فرجينيا او جامعة مايحضرني اسمها حاليا في نيويورك )
لمن وصلت للنقطة الأهم وقرأت الشروط حق الابتعاث طلع ان الاقسام الادبية مايبتعثوها من البداية عكس العلمية (حسب فهمي)

ابغا اعرف ينفع اخد فاونديشن في جامعة الملك عبدالعزيز وبعدها على طول اقدم بعثة واكمل فامريكا 4 سنوات بكالريوس قانون بعد مااختبر الايلتس ؟!!
يكون اتحقق شرط اللغة + 30 ساعة في الجامعة ؟!

او فاونديشن + سنة اولى جامعة وبعدها اقدم بعثة ؟؟!

فتحت موقع الوزارة بس مالقيت اجابة لسؤالي .
طيب لنفترض ينفع اكمل فامريكا طيب كل الاربع سنين قانون عام ؟ متى أبدأ أتخصص في نوع معين (تجاري - جنائي ... الخ ) !!!

بالنسبة للتخصصات فكرت في التجاري وقرأت ان الخاص يشمل مدني وتجاري وهو افضل في السعودية ؟!
وممكن اعرف ايش يعني قانون تجاري ومدني ؟ يعني التجاري ايش ادرس فيه (بشكل عام) !

وان شاء الله يفيدني ويفيد غيري .
جزاكم الله خير

!!!!

طيب مو مشكلة يمكن مااحد عارف الجواب

السؤال اللي يختصر كل دا الكلام
اقدر انضم للبعثة بعد السنة التحضيرية !
اسجل من دحين وانضم السنة الجية ؟؟

انا اللي اعرفو القانون في جامعة امريكا ما ينفع تدخلي الا اذا كان عندك بكالريوس
انا كمان زيك دورت على جامعه لدراسة القانون و لقيت جامعة سوانزي

المدني والتجاري بااختصار يمشي بااغلب دول العالم لان القوانين التجاريه تمثل كل الشركات والبنوك والامور الي هي امور تجاريه شركات طرق الشركات كيف الواحد يسوي شركه
كم العدد المطلوب وامور كثيره تتعمقين فيها بخصوص الشركات والبنوك والامور دي

اما المدني دايم يماثل طرق الدعوى ورفع الدعوى والامور الي تصير بالقضايا والمحاكم ومعروف القانون المدني ابو القوانين وبرضو حتتعمقي فيه اكثر المى تدرسينه
الجنائي يمشي بالسعوديه لكن مو بنسبه عاليه يمكن بنسبة 50 %
السياسي يمشي كمان والدولي يمشي لانو حاليا مكاتب المحامه في السعوديه صارت تجيها قضايا من برا السعوديه
وفوق كذا القانون السياسي يناسبك اذا تبغين تتوظفي بوزارة الخارجيه
واي شي انا تحت الخدمه
وانا حاليا جالس ادور ماستر قانون لكن ماحددت لين دحين وبالتوفيق لكي

أمريكا ما فيها بكالوريوس قانون. طريقة دراسة القانون في أمريكا كالتالي:
1- تدرس بالكوريوس في تخصص حتى لو كان بعيد جدا عن القانون.
2- تختبر اختبار LSAT، وهو عبارة عن اختبار قياس قدراتك في الإقناع والمنطق.
3- تدرس برنامج Juris Doctor JD، وهذا البرنامج مدته ثلاث سنوات مكثفة ويعتبر برنامج جدا صعب والأمريكان يعانون منه، ويعادل على أنه بكالوريوس مع أنه لابد أنك تدرس بكالوريوس قبله.
4- بالنسبة للإمريكان أو المحامين الأجانب اللي ينوون ممارسة المحاماة في أمريكا لابد يتجاوزون اختبار BAR وهذا الاختبار جدا صعب.
5- بعد JD يدرسون ماجستير القانون.

لكن بالنسبة للطلاب الأجانب المتخرجين من القانون أو الشريعة بإمكانهم دراسة الماجستير مباشرة بدون دراسة JD.