استفسار من خريجين ميكروبيولوجي ..........

انا زيك ميكروبيولوجي. لكني من المرحلة الخامسة

خيتو ...انا كمان من المرحلة الخامسة لكني بحثت عن التخصص كثيرا .... وقابلت ناس يدرسوه ...بالنسبة للصعوبة فما يعتبر صعب ...اما الجامعات القوية فهي كثيرة ولكن شروطها صعبة كمان وليست مستحيلة .... الوظايف ...ما اعرف عنها

هذا اللي اعرفه ...

وأنا معاكم في نفس التخصص بس ما بدي ادور على قبول الجامعة حاليا بس افكر الآن في قبول اللغة ولمن أوصل هناك أن شاء الله بشوف عن قرب لآن بعد اللغة احتمال كثير بتتغير مقايسنا لجودة الجامعة وأمور كثيرة تتعلق بالجامعة ......
حابه أسألكم في اي ولاية بتروحوا؟؟ نفسي تكون لي صديقة من نفس تخصصي ندرس سوى اللغة في نفس المعهد ما أحب أكون لوحدي !!!!....

وعليكم السلام ورحمة الله وبركاته ..

اهلين اختى انا برضو خريج قسم احياء دقيقه ..
بالنسبه لتخصصنا ترا والله جبار وقوي جداً
بالنسبة للماستر طبعا انا عن نفسي واتمنى يعني
انى اكمل في نفس تخصصي وبما انو الوزاره حاشرتنا في المختبرات
مبدئياً يعني افكر انى اكمل في الميدكال مايكروبيولوجي .. لانو زي ما قلت امتداد لتخصصنا
لكن والله اعلم انو في مجالات تانيه مفتوحه لنا فأصحابي في المرحله الرابعه إللى سبقونا واغلبهم
في بريطانيا في شباب كملو بايوتكنولوجي وانسمح لهم لانو تقريبا قريب من تخصصنا
وفي واحد كمان كمل في الباراسيتولوجي "طفيليات" ..
وبالنسبة للدراسه هناك لو حابه تكملى في الجامعات ففي في اغلبها تقريبا
تخصصين لنا .. "الميدكال مايكروبيولوجي" .. و "المكيروبيولوجي والامنيونولجي"
انا عن نفسي يعني عندي مشاكل مع علم المناعه خخخ فأفضل التخصص الاول مبدئيا
ودا احنا بنتكلم عن تخصصنا بس .. لكن لو مثلا احد حاب يكمل في الهيماتولوجي "علم الدم" او الطفيليات
او الفيروسات او المناعه لحالها .. على حد علمى انو المجال مفتوح لانها تعتبر تقريا امتداد لتخصصنا
بالنسبة للوظايف والله مدري يعني ارزاق بس اكيد لو كملنا فبمسمى التخصص إللى من الوزاره بنرجع
لـ المختبرات الطبيه يعني مختبرات المستشفيات .. يعني ان ربي وفقنا وكملنا وجبنا الشهادات ..
بعد المعادله والمشوار دا راح نختبر اختبار التخصصات الطبيه وبعدها نكون جاهزين للعمل في المختبرات الطبيه
والله دا إللي النسبة للشباب إللى من دفعتي ومعدلاتهم تحت 2.75 غالبيتهم عاطلين طبعا خخخ
وفي مجموعه ناس اشتغلو في الجامعات فنيين وكدا .. وفي شباب اشتغلو في شريكات وفي خط الانتاج وكدا
ومختبرات الجوده .. طبعا بالنسبة للصحه فرافضتنا كلياً فعشان كدا الماستر فرصه لنا عشان نفتح المجال الصحي لنا

وبالتوفيق للجميع ان شاء الله ودا إللى عندي وان شاء الله اكون افتدتكم ..
ولو احد محتاج اي شي في الاحياء الدقيقه او جامعات ان شاء الله بنتكاتف ونساعد بعض
وسلامتكم

( عثمـــــان ) و ( صاحب الهمـــــــــــه ) انا كمان زيكم من المرحله الخامسه انا هنا ملطوعه زيكم ما سافرت لسه وابا استفسر عن تخصص المختبرات بس خخخخخخخخ ,, الف شكر لردودكم والله

(الحلم القادم) الله يحييكي بيننا ,, ومادام انتي امريكا تعالي نتعرف ونروح سوا ان شاءالله : )
بس حابة اسالك انتي قدمتي مختبرات طبيه ولا ايش بالضبط ؟؟؟؟

اخوي ( microbiologist ) والله ماعرف ايش اقول غير الله يعطيك العافيه والله ردك اكثر من مفيـــــــــد بصراحه
الي فهمتو من كلامك انك كمان مقدم مختبرات طبيه صح ,,, بس ابا اسالك يعني حنتخصص في المختبرات لهيماتولوجي وميديكال وبارا وكداا ؟؟ تصدق كنت متوقعه حندرسها كلها مع بعض ,,,, بس ماعرفت اش النظام مرررررره حلو انو الواحد يختار تخصص ادق ويتعمق فيه ,,, طيب انت ليش اخترت الميديكال ؟؟؟
وبجد بجد الله يعطيك الف الف عااااااااافيه على ردك وتشريفك لموضوعي يا باشــــــــا : )

اتمنى من جميــــع الميكروبيولوجيين التفاعل وطرح فضفضاتهم وتخطيطاتهم هنا عشان نستفيد من بعض والف شكر للكل

اهلين اختى
الله يوفقك يخليكي يارب وينولك مرادك ..
انا ايوا مقدم مختبرات طبيه ومختار كندا ..
اوكي يا ستى .. يعني مثلا حقون الهندسه مقدمين معانا وتخصصهم في الوزاره هندسه لكن كل واحد حر يكمل في مجالو مثلا واحد هندسه معماريه واحد هندسه كميائيه وكدا ..
احنا تخصص المختبرات تقريباً نفس الفكره .. يعني مافي عندهم تخصص اسمو مختبرات
فيه اظن تخصص مختبرات لكن اسمو لابروتوري تكنيكز .. بس انا ما اشوفو تخصص جيد ..
فإحنا والبايوكيمستري إللى هما الكمياء الحيويه و خريجين قسم مختبرات طبيه .. دول إللى ليهم في المختبرات
وبالنسبه لسؤالك ايوا كل واحد يتخصص في شي .. ما ينفع كلهم مع بعض ..
انا والله اخترت الميدكال لانو زي منتى عارفه عشان نكون تحت التخصص المطلوب للوزاره ..
فالميدكال مايكروبيولوجي هوا الاقرب لدا الشي .. وغير كدا يعني صراحه ميولى ميكروبيولوجيه بحته خخخ
فأحب لقسم دا ومتعمق فيه يعني .. ما احب الطفيليات او الفيروسات وبالزات المناعه احسها معقده شويا ..
يعني انتى حاولى تقري وتشوفي المواقع حقت الجامعات وكدا .. عشان يكون عندك خلفيه ان شاء الله
بس لا تشغلى نفسك فيهم لانو لسا وراكي سنه .. وبالتوفيق للجميع

^^^^^
انا زيك ماااااحب الفيروسات والمناعه والله بقوووووووة معقده الكورس الي اخدتهم فيه ماكان كويس بالمرررره

ان شاءالله اخد بنصيحتك واقرا عن التخصصات اكثر واكثرررر

يسلمووووووووووو ع الرد والتفصيل ,,, الله يعطيك على قد نيتك يااارب ردك جدا مفيـــــــــد لي ولغيري

ايوه يا حبيبتي .. أنا مقدمه على مختبرات طبية ..