لماذا الإبتعاث لامريكا؟؟؟

November 8th, 2006, 12:31 AM

السلام عليكم ورحمه الله وبركاته


كلنا يا شباب ويا بنات سمعنا عن إلغاء الابتعاث لامريكا لسوء معاملتها

انا ما اتكلم عن صحه هذا الخبر ولا بطلانه

لكن انا راح اتكلم عن شئ اخر

انا يا شباب ويا بنات مع الغاء البعثات لامريكا لدول اخرى مع العلم اني مرشح لامريكا واتمنى اني احول لكندا

نعم انا مع الإلغاء نعم نعم نعم

يا ناس ترا امريكا ذلتنا , كل يوم يمسكون طالب ويسجنونه بتهم سخيفه واولهم حميدان التركي وبعدين لو الوزاره تحول بعثات امريكا لكندا والله ان امريكا راح تخسر مليارات و راح يطير عقلها وتتأسف من كل السعودين وتترجاهم انهم يرجعون البعثات لهم وراح يحترمون السعودين كلهم غصب عليها


والله يا ناس قهههههههههههههههههههههر الحين حنا نعطيهم مليارات وننشط اقتصادهم وهم حاطين فينا ذل واهانات من السفاره , والاستقبال بالمطار والتفتيش , والمراقبه من الاف بي اي , وتحري اي غلطه تقوم بها علشان يسجنوك او يسفروك هذا اذا ما لفقوا لك تهمه , ومن تجدد الفيزا لان فيه ناس درسوا سنتين ولا ثلاث سنوات ثم يرجع زياره للسعوديه ثم يروح يجدد الفيزا فيرفضوا تجددها يعني يروح تعب ثلاث سنين , ومن تعصب من الشعب ومن ومن ومن ...

يعني بإختصار امريكا ذالتنا وناهبه فلوسنا

انا اتمنى ومن اعماق قلبي انهم يلغون بعثات امريكا علشان تعرف امريكا قيمه نفسها وقيمه جامعاتها وقيمه اقتصادها من دون السعوديه

(ملاحظه: تذكرون يوم الملك عبدالله زار امريكا (الامير عبدالله انا ذاك) قبل سنتين تقريبا ترا بوش طلب للملك عبدالله انه يبتعث الطلاب السعودين لامريكا بحجه تحسين العلاقات السعوديه الامريكيه وهو كذاب اشر , اساسا الجامعات الامريكيه بعد احداث سبتمبر بدأ الطلاب الاجانب وخصوصا السعوديين يقلون فالجامعات الامريكه بدأت تكش ذبان يعني بدأت تفضا من الطلاب الاجانب فضغطت الجامعات على الحكومه الامريكه انها تفتح البعثات للطلاب السعودين علشان تنتعش ويتحسن اقتصادها, ومن ثم فتح باب الابتعاث لامريكا وليته لم يفتح فتح باب الابتعاث فقد فتح معه سجن الطلاب و المرمطه في السفارات و و و ...
وللمعلوميه اي دوله تتمنى انها تستقبل الطلاب السعودين وبدون اي تعقيد بل يستقبلوننا استقبال الملوك لكن ما اقول الا حسبي الله ونعم الوكيل)

يعني المفروض اننا ما ننذل امام هؤلاء الشرذمه

يعني المفروض اننا نشترط عليهم انه لا يتعرضون لاي طالب سعودي ويحترموه ويقدرونه ويسهلون اجراءاته ولايمرمطونه ولا يراقبونه ويحطون له معامله خاااااااااااااااصه يعني معامله دبلوماسيه ويعرفون انهم عايشن على السعوديه

يا ناس اعذروني ان كنت اخطأت في كتابتي او تعبيري لكن كل هذا من القهر اللي فيني من اميركا


يا شباب انا ما ابي منكم تردون علي لكن ابي منكم انكم تفهمون الموضوع يعني ابيكم تفهون اننا لازم نخلي امريكا تحترم نفسها وتحترمنا يعني حنا مو جالسين نطر منهم هم المستفيدين الاول والاخير

• نشر عبر تويتر
• نشر عبر فيسبوك
• نشر عبر جوجل