الى متى يا وزارة التعليم الـ "عالي" ..!!

May 14th, 2009, 10:02 PM

السلام عليكم ورحمة الله وبركاته ..

والصلاة والسلام على اشرف الانبياء والمرسلين..نبينا محمد وعلى واله وصحبه ومن اتبع الى يوم الدين..اما بعد :


الان تأكدت ان التعليم في السعوديه ما راح يتطور دام تصريحاته ومواقفه بالشكل هذا .. تخببببط وقرارات طفوليه واخبار متعارضه.. الى متى طيب..!!

مره يقولون في ابتعاث .. ومره يقولون لا .. وييييين جالسين..!! ,يا شيخ لو انا راعي بقاله استحي اصير متخبط كذا فما بالك بوزارة تعليم عالي..!!

الملك يطلع ويصرح ان البعثات مستمره ..والحين يطلع لنا تصريح تحفه ان الابتعاث مقتصر على ماجستير الطب..

باعذار واهيه وفاشله ..بحجة ان طلاب الثانوي ما نجحوا ولا كانوا بالصورة المطلوبة..

طيب السؤال الي اطرحه هنا ..دام طلاب الثانوي ما نجحوا بالابتعاث اجل ليش الدوله ظلت تبعثهم لاربع سنوات متتالية..!! وين رعاية الوزارة للطلاب..!!

كيف جازفت الوزاره وابتعث طلاب والابتعاث غير مناسب لهم..!!

اذا كان ابتعاث طلاب الثانوي فاشل اجل مين سمح له يستمر..!! .. ومن سمح لهم يفتحونه من الاساس..!!

يعني وزارة تدفع مبالغ فلكية للطلاب بالمليارات ما قدرت انها تعمل دراسات ..!!!

كذا فتحوه وابعثوا طلاب بدون لا يفكرون ..!!! غريبه يا وزارة..!!

يا اخي معروف ان النفسيه شي مهم للطالب..والطلاب مقبلين على اختبارات نهائيه ..ما يخافون ربهم ذولي..!!

تخبببط بمعنى الكلمه ..اداره اسوء اسووووووء ما يكون..

حتى لو قرروا وقف الابتعاث كان لازم يعطونا خبر اول ..اعرف ناس سجلوا وانقبوا وتجهزوا من الحين..

::حسبنا الله ونعم الوكيل على وزارتنا الفاشله ..الجامعات القويه تعلن عن شروط القبول من سنه على الاقل..ووزارتنا التحف قبل بشهرين ..فحسبنا الله ونعم الوكيل..





:: نقطه ثانيه :

"مفاجأه بعد اسبوعين " هههههههههههههههه..

اول مره اسمع بحياتي تصريح رسمي لموظف يمثل الدوله يقول ترقبوا مفاجاه..!! .. لا يكون داخل محل بلاي ستيشن ولا تويز ار اس..!!

حسبنا الله ونعم الوكيل عليك ..يا جعل ربي يحاسبك على كل طالب اجتهد وتعب على امل انه يبتعث اذا كنت انت الغلطان ..













نقطه ثالثه ::

طلاب المراحل السابقه الي اتحفونا بردودهم..نيوتن وارخميدس ههههههههههههه..

يجيك واحد ويقول فعلا القرار صح وفمكانه ..تذكر انك كنت بيوم بموقفنا..وتذكر انك ما تتفوق علينا بشي..

لازم تحب الخير لاخوك ..من باب الاسلام لو حبيت بدون لا نتطرق لاحترام مشاعر الاخرين يعني..










نقطه رابعة::


قال تعالى (( وزنوا بالقسطاس المستقيم))..

السنه الي فاتت يبعثون كل من هب ودب ..وهالسنه وقفوا الابتعاث..

واحلى تحيه لاحلى وزاره ..بإذن الله ربي يحاسبكم ..


وفي الختام الصلاة والسلام على اشرف الانبياء والمرسلين نبينا محمد وعلى اله وصحبه ومن اتبعه الى يوم الدين ..والحمد لله على كل حال ..

والسلام عليكم ورحمة الله وبركاته

• نشر عبر تويتر
• نشر عبر فيسبوك
• نشر عبر جوجل