مسستوى لغتي الانجليزيه يفوق مستوى مدربتي في الدوره اللازميه

الله المستعان
الحمد لله على كل حاااااااااااااااااااال
بس ايش نسوي ؟؟

من جد.. لو يلغونها احسن
التدريس اللي يعطونا اياه حق مبزره وغير كذا كل وحده تدخل علينا ماتدري وش السالفه
مفهيه اكثر من البنات .
بدل لايعلمون الطلاب والطالبات شلون نتكلم وشلون العبارات اللي تستخدم في المطارات في المطاعم في الجامعات
كيفية التعامل بطريقة بروفيشنال
قاعدين يعلمونا قرامر من اول وجديد في نفس الليفل اللي احنا موقفين عليه
الله ييسر لنا امورنا بس

الله يعين بجد مشكله ....طيب كلموا المشرفه عليكم .....لازم يغيرون المدربه ....والا حرااااام فيه بنات بتضيع(وخصوصاً اللي مايعرفوا انقلش).....


بالعكس انا اشوف الدوره مهمة وبقوة بعد.....وعلى فكرة الدوره هذا للتواصل بينك وبين الشخص الاجنبي سواء في المطار او الشارع او الفندق او المطعم....الخ...الخ....يعني الدورة من شان تمشي حالك اول ماتوصلي.... مو من شان تدريس مادة الانقلش...وهذا الكلام من مدربتنا...

ليش ماقلوا لكم كذا؟؟؟؟؟؟؟

الدوره حلووو مره بس نااااقصها تنظيم واعداد مسبق.....مو القرار يطلعوه بنفس اليوم وينفذوه.....لازم يشوف ابعاد هذا القرار المتأخذ...

وربنا يسهل ع الجميع,,,,,

احنا صراحه الدوره هذي قراممممممممممممممممممر
لو كانت الدوره تعلمك التواصل زي ماقلتي ماحنتحلطم ونقول نلغيها
الدوره ماتساعد قد ماهي تضيع وقتنا على شي احنا نعرفه (اقصد البنات اللي في الليفل معاي)
كلن يعرفه زين .. حنا نبي يعلمونا اشيا ثانيه

غريبه

بالخبر انا الي يدرسوني اجانب وحده امريكيه والثانيه اتوقع بريطانيا بس على حسب مستواكم يمكن يعني المستوى المتقدم يعلمونا اجانب

احنا اللي تعلمنا فلبينيتين الاولى ....روووعة
الثانية.....ماتدري وين الله حاطها ماتعرف شي
وقالوا لنا بنفسهم.. انهم ممرضات تبع مدارس الحمادي
واكاديمية الفيصل انزنقت لقلة الموظفات فخلوهم يدرسونا
شفتوا التنظيم الررررهيب تبع اكاديمية الفيصل!!!!!

وثانين على المستوى انا لما رحت الاختبار الل يعلم ربشون ربش
عايزينا نطلع بسرعة والمصرية قاعدة تقول هدا مش اختبار ليش
تتاخروا...طيب مش تحديد مستوى خلونا نحل براحتنا
حتى انها قالت :مش لازم تحلو كتابة القطع وعادي ماتحلو
بعض الاسئلة...
س:كيف اختبار تحديد مستوى ومايبغونا نحل اهم شي بسرعة بسرعة
عشان الطالبات اللي راح يجو بعدنا؟؟؟
انا في المستوى ق.المتوسط وانا مستواي ممتاز من غير حلف احسن من اللي يدرسونا
بس اختبارهم الظالم والغبي اللي مايعطي الطالب حقة...
والدليل تشوفي البنات كل يوم يمتحنو نفس الاسئلة ومع بعض برا في الاستقبال
والغش قاااااااااااايم ومحد داري عن حدا
بالله كدا مين داري من الممتاز من المتوس من المبتدي
كثرررررررررت هرج >>>من حر مافيني
الله يخلص هالدورة على خير والله قرف

أبسال::فيه مكافاه نهاية الدورة والا لا؟؟؟

هذا ردي على موضوع آخر ، بس حطيته لأن له علاقه بموضوع الاكاديميه ومدى سوئها




أنا أخذت الاختبار وكان علي والحمدلله سهل للغاية وحتى التعبير عبيت الصفحة كاملة. ومتأكد من مستواي ، علما بأني أخذت دورات داخل وخارج المملكة باللغة ، وبعد الاختبار أخذ الموظف صورة شهادتي بالمعهد وارفقها مع اختباري ،، علما مستواي بالمعهد بـ Level 5 to 6 يعني مستوى عالي وهذا مبين بالشهاده.... جيتهم امس ورحت أدور اسمي بالمستوى التاسع ،، ومالقيت فيه مستوى تاسع ،، قلت اكيد اسمي بأعلى مستوى موجود عندهم ، واروح للمستوى السادس ولا أحصل شي ،، وأشيك المستوى الثالث ولا حصلت شي ،، قلت الله يستر لا يصير فيه لخبطه او مشكله وضاعت اوراقي لأني نقلت اموري من الشرقية للقصيم ،،، وقلت خلني اشوف اسماء المستوى الاول يمكن احصل احد اعرفه ،، وللأسف حصلت اسمي بالمستوى الاول ... قسم بالله جاني قهر ... تخيلوا ما يدروسوني كتاب Level 1 يدروسني Introduction يعني مقدمة بالانجليزي ، بالعربي يعني الحروف والارقام .... واروح للمدير على البرنامج وقلت خلني اتكلم معه بالانجليزي واشرح له مشكلتي علشان فعلا يعرف مستواي ويدري انهم غلطانين ، وتكلمت معاه وقام يقلب عيونه ، تخيلوا طلع مايعرف يتكلم انجليزي زين ،، يعني احطه بمكاني بالدوره احسن ... المهم شرحت له الوضع بالعربي وقالي انه مابيده شي وان الاسامي جايه من الرياض واننا مانقدر نعدل على المستويات او نعدل بالاوقات ولا اي شي .. قلت طيب راسلهم بالمشكله واطلب ورقة اختباري ... قال ما اقدر انت دبر عمرك وراسلهم ،،قلت اجل وش فايدتك هنا ... المهم انه قالي ماعليك وكمل بصفك والدورة أصلا "تحضيرية" يعني بس اللي يهمنا نرفع الاسامي بنهاية الدورة للوزارة بالطلاب اللي حظروا...

قسم بالله انهم ماصححوا ورقتي وان المستويات حطوها عشوائي ... وبعض الطلاب كانوا يشتكون انهم اثناء الاختبار طلبوا من الشخص المسؤول انه يوقفون الاختبار ويحطهم بالمستوى الاول، فأخذ المسؤول الاوراق وكتب عليها "المستوى الاول" وخلا الطلاب يوقعون عليها .. وتفاجئ الطلاب يوم حظروا قبل امس ان بعضهم بالمستوى السادس والبعض بالثالث...
يعني الوضع لعب ونصب ماهمهم الا العقد اللي من الوزارة والفلوس اللي عليه..
حسبي الله ونعم الوكيل
قسم بالله اني منقهر ، واليوم بروح لهم واقول للمشرف يا انه يضبط اموري و يخاطب المسؤول أو انه مايردني الا المكتب بالرياض واقول لهم أن المشرف الفلاني ما تعاون معي ابد ولا ضبط اموري وحل مشكلتي...

او اني بخليها على ماهي واخلي الدورة تغيير جو <<< اي تغيير جو 6 ساعات باليوم

خليهم يحطونا مكان ما يحطونا في اي مستوى بس هم يحددو هدفهم وينظمو زين ويخلصونا
ممكن اسال مين استثنوه من غير الحاصلين ع التوفل ؟ لا نه قالو اللي عندها علوم طبيه استثوها

هههههههههههههههه

وربي شكلنا كلنا حناخدها تغيير جووو مع البسااااس ووووووووووجع>>>>دوامنا بكلية البساس بجده

الله المستعاااان وبس