مبتعث جديد New Member
غير معرف
mustang 09 , ذكر. مبتعث جديد New Member.
, تخصصى information
, بجامعة not yet
- not yet
- information
- ذكر
- uk, london
- غير معرف
- Sep 2009
المزيدl October 21st, 2009, 09:27 AM
مشكور على التجربة الحلوة
ونستفيد منك ياباشا
بس ان شاء الله يطلع اسمي مع المرشحيين نهائيا للقبول النهائي
تقبل مروري...........PRESTIGE10
Ahamed Aljuhani October 21st, 2009, 09:33 AM
7 " يعطيك ألفين عافيه الموضوع مره ممتع ومفيد بانتظار القادم
تحياتي لك
تركواز October 21st, 2009, 09:59 AM
7 " تشكر ع المعلومات ومغامراتك المفيده
مع الحس الفكاهي ,,,
نتظر ج 3
الحياه مبدا October 21st, 2009, 09:59 AM
7 " الله يسعدك ويوفقك وانا من متابعينك على طوووووووول
أبو طيف October 21st, 2009, 10:05 AM
7 " مشكوووووووور على هذه التجربه
بس السؤال كم جزء هذي القصة؟
بالتوفيق ولا تطولها ترى تبيخ
SAB4SA October 21st, 2009, 10:10 AM
7 " باب الحاره هذا ماصار ابتعاث .. كل شوي طالع لنا بجزء ههههه
امزح معاك يابطل ... استمر استمر
لايوقف لايوقف لايوقف
صراحه احلى موضوع استفدت منه في المنتدى ... ياليت يتثبت
تسلم يدك يابرنس ...
moohamed October 21st, 2009, 10:17 AM
7 " يعطيك العافية .....
بانتظار الجزء الثالث
تحياتي لك ^_^
XxملاكxX October 21st, 2009, 10:26 AM
7 " 
LinkBack URL
About LinkBacks
October 21st, 2009, 09:27 AM
سلاااااااااااااااام عليكم
كيف حالكم طيبين مروقين على اعصابكم لوووووووووووووول
اول حاجة احب اشكر والله من كل قلبي كل اللي ردو عليا في موضوعي الجزء الاول ولانو وقتي ضيق ما مداني ارد عليكم بس من جد ردودكم كانت جدا رائعة ويعطيكم الف عافية
طبعا اللي ماشاف الجزء الاول لا ينبرش ويقرا قبل ما يقرا الجزء الاول لوووول عشان لا يجيب العيد خخخخخخخخ
وتقدرو تشوفو الجزء الاول من هنا
http://www.mbt3th.us/vb/forum17/thread133308.html
طيب يا طيب
كنت ابغا في البداية انبه على كم شغلة كنت باشوف مواضيع في المنتدى وكدى اللي يقلك غير التخصص من دحين وجيب قبول جامعة ومدري كيف ولخبطة
المهم ابغا اديكم معلومة مهمة بعد ما تسافرو انشالله ترى الملحقية في بلدكم شي والوزارة هنا شي تاني يعني من يوم ما توصل الملحقية انسا اللي هنا كلو حيقولوكم في الملتقى مافي تغيير تخصص ومافي نقل معهد ومافي ومافي كلو كلام ممكن تروحو معهد ما يناسبكم يعني لسبب ما فعشان كدى الواحد ممكن يبغا يغير المهم
انو انتو لما تاخدو من هنا قبول اللغة حتروحو هناك وكل واحد منكم مشرفو حيقلو بعد ما يعدي كدى ابو 6 شهور هيا حبيبي ابدا دور قبول جامعة
فبلاشي توجعو راسكم من دحين وجامعة ولخبطة والكلام دا اطلع يابويا اللغة حقتك و هناك ربك يحلها وتروح على الاقل الجامعات بنفسك وتروح تشوف بعيونك
طبعا انا باتكلم عن تجربتي اللي في بريطانيا مع انو وقفولكم بريطانيا في المرحلة الخامسة لكن نظام الابتعاث واحد
وتغيير التخصص برضو كان عن طريق مشرفك في الملحقية يعني كتير شباب وبنات شفت في الملحقية كلووووو يبغا يغير تخصص حلو وكان طلب تغيير التخصص يترسل للرياض وشكلو حقين الرياض طفشو
ففي الفترة الاخيرة المشرفين قالولنا مبروك ترى ادونا صلاحية الموافقة على تغيير التخصص من الملحقية قلنا حلو يعني اللي يبغا يغير تخصصو يرفع طلبو عادي للمحق ويوافق والحمدلله يعني شغلة ابو يوم خخخخخخخخخ
فنصيحة انسو الجامعة عندكم وقت طويل احنا لما رحنا والله في شباب خلصو سنة ولسا ما شافو الجامعة وراحو مددو لغة ستة شهور فعلى فكرة يحقلك تمدد الى ستة شهور لغة زيادة على السنة
المهم لانو انا كل شوية بافتكر اشياء صارت معايا مهمة فاقلكم عليها
المهم نكمل
فياسيداتي سادتي انساتي بعد ما اخدت من قسم الابتعاث في الرياض قرار ابتعاثي وامر الاركاب ومعايا قبولي
رجعت لجدة استنى موعد السفر ياليييييل وكان على بداية يناير اللي فات ترى قريب يعني لووووووووول
وكنت من اول المبتعثين اللي سافرو يعني على طول شهر واحد وانا ماشي في ناس مشيت شهر 2 في ناس 4 في واحد اعرفو ما جا الا على 6 يعني مرة قريب
المهم وجا وقت سفري يامعلم وازبط الشنطة والشغل والاوراق والدنيا والعفش طبعا انا دايما انصح ا ي واحد قبل ما يسافر يقرا
يقرا عن المواصلات في المطار مثلا كيف حيتنقل الفندق اللي حيسكن فيه فين مكانو كيف حينتقل لمدينتو كم يوم حيقعد عشان الملحقية يعني لازم تزبطو
ما عادا حقين امريكا يعني مريحينكم شوية لانو يستقبلوكم في مطار واشنطن الملحقية ويودوكم فندق
لكن في وضعي انا كان غير والدول التانية برضو
المهم ورحت المطار يا معلم وجري وزحلقة ودنيا واتاكدتي من اوراقي وسويت كشف اشعة كانو في بريطانيا يطلبوها للطلبة في المطار المهم ودخلت الاتفتيش الحمدلله ودخلت جوا الصالة الفلف على اعصابي الين جا وقت الرحلة وكان في تفتيش جوا كمان عشان بريطانيا خخخخخخ ودخلنا الطيارة واقلعنا الحمدلله
استغرق زمن الرحلة حوالي 6 ساعات هادي ميزة بريطانيا
بس اقلكم حاجة ترى البلد مملة يعني احمدو ربكم وقفولكم بريطانيا السنة دي رحموكم خخخخخخخخخ
المهم ماعلينا
وصلت المطار بحمدلله ومطار لندن غريب توصل طيارتك ومعاك الف طيارة في نفس الوقت نخرج من الطيارة وتلاقي كل الناس خارجين كمان من بوابات تانية وانا شفت الوضع كدى
وجري يامعلم خخخخخخخخخخ ولا قلت بعدين اوقف سرى الله يستر في الجوازات
المهم وجيت سرى الجوازات وشفت موقفينلهم كم سعودي طلبة مقعدينهم قلت اجل رحنا فيها ههههههههههههههههههههه
اش الهرجة ما ا ش الهرجة ماني داري
المهم جا دوري نادتني الموظفة قلت يامرحب جوازك ما جوازك ا ش جاي تسوي في البلد فين حتسكن مدري ايه
وقالتلي هيا روح العيادة عندهم عيادة في المطار
رحتلهم في اتنين عجايز فلة حسيت اني داخلة حضانة مو عيادة قلتلها اقلك يا حرمة بلاشي هجولة انا مسوي الاشعة جاهزة مجهزة واشعة متعوب عليها مو ا ي كلام هاي كواليتي طلت فيا كدى بنص عين وقالتلي هاات اديتها وطلت كدى
وقالت اوكي وقعت وادتني والحمدلله فرجت
المهم خرجت روحت ادور شنطي ولقيتها بكل يسر وسهولة وترحاب خخخخخخخخ وبعدين حطيتها في العربية
هناك عندهم ما يفتشو الشنط الا ازا شكو فيك خخخخخخخ بس انا وانا ماشي وماشيين الشرطة كدى معاهم كلب اسود مجرم مو كلب دا حصان شكلو ويجي على عربيتي يامعلم ويقعد يشمشم في الشنط وفي رجولي وانا سلامات طليت في الكلب
المهم خرجت برة كنت مزبط اني اخد قطار على الفندق اللي انا حاجزو واخدت القطار
وكان بررررررررررررررد وتعرفو لسا من جو حار لجو بارد اتبهدلت المهم نزلت في محطة بادنغتون واخدتلي تاكسي على الفندق
اوفر من اني اخد تكسي من المطار لوووول
واروح الفندق واديهم الاوراق انا حاجز بالنت
وكان في واحد بنقالي في الرسبشن خخخخخخخخخخ
بس بنقالي نضيف ابو انكليزي مو بنقالي زي اللي عندنا
المهم اديتو وكدى ويبغا ينصب عليا الاخ يحسبني غبي اقلو كيف طيب الفطور بكرة
يقلي انتا مالك فطور قلتلو كيف يابو ؟
سلامات ياليل واطلعلو ديك الاوراق طابعها من النت وانو مكتوب فيها انو حجزي يشمل الفطوررررر
الرجال وجهو صار كحلي خخخخخخخخخخخخخخخخخ
قلتلو عشان تعرف بس
المهم يا ليل ورحت اديتها نام وصحيت الصباااااااااح من صبحيت ربنا لانو عارف اني حاضيع في الاندر جراوند الين اوصل المحلقية لاني كانت اول روحة ليا
وانزلكم الاندر جراوند حق لندن واقلهم ابغا خريطة وادوني خريطة اول ماشفتها قلت شكلو مافي ملحقية خخخخخخخخخخخخخخخ في البداية كدى اول مرة تحسوها ملخبطة ومدري كيف بس بعدين الواحد يتعود
المهم وانزلكم ومن قطار لقطار ومن محطة لمحطة واحيانا اخد يوتيرن وارجع المهم جبت العيد الين وصلت محطة الملحقية والامارة الاولى تعرفو انكم صح تلاقي القطار اللي حيوقف في محطة الملحقية في سعوديين لازم يكون في سعوديين خخخخخخخخخخخ
المهم خرجت وجري على المحلقية ابغا اروح من بدري
ورحت الملحقية الموقرة ودخلت
طيب الخطة الاولى كانت ايه ندخل على مكتب كدى يحط بيناتانا في الكمبيوتر ويدينا رقم ملف
بعدين تشوف هل قرار ابتعاثك وصل ولا لا وهنا المصيبة ترى القرار اللي يدونا هوا في الرياض طلع بهللة خخخخخ صورة مختومة الموظف يقلنا اللي ماوصلنا قرار ابتعاثو الاصلي محا نقدر نعملو شي قلتلو سلامات يابو والقرار اللي معايا دا من الوزارة ومدري كيف المهم مضاربات ودنيا صارت
وكان في صراحة عدم تنظيم وكل موظف يفتي من دماغو المهم بعدين جاهم ملف جديد كدى ولقيت فيلو قرار ابتعاثي لوووووووول الحمدلله وكملت الاجراءات طبعا لاحد ينسى صورة الهوية الملحقية تاخد منها ترى لا تقول نسيت وما نسيت الكلام دا مافي ترى ياجماعة ترى اقلكم حاجة النسيان ترى بهدلة تقعد تطق مشاوير زيادة ومدري كيف
المهم اخدو صورة الهوية والجواز قالولي صورة الصفحة الاولى وصفحة التوقيع خخخخخخخخخ
طبعا احنا الشعب السعودي ما بنوقع في الجواز خخخخخخخخ حتى انا لما استلمت الجواز من جدة في الصفحة التانية مكتوب التوقيع قلتلو يابو يحتاج اوقع قلي لا خخخخخ ولما اروح الملحقية يقولو لازم التوقيع تناقض عجيب
المهم والله واخدلكم على جنب واخد قلم واوقع على الجواز خخخخخخ وصورت الصفحة ولازم كمان اخدو صور شخصية لا تنسو الصور والقبول حقكم يعني بالعربي انا اقلكم ا ش سويت نصيحة انا صورت قبل ما اسافر مليون صورة من الهوية ومن قرار الابتعاث ومن الجواز ومن القبول واالفيزا والاوراق المهمة دي ووزعتها نسخ خليتها معايا في شنطتي اللي في يدي ونسخ وزعتها على الشنطتين اللي في العفش لاني ما اضمن شنطة تضيع ولا شي فكان عندي نسخ من الاوراق المهمة في كل مكان
المهم ياحلوين بعد ما زبطوني وادوني رقم ملف وقالولي مين مشرفي وكدى تروح للمشرف ورحتلو طبعا يدوكم في البداية ورقتين ورقة خطاب للبنك عشان نفتح الحساب وورقة تانية زي ورقة تعريف انو الشخص دا مبتعث وبياخد راتب قدره كدى كدى لانو احيانا في السكن يطلبو منكم زي كدا شي يثبت انو عندك راتب حلو فالورقتين دي مهمة صراحة وكالعادة اخدتها وصورتها مليون صورة المهم نجي لهرجة الضمان المالي
طبعا دحين القبول اللي حتجيكم دي هما ما ادو للمعاهد الضمانات المالية لسا
لما تروحو الملحقية تتفاهمو كل واحد مع مشرفو على الضمان المالي فطبعا حيكون زحمة ودنيا فالمشرف يقلك انا ارسلها على ايميلك ومدري كيف انا صراحة ما عجبني الوضع لانو كان في عيال في الملحقية قالولي انو بعد ما راح كل واحد لمدينتو المشرف لطعهم وما ارسلهم الضمان المالي بسرعة واتورطو مع المعهد قلتلو يابويا انا ماني متحرك الين اخد الضمان البالي بيدي قلو شوووو بدك تئعد ساعتين تلاتي لبناني هوا خخخخخخخخ قلتلو انشالله ابات معاكم كمان مافيا للبهدلة انا والروحة والجية والله اقعدلكم ابو ساعتين كدى وشفتو ماسي وناس وعوائل اتبهدلو ومنهم صاحبي
تخيلو الوزارة هنا جابولو قبول ومختوم وكل حاجة وخلاص زبط السكن في البلد اللي رايحلها وكدى وكمان كان في كم عيلة وزبطو السكن وكدى لما جو للمشرف قلهم معليش المدن حقتكم دي وقفناها
سلاماااات كيف يابو ؟ طبعا الناس انصدمت لانو اللي قيدو خلاص دفع فلوس السكن وزبط ومدري كيف
المهم من هنا من هنا والله يقلهم انسو الموضوع انا قلت اخص والله مرة عيب ومساكين كانو في عيلتين والله اتورطو مو عارفين فين يروحو يقولو ا ش نسوي احنا دحين قلهم روحو جيبو قبول من ا ي مدينة تانية
يحسب الاخ انو الوضع بدي السهولة بالنسبة للعوائل واللي معاهم اطفال وكدى المهم والله وما رضيولهم وما ادري بعدين ا ش سوو
بس صاحبي انا كان نفس الهرجة وقالولو قفلنا وكدى بس تفكيرو استراتيجي على طول خرج من الملحقية وراح لواحد من المعاهد حقت اللغة في لندن وجاب قبول ورجعو للمشرف ادالو هوا قلو يللا يابويا ابغا ادرس في لندن قلو المشرف ابشر نو بربلم وزبطلو هيا
بس الفكرة انو مافي تنسيق بين الوزارة حتقولو ليش
اقلكم انا ليش
بعد ما وقفو مدن الجنوب في بريطانيا فكانو العيال يكلم بعض المبتعثين اللي جيين قبولاتهم على المدن اللي موقفة ويقولوهم ترى الملحقية وقفوها ياجماعة غير القبول المهم فقامو العيال اللي في السعودية راحو للوزارة ومعاهم قبولاتهم اللي مختومة من الوزارة وقالولهم ترى الملحقية يقولو المدن دي موقفة والموظف بكل بساطة يقلو مين قلك ماهي موقفة ولا شي ؟؟ حلوة دي
عشان بس اوريكم انو مافي تنسسسسيق بين هنا الوزارة والملحقية المهم
فقعدت انا الييييين اخدت الضمان المالي
ومشيت على الفندق اخدت عفشي واخدت القطاررررررررررر على المدينة او القرية حقتي لووووووووول
وسلامتكم
المهم باقي الجزء التالت وصولي للمدينة دي وكيف نقلت منها الى لندن والاجراءات اللي سويتها مع الملحقية عشان نقلت
ويعطيكم الف عافيييييية