تمت الموافقة على طلب ترقية البعثة , الان ايش الاجراءات المطلوبة ( الرجاء المساعده)

ألف مبروك اخوي مستر جافا ... وعسى ربي يكتب لك الخير .. ويعينك على مابعد الترقية
سئلت صديق لي قام بعمل ترقية البعثه سابقاً ..
واخبرني ان ابدأ اولا بمعادلة الشهادة بأسرع وقت (طبعا هذا اذا كانت مطلوبة منك)
وبعدها آخذ ورقة من التعليم العالي للسفارة لتسهيل اجراءات الفيزا
.. وبعد متطلع الفيزا ..
تذهب للتعليم العالي لكي يصدر لك قرار الابتعاث وامر الاركاب ..
واذا وصلت لمقر بلد الابتعاث تفتح ملف مبتعث بالملحقية.. ويتم اصدار ضمان مالي لك موجهه الى الجامعة

هذا كل مالدي ....
واتمنى لك التوفيق لما يحبه الله ويرضاه

اخوي جافا الف مبروك ,
بس انا ودي اسأل كم سؤال الله يوفقك ويسهل لك البقية
لأني انا ادرس حاليا ماستر وبقدم ترقية دكتوارة

انت قدمت من اي ملحقية ؟ وهل كانو متعاونين معاك؟
هل نجحت في كل مواد الماستر وهل دققو في درجاتك قبل مايرفعون الطلب للرياض ؟
كم اخذ الطلب من قدمته الين ماجاتك الموافقه ؟
هل غيرت الدولة اللي كنت تدرس فيها ماستر

ضروري تجاوبني على هالاسئله الله يرضى عليك
مشكور مقدما

وانا برضو اخوي نفسي اسئلك نفس اسئلة الاخ Belle de Jour

الله يبارك فيكم , بس احب اقولكم انهم الغووووا بعثتي مدري وش ساللفة هالوزارة يوافقون ثم يرفضووون

عليهم حركاااااااااات


اما بالنسبة من اي ملحقية انا قدمت اوراقي من نفس الملحقيه اللي كنت ادرس الماستر فيها

انا كنت ادرس بالاردن فقدمت اوراقي من هناك وكل شي , طبعا الملحقية مالهم دخل يدققوون في درجاتك

هم بس يرفعون اوراقك كاملة للوزارة وهناك الوزاره تقرر , تقريبا اخذت اقل من شهر او شهر بالضبط , وكمان

لاتنسوون معادلة الشهادة ضروري جدا .

سوالك عن هل نجحت بمواد الماستر , مافهمت قصدك لكن اذا خلصتي الماستر واخذتي شهادة الماجستير من الجامعه قدمي على الملحقية .

طبعا تغيير الدوله نعم غيرت من الاردن الى بريطانيا , لكن الان على مااعتقد موقفين الابتعاث لبريطانيا , يمكن لو كملت بالاردن اعتقد انهم

يوافقووون .

اتمني للجميع التوفيق ولاتنسوونا من دعواتكم

يعطيك العافية اخوي جافا ماقصرت بالاجوبة ويارب يسهل لك الترقية البعثه
وان شاء الله تفرحنا بقبولك النهائي

سؤالي الاخير كيف اعادل الشهادة ؟ قبل الترقية او بعد ؟

لأني انا ماجابو لي طاري بالمحلقية ببريطانيا عن المعادلة بس قالو جيبي شهادتك المؤفته بس !!!
لأن شهادتي ماراح تطلع قبل اكتوبر

بس الحين اقدر اخذ مؤقته بأني نجحت بكل المواد وبقى لي بس البحث

واللي اعرفة ان المعادلة تطول مرة بالرياض

الله يسهل

هلا اختي , شوفي بموقع الوزاره قريت ان الي يبي يسوي ترقية بعثه لابد قبل ماياخذ الوثيقه و لكن اللي صار معي

رحت للملحقية وقلت لهم ابي اسوي طلب ترقية قالوا عطنا وثيقتك قلت باقي عليها قالوا لابد تاخذ الوثيقه ونسوي لك طلب

ترقية بعثه , لكن انتي بما ان الملحقية قالوا لك عطينا وثيقة موقته حاولي تكلمين الجامعة يعطونك موقته او كلمي الملحقية

وقولي لهم لو اخلص البحث واخذ الوثيقه ان شاء الله اجيكم وتسوون لي طلب ترقية عادي مافيه اي اشكال وششوفي ردهم

بصراحه انا قالوا لي لما تاخذ الوثيقه وتنتهي نسوي لك طلب ترقية بعثه , اما بالنسبة لمعادلة الشهادة انتهت خلال اسبوعين

حتي ان قسم معادلة الشهادات بالوزاره اتصلوا علي وقالوا تعال خلصنا المعادلة .

ماعليش سوال : ايش تخصصك ؟

وشي ثاني علشان يسوون لك ترقية بعثه لابد تجيبين قبول الجامعه والمعهد حتي يرفعونها مع الاوراق .

بالتوفيق للجميع

مستر جافا يعطيك العافية على التجاوب السريع
الملحقية هنا في بريطانيا طلبت مني وثيقه مؤقته وخطاب للملحق وتعبيه الابليكشين + قبول للدكتوارة
وهم عارفين اني ماتوني ماتخرجت

القبول انا حاليا اشتغل علية وعسى ربي يسهله والجامعة تعطيني وثيقه مؤقته مافيةا مشكلة
بس ماراح يرضو يعادولنها لي بالوزارة لأن البحث لسى ماخلصته وهي مؤقته

هقوتك اقدم اوراقي واشوف وش يصير ؟

بالنسبه للمعادلة ماشاء الله حظك طيب يمكن عشان جامعة عربيه ؟
صاحبتي ماستر من بريطانيا اخذت حوالي شهرين

وتخصصي علوم طبية


مشكور وبالتوفيق ان شاء الله

فيه شي توي تذكرته مدري كأني سمعت ان بريطانيا وقفوا الابتعاث لها مدري صحيح ولا لا , لو تستفسرين من الملحقية

يكون افضل علشان ماتجيبين قبول وبالنهاية ماتستفيدي شي .

اما بالنسبة تقديم الاوراق توكلي على الله وقدمي اوراقك علشان طلب الترقية يخلص بدري , اما بالنسبة معادلة الشهاده

لما تخلصين البحث وتاخذين الوثيقة ان شاء الله قدمي على الملحقية وهم يرسلون الوثيقه علشان المعادلة , والمعادلة مب مشكله

دام انتي تبين تكملين دكتوراه ان شاء الله .

بالتوفيق للجميع

الف مبروك اخوي الترقية
بس ممكن اسئلك سؤال انا قدمت على ترقية بعثة ماسترورفضوها يقولوا انت سويت تمديد
وماينفع تعمل ترقية انت قدعملت تمديد
وانا الان في فترة الامتيازممكن اقدم اوراقي للمعادلة ولازم اسوي معادلة اوروبية على اساس اني راح اقدم على دولة اوروبية واناالان متواجدفي مصر ومشكوراخوي