الأعضاء الإشتراك و التسجيل

الملتقيات
ADs

المهزله التأهيليه الخاصه بالمرحله الخامسه بمدينة جده

المهزله التأهيليه الخاصه بالمرحله الخامسه بمدينة جده


NOTICE

تنبيه: هذا الموضوع قديم. تم طرحه قبل 5205 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية nouny
    nouny

    مبتعث جديد New Member

    nouny كندا

    nouny , أنثى. مبتعث جديد New Member. من السعودية , مبتعث فى كندا , تخصصى رسم , بجامعة كلية التربيه
    • كلية التربيه
    • رسم
    • أنثى
    • جدة, جدة
    • السعودية
    • Aug 2009
    المزيدl

    December 27th, 2009, 07:32 PM

    من وين أبدأ بس وقسما عايشين مهزله احنا بجده مع ادارة كلية التربيه الخاصه بإعداد المعلمات واكاديمية الفيصل العالميه المشرفه على سير هالدوره التأهيليه
    الحاصل انو بدأنا الدوره التأهيله مابين فصول فيها معلمات وفصول تانيه ماعندك أحد يقشرو بصل لحد ماوصلنا ليوم 9 محرم يوم السبت اتفاجأنا بالمهزله اللي حاصله انو معلمات الانجليزي التابعين لإكاديمية الفيصل عملو اضراب وأخدو حالهم ومشيو من الكليه من غير سابق انذار للطالبات واحنا عندنا امتحان وماعملوه
    نتواصل مع الإداره حقت الكليه نسألهم ايش اللي صاير في محاضرات راح ناخدها والا لا يردو علينا ويقولو الا فيه والدوره ماشيه زي ماهي .. وتجينا وحده مانعرف حتى هيا تابعه لمين فيهم للفيصل والا للكليه وتقولنا الدوره اتووووووووووووووقفت وماراح تكتمل انتو لاعاد تدامو وانتظرو مننا رسائل عالجوال والإيميل نبلغكم فيها متى ترجعو ؟؟؟ ياسلام يعني احنا عندنا وقت لهالتأخير مو كفايه اسبوع الإجازه حق المطر واسبوع البهدله اللي صارت بفندق رمادا ,, بصراحه قمة المهزله حاصله واخرتها اليوم تاريخ 10 محرم يجمعونا ولا الـ 100 طالبه بـ قاعه وحده ومع استاذه وحده تقول عن نفسها بروفيسوره واخلاقها اسمحولي اقولكم صفر وبقووه فالحه تهزأ بالبنات وبس مايصير كدا البروفيسوره تكون بروفيسوره بأخلاقها مو بهالشكل وهالإسلوب اللي حتى طالب بالإبتدائيه مايتعامل بيه .. حرام تكون هالبعثه تحت اسم الملك عبدالله والمشرفين عليها ناس زباله زي كدا ماعندهم احترام لأوضاع البنات اللي جايه من مكه والطائف يعني بجد مو ناقصين كمان واللي تركت شغلها وراتبها عشان هالموضوع واللي اضطرت تعتذر عن الدوام عشان تحضر وينخصم عليها راتب على مهزله وعالم ماتقدر هالشي واللي يقهر انو محد من الوزاره جا وعبرنا وشاف وضعنا محد من ناحية الوزراه جا وسألنا كيف وضعكم ايش محتاجين هل استفدتو شي من الدوره والا لا
    مره مخليننا صفر عالشمال .. بصراحه هالدوره حرق اعصاب وبس ولو حابين تزورونا والا ترسلو صحفيه احنا موقعنا بجده بشارع الستين خلف مخابز البدر الآليه حتى الكليه مبناها مهزله

    الله المستعان بس لو يلغوها يكون احسن ولا هالمصاريف اللي عالفاضي واخرتها يقولو خناقة الإداره مع الفيصل على رواتب المعلمات .. طيب احنا ايش دخلنا يروحو يستدعولنا استاذات متقاعدات عشان يدونا المحاضرات وهما مو فاهمين الهرجه .. ياليت بس احد يقرآ رسالتي ويهتم بيها لأنو تعبنا منهم ومن اسلوبهم الهمجي
  2. السلام عليكم ورحمه الله وبركاته

    أختي الغاليه الحل إننا نرفع خطاب للوزاره بس ياريت نتعاون ونكتبه مع بعض ونوضح فيه كل مهزله ومسخره وحرق دم صارت لنا .
    ..
    يلا نبغى نبدأ في كتابه الخطاب وربكم ييسر >> اهم شي نبغى تعاون



    ســفــــيــــرة الـــســــعـــوديـــــه
    7 "
  3. اصلن البروفيسورة قالت لحد يتكلم و لا تكبرو الموضوع يعني ( لحد يشتكي للوزارة ) وبعدين قالت كلمة ترى الوزارة ماراح ترد عليكم انا لمن ارسلت للوزارة الخطاب كتبت انو اهم شي عندهم في الكلية هو الحضور و الغياب طيب على ايش موزعين كتب و مخسرين الدولة على توقيع حضور و غياب حسبي الله ونعم الوكيل عليهم
    7 "
  4. ههههههههههه أحلى شي عجبتني كلمة مهزلة تأهيلية ...
    يا شيخة ما أقول الا حسبنا الله ونعم الوكيل ... الواحد سار ما يعرف كيف يتعامل مع هادي الدورة ... سرنا معلقين
    والأمور في المدن التانية ماشية زي العسل إلا في جدة على قولتك بصل وثوم مكشنين على النار
    الله يسرها لينا إن شاء الله ولا يعسرها علينا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.