الأعضاء الإشتراك و التسجيل

الملتقيات
ADs

تجربتي في الابتعاث المرحلة الرابعة مواقف وخبرات وفلة

تجربتي في الابتعاث المرحلة الرابعة مواقف وخبرات وفلة


NOTICE

تنبيه: هذا الموضوع قديم. تم طرحه قبل 5274 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية mustang 09
    mustang 09

    مبتعث جديد New Member

    mustang 09 غير معرف

    mustang 09 , ذكر. مبتعث جديد New Member. , تخصصى information , بجامعة not yet
    • not yet
    • information
    • ذكر
    • uk, london
    • غير معرف
    • Sep 2009
    المزيدl

    October 20th, 2009, 10:50 AM



    سلاااام عليكم كيف حالكم انشالله طيبووووووووون كلو تمام

    احب اهني كل اللي قدمو على المرحلة الخامسة انشالله يارب تكونو كلكم مقبولين
    احب اعرف بنفسي انا زميلكم احمد وانا متابع دايما للمنتدى خاااااااااصة ايام البعثة في المرحلة الرابعة وسبحان الله كل شي صار ديك الايام في المنتدى اشوفو دحين متكرر من حكاية القلق وموعد النتايج وكدى
    انا عموما حبيت اديكم قصتي لووووووووول للفلة يعني وامكن احد يستفيد منها يعني لوووول
    انا يا حبايب قدمت على بريطانيا في المرحلة الرابعة ماجستير وطبيعي زيكم قدمت في النت وكل حاجة
    ورحت سلمت اوراقي زي الحلوين وكلو تمام
    المهم بعدين جات هرجة انتظار النتايج طبعا انا وقتها طلعتلي قرون واتبهدلت الين ما جا يوم الفرج واعلنو النتايج ووقتها كنت في الطريق بالسيارة مسافر من جدة للمدينة في عز الضهر ويتصلبي واحد من الشباب يقلي ياواد كم رقم ترشيحك قلتلو ا ش عندك انتا قلي نزلو ارقام المقبولين قلتلو احا كدى
    وما تشوفو الا وانا ساحب داك البريك في نص الخط واجنب في الصحرا واطلع جوالي حالف يمين الا اخش نت واشوف بنفسي لوووول والجوال يقلك ما ادخل نت وصاحبكم متاثر بالافلام وادعس الين لقيت برج حق اتصالات واجنب تحتو لووووووووول والعالم تقول سلامات يابو خخخخخخخخخخ ويشبك النت يا معلم وادخل واشيك والاقي رقمي صراحت وقتها كان شعور جبار لا يوصف خخخخخخخخخخ حتحسو فيه انشالله لوووول المهم ماعلينا
    بعدين استنينا حكاية الملتقيات وكدى
    وجا وقتها وارسلولنا على الجوال مواعيدها وكدى المهم رحنا الملتقى كان ابو 3 ايام المهم
    ا ش صار في الملتقى طبعا ادونا محاضرات كدى وكلام فاضي نص الطلبة نايمين خخخخخخخخخخخ
    الهرجة انو اخر يوم في الملتقى قالو انو حيكون توزيع القبولات وياعيني على القبولات بعد ما خلصنا اخر محاضرة حطولنا برة لوحة شبرين وحاطين فيها اسماء امكن ابو 400 مبتعث بس سلامات والبقية فين وفي المموظفين حقين مكاتب ايجيك والتاني دا نسيت اسمو اللي في الرياض المهم وهاتك ياضرب يامعلم وتفقيع على موظفين المكاتب والطلبة خشو فيهك كل واحد يقول فيييين قبوووولي خخخخخخخخ المهم
    انا كنت من الناس اللي استلمت قبولي في الملتقى حلو
    فتحت ملفي كدى لقيت اول قبول جايبنلي في اسكوتلندا قلت عز الله اتورطنا اما اسكتلندا والقبول التاني يعني متوصيين جايبين قبولين القبول التاني في قرية صغيرة قريبة من لندن ابو ساعة بالقطار المهم
    احب اديكم معلومة ترى الوزارة ماعندها هرجة عن القبولات لانهم يتعاملو مع المكاتب والمكاتب تدينا القبولات فلما تروح فالوزارة ما تدري فين قبولك الين ما تطلع الرياض وتسلمهم اوراق القبول ويصدرولك على اساسها قرار الابتعاث المهم
    يعني خلوني اديكم مثلا انا اخترت القبول التاني اللي في القرية وطلعت للوزارة على اساسو بعدين طلعت قرار الابتعاث في ناس تانين سوو طرق تانية في شباب راحو لمكاتب الوزارة وطلبو تغيير القبول لمكان تاني وزبطت معاهم الهرجة لانو الوزارة محا تطلعلك قرار الابتعاث اذا ما كان القبول مختوم عليه من المكاتب اللي الوزارة متعاملة معاها فتجيب قبول تاني من المكاتب ويختمولك هوا كان بها او بعض الشباب جابو قبولات من دماغهم وطلعو الرياض وزبطو نفسهم وختمولهم هيا فطلعو قرار الابتعاث على المكان اللي يبغوه يعني دا من واقع تجربة يعني لاحد يفكر ازا جاب قبول من دماغو حيمشي الا ازا ختمو من المكتب او من الوزارة وفي حركة انا زبطت واحد من اللي شغالين في المكتب وقلتلو كيف انا ادبر قبول وتختملي هوا قلي جيب وانا اختملك كح كح
    ماعلينا بس دي عشان هرجة القبولات ولخبطتها وكدى ونسيت اقول انو اللي ما ستلمو قبولهم في الملتقى والله ترى تخلو بالكم طووووويل لانو يقولوكم حنتصل وكدى بس غالبا يلطعو يعني في ناس اتصلوبهم على طول وقال ترى قبولكم جاهز وفي ناس والله ما اخدوه الا بعد امكن 3 شهور ومنهم واحد صاحبي وزجتو
    وعلى فكرة ترى الوزارة تجبلكم قبولات لغة فقط الجامعات بعدين انتو تجيبوها لما تسافرو
    المهم اخدت قبولي جات الخطوة التانية ما تطلع الوزارة طبعا الا وانتا مطلع الفيزا
    قالولنا انو اسامينا حتكون في السفارة والله نصيحة ياعالم ازا قبولكم اخدتو في الملتقى تاني يوم تنط للسفار اوا احجز موعد على طول انا تاني يوم رحت لمكتب الفيز البريطانية كان فاضييييييي مافي الا انا وكم مبتعث لووووووووول وقدمت ولقيت اسمي عندهم وكل حاجة ومافي يومين وانا اخد الفيزا المهم
    كدى خلصنا الفيزا بقيت هرجة تانية انا من الناس اللي يحب يرتب امورو من بدري
    رحت لمكتب ايجيك قلتلو كيف يابويا السكن قل مافي احد يقدر يحجز سكن او عايلة الا لما يكون معاه تذكرة مؤكدة
    وطبعا كل المبتعثين محا ياخدو امر الاركاب الا بعد الفيزا وبعد ما تطلع الرياض وتطلع روحك يعني يبغالها كم شهر
    وانا استلمت قبولي في ديسمبر وسفري في يناير كان بدايتو يعني مرة مافي وقت المهم قلت انا ماعليا في الناس رحت اشتريت تذكرة واخدت صورتها ورحت للمكتب قولتلو هيا زبط والله مافي يومين الا جاتني منو اوراق العيلة والسكن وكلو تمام كدى خلصنا السكن
    المهم جا وقت الرياض وكل ما تكون انسان سريع وتخلص امورك بدري كل ما ترتاح يعني فيزتك نط بسرعة خلصها بعدها على طول اطلع الرياض لا تقعد تتلكع
    المهم والله واطلعلك الرياض المهم معايا اوراقي ودنيتي وكل حاجة رحت لمبنى البعثات كان يوم سبت سلمتو الاوراق
    قال تعال يوم الاتنين قلتلو افا ياليل انا عودتي الاحد على جدة قلي الاتنين قلتلو طيب
    وانا عارف انو الموظفين ما عندهم هرجة بس تصريف
    والله ويوم الاحد تاني يوم يعني وارجعلهم على الضهر كدى خخخخخخخ بس رحت لموظف تاني قلتلو ابغا استلم قرار ابتعاثي قلي متى قدمت قلتلو الربوع خخخخخخخخخ دور كدى ولاقها عشان تعرفو بس تراهم حقين تصريييف قال يوم الاتنين قال خخخخخ المهم واخدت الورقة وجنبهم مكتب الطيار عشان امر الاركاب طبعا انا قيدي اشتريت تذكرة بس برضو من حقي اخد دي اعوض
    طبعا نظام المكتب اول شي زحمة ولطعة وتديلو لازم صورة مختومة من قرار الابتعاث حلو وتكتبلو ارقام جوالاك وكدى وعبل ما يسويلك حجز ويقلك بكرة ومدري كيف وفلم
    انا بما اني كنت شغال في الخطوط اديكم حركة بسيطة والله وانا واقف قدام مكتب الطيار رحت على جنب كدى اتصلت بالخطوط سلاااااااام عليكم الحجز كيفك حبيبي بالله ابغا حجز جدة لندن يوم كدى كدى قلي تذكرة ايش قلتلو حكومية امر اركاب قلي اوكي وخد رقم الحجز كدى كدى كدى واخدت ياحبايب رقم الحجز ورجعت للطيار قلت للمصري حبيبي دا قرار ابتعاثي ودا رقم الحجز جاهز اخد الاتنين مني دقيقتين وطبعلي التذكرة والحمدلله والله الموضوع كلو ما اخد خمسة دقايق ما بين الاتصال واخد رقم حجز واديتو هوا وطبعلي التذكر اشتراها يعني اما الخليقة التانية يتلطعو يومين تلاتة واللي يقلهم انتو من جدة راجعو فرع جدة حوووووسة ودليت كم رجال كبير كانوهناك مرافقين لبناتهم قلتالو ياعم سوى كدى كدى والله وسووو نفس الطريقة واخدو تذاكرهم في خمسة دقايق خخخخخخخخخخخ
    المهم انا حبيت النقطة تستفيدو منها توفير وقت انو قرار الابتعاث ترى عادة لما تقدم يطلع تاني يوم وطريقة اخد التذكرة امر الاركاب باسرع طريقة
    المهم وكدى خلصت وارتحت معايا قراري وفيزتي وتذكرتي والسكن عند عايلة
    كدى خلصنا الجزء الاول

    باقي الجزء التاني ازا اتفاعلتو
    وحيكون سفري لبريطانيا والملحقية والبهدلة والقرية اللي سكنت فيها ومشاكل المعهد وتغييري للمعهد وهجولتي مع تغيير المعهد مع الملحقية ونقل دراستي وعفشي من معهدي اللي في القرية الى لندن
    وسلامتكم واتمنى صراحة بس افيدكم
  2. يعطيك العافيه,,, ولا تعبت اخوي من الكتابه,,,

    استفدنا كثير,,,ونتظر الباقي,,,

    اكثر شئ اعجبني,,,كـــــدى,,كـــــــــــدى,,,

    والملتقى ناس نايمه,,,وربي ضحكت,,,

    المهم بسألك /

    الحين يطلع بس رقم الترشيح,,او معاه دوله الابتعاث؟؟

    _ الملتقى بس قبوووول المعاهد؟

    وطلعت لك الرغبه الاولى ؟؟
    7 "
  3. اهلين مناضله يعطيكي العافية
    اهلين الحياة هوا طبعا يعلنو الدول وكل دولة تحتها ارقام الترشيحات حقت المقبولين
    والقبول جابولنا معااهد فقط
    وايوة كانت رغبتي الاولى الاغلبية يعطوهم رغبتهم الاولى ما عادا حقين الطب اللي طالبين دول اوروبية
    وسلامتكم
    7 "
  4. ما شاء الله عليك والله اسلوبك روعة يخلي الواحد يكمل غصب

    الشيء الثاني اعجبني كلامك الجداوي الاصيل

    الشيء الثالث والله اني استفدت مرررررررررررررررررررررررة

    الشيء الاخير الله يوفقك في دراستك


    وننتظر الباقي.
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.