ترجمة الشهادة و تصديقها

هلا اخوي

الشهاده او اللي يسمونها وثيقة التخرج وحسن السيره والسلوك (والسجل الاكاديمي و توصيات من الجامعه للماجستير ) هذي كلها لازم تترجم وعندي لك مكتب وماادري اذا له فرع بالقصيم لكن ممكن ترسل لهم اوراقك بالايميل ويترجمونها عموما اسمه مركز باب رزق جميل في الشرقيه وفيه في الرياض وجده . والتصديق يكون على نفس الاوراق المترجمه وعباره عن ختم رسمي من جهة مركز االترجمه .
الدمام : 038050411
وهذا المركز انا ترجمت اوراقي عندهم وكل شي تمام و اذا تحتاج اي مساعده اكمثر عطني خبر ... وبالنسبه اذا حاب تشوف مراكز ثانيه تقدر تسوي بحث بجوجل بالنسبه للقصيم وربما تطلع نتائج مناسبه لك .

تحياتي

اخوي الافضل انك تروح للجامعه نفسها وتطلب منهم نسخة مترجمه ومختومة من عندهم
وغير كذا يعطونك 3 نسخ مختومة طبق الأصل
هذا من حقك عليهم

انا رحت لجامعتي وهم عطوني نسخ مترجمة وتراهم متعودين على هالشي وعارفين ان فيه ابتعاث على طول بيترجمون لك
طبعا بدون ماتدفع شي لانه شي من حقك

الله يسهل امرك بدراستك ويوفقك يارب

يوجد بالمدينة المنورة مكتب اسمه " قبس"

مكتب قبس
طريق الفبلتين - قبل دوار القبلتين بـ 20 متر في شارع الخدمة باتجاه الدائري وانت جاي من طريق تبوك
سعر تصديق الورقة الواحدة = 75 ريال سعودي

عندك الجامعة الاسلامية ولكن ترجمتهم بدائيه بخط اليد لا انصح بها

عندك الجامعات في جميع المدن

عندك المكاتب القريبه من اي جامعة

الله يعطيك العافية أخوي أقرأ المزيد لكن انا ابي ترجمة شهادة الثانوي

و بالنسبة لو جتني الأوراق مصدقة بالإيميل كيف لو جيت أرسلها للجامعة لإني لازم أطبعها عشان اوصلها للمكتب ,

بس ما أدري أخاف لما أطبعها يشكون إنها مزورة او شئ !!؟


walla , حياك الله على المرور و يسر أمورك جميعها , لكنِ أقصد شهادة الثانوية


النقطة اللي وصلنا لها يعني مو لازم نروح للوزارة عشان التصديق

الله يعطيك العافية يا أقرا المزيد و ييسر أمورك لا هنت يا غلاي

اذهب للجامعة هم يعطونك ترجمة و اللي اعرفه أن جامعة القصيم تعطيك الوثيقة فيها عربي و انجليزي في ورقة واحدة

انا دراستي بكالوريا ... متخرج من الثانوية هذي السنة

اطلع لوزارة التربيه والتعليم يترجموا شهادتك وانت واقف بدون تاخير تاخذها وتطلع انا اخوي كذا صار معاه وترجمها من الوزاره واخوي مثلك متخرج من الثانويه بالتوفيق انشاء الله للجميع

الله يوفقك أختي أم خالد ,

وزارة التربية و التعليم بالمنطقة عندنا , إذا كان كذا فهذا شئ طيب و راح يطيح عني مشوار يوم